Credit Cards: క్రెడిట్ కార్డు అప్గ్రేడ్ చేసే ముందు ఈ విషయాలు తెలుసుకోండి..
క్రెడిట్ కార్డుతో అనేక రివార్డు పాయింట్లు, క్యాష్బ్యాక్ ఆఫర్లు పొందొచ్చు, మెరుగైన క్రెడిట్ స్కోరు నిర్వహణకు ఈ కార్డులను ఉపయోగించుకోవచ్చు.
ఇంటర్నెట్ డెస్క్: ప్రస్తుత కాలంలో షాపింగ్కు, ఆన్లైన్ చెల్లింపులకు క్రెడిట్ కార్డులనే ఎక్కువుగా వాడుతున్నారు. డిజిటలైజేషన్లో భాగంగా క్రెడిట్ కార్డుల వినియోగం ఈ మధ్య కాలంలో బాగా పెరిగింది. క్రెడిట్ రిస్క్లేని ఖాతాదారులకు క్రెడిట్ కార్డులను ఇవ్వడానికి బ్యాంకులు మొగ్గుచూపుతున్నాయి. అయితే ఇప్పటికే క్రెడిట్ కార్డు ఉన్నవారు ఆ కార్డుని అప్గ్రేడ్ చేయడానికి ప్రయత్నిస్తుంటే కొన్ని విషయాలను తెలుసుకోవడం మంచిది.
క్రెడిట్ కార్డును చాలా చోట్ల వినియోగిస్తుంటాం. అయితే ఎక్కడ ఎక్కువగా వినియోగిస్తున్నామో గమనించి.. ఆ కేటగిరీలో ఎక్కువ ప్రయోజనాలను అందించే క్రెడిట్ కార్డుని ఎంపిక చేసుకోవడం ద్వారా లాభం పొందొచ్చు. ప్రాథమిక క్రెడిట్ కార్డులు వార్షిక ఫీజు లేకుండా గానీ తక్కువ ఫీజుతో గానీ వస్తాయి. మెరుగైన ఫీచర్లతో కూడిన క్రెడిట్ కార్డు కావాలంటే మాత్రం ఎక్కువ వార్షిక రుసుములు చెల్లించాల్సి ఉంటుంది.
మొదటిసారి క్రెడిట్ కార్డు కోసం దరఖాస్తు చేసినప్పుడు.. జారీ సంస్థలు సాధారణంగా ప్రాథమిక ఫీచర్స్తో కూడిన ఎంట్రీ-లెవల్ కార్డును మాత్రమే అందిస్తాయి. కొత్తగా క్రెడిట్ ప్రయాణాన్ని ప్రారంభించేవారికి ఇటువంటి కార్డులు అనుకూలంగా ఉంటాయి. ప్రీమియం కార్డుల స్థాయిలో రివార్డ్లు, క్యాష్బ్యాక్, ట్రావెల్ బెనిఫిట్స్, లాంజ్ యాక్సెస్ వంటి ఆకర్షణీయమైన ప్రయోజనాలను అందించవు. అయితే, కాలక్రమేణా మీ ఆదాయం పెరుగుతుంది. కార్డు లావాదేవీలు పెరుగుతాయి. దీంతో మీ క్రెడిట్ స్కోరు మెరుగుపడుతుంది. అప్పుడు అధిక ప్రయోజనాలను అందించే కార్డుకు అప్గ్రేడ్ అవ్వచ్చు.
ఎలాంటి ఫీచర్స్ ఉన్న క్రెడిట్ కార్డును తీసుకోవాలి?
