Health Emergency: ఆరోగ్య అత్యవసర పరిస్థితులను ఎలా ఎదుర్కోవాలి?
జీవితంలో ఎలాంటి ఇబ్బంది వచ్చినా దాన్ని ఎదుర్కోడానికి మనం ఆర్థికంగా సిద్ధంగా ఉండాలి. ముఖ్యంగా ఆరోగ్య అత్యవసర పరిస్థితులు ఏర్పడినప్పుడు దాన్ని ఎలా ఎదుర్కోవాలో తెలుసుకోండి..
ఇంటర్నెట్ డెస్క్: ఆరోగ్యం విషయంలో అప్రమత్తత ఎవరికైనా చాలా అవసరం. మీరు ఆర్థికంగా సిద్ధంగా లేకుంటే ఆరోగ్య అత్యవసర పరిస్థితులను ఎదుర్కోవడం చాలా కష్టం. ఆరోగ్యం దెబ్బతిన్నప్పుడు దానికి గణనీయమైన మొత్తం ఖర్చవుతుంది. మెడికల్ ఎమర్జెన్సీ సమయంలో నిధుల కోసం పరిగెత్తడం కంటే అలాంటి పరిస్థితులకు ముందు నుంచి సిద్ధంగా ఉండడం చాలా మంచిది. డబ్బు ఆదా చేయడానికి, అవసరమైన ఆరోగ్య సంరక్షణను పొందడానికి కొన్ని విషయాలు తెలుసుకోవాలి. ఊహించని వైద్య ఖర్చుల కోసం ఒక ప్రణాళికను కలిగి ఉండడం ముఖ్యం. దీని గురించి ఆర్థికంగా మిమ్మల్ని మీరు సిద్ధం చేసుకునే కొన్ని మార్గాలు ఇక్కడ ఉన్నాయి.
బడ్జెట్
ప్రతి వ్యక్తికీ లేదా కుటుంబానికి వేర్వేరు ఆరోగ్య సంరక్షణ అవసరాలు ఉండొచ్చు. అందుకు మీ నెలవారీ బడ్జెట్లో కొంత భాగాన్ని ఆరోగ్య సంరక్షణ ఖర్చుల కోసం ప్రత్యేకంగా కేటాయించాలని ఆర్థిక నిపుణులు సిఫార్సు చేస్తున్నారు. ఇందులో బీమా ప్రీమియంలు, రెగ్యులర్ చెకప్లు, అత్యవసర ఆరోగ్య నిధికి సమకూర్చిన పొదుపు ఉండాలి. ఆరోగ్య బీమాకు, హెల్త్ చెకప్లకు చేసే ఖర్చును వ్యయం కింద చూడకూడదు. ఆరోగ్యంపై చేసే పెట్టుబడిగానే భావించాలి.
అత్యవసర నిధి
ఆర్థిక అత్యవసర లేదా ఊహించని సంఘటనల కోసం సిద్ధం కావడానికి మొదటి అడుగు అత్యవసర నిధిని ఏర్పాటు చేసుకోవడం. అనారోగ్యాలు చెప్పిరావు. అకస్మాత్తుగా ఆసుపత్రి పాలయిన వారిని ఎంతో మందిని చూస్తుంటాం. ఇవే సంఘటనలు ఎవరికైనా జరగొచ్చు. కాబట్టి, ఆరోగ్య సంక్షోభాల కోసం ప్రత్యేకంగా 6 నెలల సంపాదన మొత్తాన్ని అత్యవసర నిధిగా సమకూర్చుకోవాలి. దీన్ని స్వల్పకాలిక ఎఫ్డీలు లేదా సేవింగ్స్ బ్యాంకు ఖాతాలో ఉంచవచ్చు. క్రమం తప్పకుండా చేసే కొద్ది మొత్తం కూడా అత్యవసర సమయాల్లో ఎంతగానో ఉపయోగకరంగా ఉంటుంది. ఇలాంటి ఫండ్ బహుళ అత్యవసర పరిస్థితులను నిర్వహించడానికి, ఆసుపత్రి బిల్లులను చెల్లించడానికి మీకు స్వల్ప మొత్తం అవసరమైనప్పుడు మీ ఇతర పెట్టుబడులను రక్షించడంలో మీకు సహాయపడుతుంది.
రెగ్యులర్ హెల్త్ చెకప్లు
మన ఆరోగ్యం కంటే ముఖ్యమైనది ఏదీ లేదు. ఆరోగ్యంగా ఉన్నట్లు అనిపించినా సుమారుగా 45-50 సంవత్సరాలు దాటిన తర్వాత రెగ్యులర్ హెల్త్ చెకప్లను చేయించుకోవడం చాలా ఉత్తమం. ఆరోగ్య పరీక్షల ద్వారా ముందస్తు అనారోగ్య లక్షణాలను గుర్తించడం వల్ల, రోగం మరింత పెరగకుండా నిరోధించడానికి అవకాశం ఉంటుంది. రాబోయే కాలంలో ఏర్పడే చికిత్స ఖర్చులను తగ్గించవచ్చు. ఆరోగ్యవంతమైన జీవితకాలాన్ని పెంచుకోవచ్చు.
ఆరోగ్య బీమా
పెరుగుతున్న ఆరోగ్య సంరక్షణ ఖర్చుల దృష్ట్యా, ప్రతి వ్యక్తి వారి ఆర్థిక స్థితిని కోల్పోకుండా వైద్య ఖర్చులను తట్టుకోవడానికి తగిన ఆరోగ్య సంరక్షణ పాలసీని ఎంచుకోవాలి. ఆరోగ్య బీమా అనేది వైద్య అవసరాల కోసం ఆర్థికంగా సిద్ధం కావడానికి అత్యంత ప్రాధాన్య అవసరాల్లో ఒకటి. దీనివల్ల జీవితంలో ఎలాంటి ఆరోగ్య ఇబ్బంది వచ్చినా దాన్ని ఎదుర్కోడానికి ఆర్థికంగా సిద్ధంగా ఉండొచ్చు. వైద్య ఖర్చుల వల్ల కలిగే ఆర్థిక ఒత్తిడిని తట్టుకోవడానికి ఆరోగ్య బీమా చాలా ముఖ్యమైనది. అత్యవసర పరిస్థితులు, ఆసుపత్రిలో చేరడం, తీవ్రమైన అనారోగ్యాలను కవర్ చేసే ప్లాన్ల కోసం చూడండి. ఆరోగ్య బీమా పథకాలు ఆఫ్లైన్లోనే కాకుండా ఆన్లైన్లో కూడా కొనుగోలు చేయొచ్చు. మీ అవసరాలు, బడ్జెట్కు సరిపోయే వాటిని కనుగొనడానికి ఆరోగ్య బీమా ప్రీమియంలను, విధానాలను సరిపోల్చండి.
మీకు ఆరోగ్య బీమా ఉన్నట్లయితే నెట్వర్క్ ఆసుపత్రులను ఉపయోగించుకోండి. నగదు రహిత సేవలు ఇందులో లభిస్తాయి. అత్యవసర సమయాల్లో తక్షణ ఆర్థిక భారాన్ని తగ్గిస్తాయి. సాధ్యమైనంతవరకు ఖర్చుల గురించి ముందుస్తుగా విచారించండి. కొన్నిసార్లు ఆసుపత్రులు డిస్కౌంట్స్, బిల్లుల తగ్గింపులను అందించవచ్చు. అంతేకాకుండా, ఈ రోజుల్లో చిన్న చిన్న ఆరోగ్య సమస్యల కోసం భౌతికంగా ఆసుపత్రిని సందర్శించకుండా ఆన్లైన్లోనే డాక్టర్స్ను సంప్రదించడం సాధ్యం. చిన్న ఆరోగ్య సమస్యల కోసం పొందే టెలిమెడిసిన్ సేవలు పెద్దగా ఖర్చుతో కూడుకున్నవి కూడా కావు. పైగా పేషెంట్కు చాలా సౌకర్యవంతంగా ఉంటాయి. ఇలాంటి వాటిని కూడా కవర్ చేసే బీమా పాలసీ కోసం ప్రయత్నించండి.
క్రెడిట్ స్కోరు ముఖ్యం
ఏదైనా ఆర్థిక అత్యవసర పరిస్థితుల్లో మీకు సహాయపడే మరో ముఖ్యమైన విషయం ఏంటంటే మంచి క్రెడిట్ స్కోర్ను నిర్వహించడం. ప్రత్యేకించి అత్యవసర పరిస్థితుల్లో, మంచి క్రెడిట్ స్కోరు రుణ పంపిణీ ప్రక్రియను వేగవంతం చేయడమే కాకుండా, మీకు తక్కువ వడ్డీ రేటుకు రుణం పొందేలా చేస్తుంది. ఒక్కోసారి అనారోగ్యం పాలయినప్పుడు బీమా లేకపోయినా లేదా సరిపోకపోయినా అత్యవసరంగా రుణాలు తీసుకోవలసి రావచ్చు. వ్యక్తిగత రుణంలో వడ్డీ ఎక్కువగా ఉంటుంది. కానీ, ఆరోగ్య సంక్షోభ సమయంలో చివరి ప్రయత్నంగా రుణం సహాయపడుతుంది. వైద్యపరమైన అత్యవసర పరిస్థితుల కోసం ప్రత్యేకంగా తక్కువ వడ్డీ రేట్లతో వ్యక్తిగత రుణాలు లేదా క్రెడిట్ కార్డుల వంటి ఎంపికలను అన్వేషించండి. మెరుగైన క్రెడిట్ స్కోరు ఉన్నవారికి బ్యాంకులు తక్కువ వడ్డీకే రుణాలిస్తాయి. కాబట్టి, రుణం అవసరమున్నా లేకపోయినా మెరుగైన క్రెడిట్ స్కోరును ఎల్లప్పుడూ నిర్వహించడం చాలా అవసరం.
సమీక్ష, ప్రివెంటివ్ కేర్
మీ బీమా కవరేజీ, అత్యవసర నిధి, ఆర్థిక ప్రణాళికను ఎప్పటికప్పుడు సమీక్షించుకోవాలి. మీ ఆరోగ్యం, ఆదాయం, కుటుంబ పరిస్థితుల్లో మార్పుల ఆధారంగా వాటిని అప్డేట్ చేసుకోవాలి. అంతేకాకుండా ఆరోగ్య అత్యవసర పరిస్థితులను నివారించడానికి తగిన చర్యలపై దృష్టి పెట్టండి. మంచి అలవాట్లు, క్రమం తప్పకుండా వ్యాయామం, సమతుల ఆహారం, ఎప్పటికప్పుడు ఆరోగ్య పరీక్షలు చేయించుకోవడం మంచిది. ఇంకా, వివిధ ఆరోగ్య సమస్యలు, సాధ్యమయ్యే నివారణ చర్యల గురించి ఎప్పటికప్పుడు తెలుసుకోండి. దీనివల్ల అనారోగ్య నివారణకు ఎక్కువ అవకాశం ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
-
పది కిలోల బంగారం స్వాధీనం
-
భారత్ ఎన్నికల వేళ పాకిస్థాన్ అక్కసు.. ప్రసంగాల్లో వాళ్లపేరు లాగొద్దట!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..