ఖర్చులకు అనుగుణంగా
క్రెడిట్ కార్డులు అన్ని ఖర్చులకు సాధారణ ప్రయోజనాలు అందించినప్పటికీ నిర్దిష్ట కేటగిరీ (ప్రయాణాలు, ఇంధనం, షాపింగ్ ఇలా)పై అధిక ప్రయోజనాలను అందిస్తాయి. ఉదా: ట్రావెల్ క్రెడిట్ కార్డులు.. ప్రయాణ బుకింగ్లపై అదనపు రివార్డులు / రాయితీ ఆఫర్లు, కాంప్లిమెంటరీ ఎయిర్పోర్ట్ లాంజ్ యాక్సెస్ లేదా ఉచిత విమాన టిక్కెట్లు వంటి ప్రయాణ ఖర్చులను ఆదా అయ్యే ప్రయోజనాలతో వస్తాయి. ఇంధన క్రెడిట్ కార్డులు.. పెట్రోల్ పంపుల వద్ద పెట్రోల్, డీజిల్ కొనుగోళ్లపై రాయితీ ఇస్తుంటాయి. అందుచేత మీరు ఎక్కువగా ఖర్చు చేసే కేటగిరీలను గుర్తించి, ఆ కేటగిరిలో కార్డుకు అప్గ్రేడ్ చేసుకుంటే అధిక ప్రయోజనాలను పొందే వీలుంటుంది.
రివార్డు వివరాలను తెలుసుకోండి
మీకు కావలసిన క్రెడిట్ కార్డు రకాన్ని తెలుసుకున్న తర్వాత నిబంధనలు, షరతులతో పాటు కార్డు ఫీచర్లను సవివరంగా తెలుసుకోవాలి. ఉదా: మీరు షాపింగ్ క్రెడిట్ కార్డుని ఎంచుకుంటే.. దానిలో లభించే రివార్డులు, క్యాష్బ్యాక్ వంటి వాటితో ఎంత ప్రయోజనం పొందుతారో తెలుసుకోవాలి.
గరిష్ఠ పరిమితి
కొన్ని కార్డులు ఎంపిక చేసిన బ్రాండ్లు, ఆన్లైన్ షాపింగ్ ఫ్లాట్ఫాంలపై మాత్రమే ప్రయోజనాలు అందిస్తాయి. మీరు ఆయా బ్రాండ్లు, ఫ్లాట్ఫాంలపై ఎక్కువగా షాపింగ్ చేసేవారైతేనే వాటిని ఎంచుకోవాలి. మరికొన్ని కార్డులు కొనుగోళ్లపై మంచి రాయితీనే అందించినప్పటికీ.. గరిష్ఠ పరిమితిని కూడా విధిస్తుంటాయి. ఉదా: క్రెడిట్ కార్డు ద్వారా రూ. 10 వేలు ఖరీదు చేసే ఒక మొబైల్ కొన్నారనుకుందాం. కార్డు కొనుగోలుపై 15% రాయితీ అని ఉంటుంది. అంటే రూ. 1,500 ధర తగ్గాలి. కానీ అక్కడ గరిష్ఠ రాయితీ పరిమితి రూ.1,000 అని కూడా ఉంటుంది. ఇక్కడ వినియోగదారుడికి లభించేది రూ.1000 మాత్రమే. కాబట్టి రాయితీపై గరిష్ఠ పరిమితిని కూడా చెక్ చేసుకోవాలి.
వార్షిక రుసుం..
మెరుగైన ప్రయోజనాలతో కార్డు వస్తుందంటే.. వార్షిక రుసుం కూడా ఎక్కువగానే ఉండే అవకాశం ఉంది. మీ బ్యాంకు విధించే వార్షిక రుసుమును.. మీరు పొందే ప్రయోజనాలు అధిగమించేలా ఉన్నాయా విశ్లేషించుకోవాలి. అలా ఉన్నప్పుడు మాత్రమే అప్గ్రేడ్ చేసుకోవచ్చు. కొన్ని సంస్థలు కార్డును ఉపయోగించి చేయాల్సిన కనీస వ్యయ పరిమితిని ముందుగానే నిర్ణయిస్తాయి. ఈ పరిమితిని మించి ఖర్చు చేస్తే.. వార్షిక రుసుమును తిరిగి చెల్లిస్తాయి. ఒకవేళ మీ ఖర్చులు ఈ పరిమితి మించేలా ఉంటే కార్డు అప్గ్రేడ్ చేసుకోవచ్చు. అయితే వార్షిక రుసుమును తిరిగి పొందడం కోసమే అధిక స్థాయిలో ఖర్చు చేయడం మంచిది కాదు.
అధిక క్రెడిట్ పరిమితి..
కార్డు అప్గ్రేడ్ చేసినప్పుడు సాధారణంగా క్రెడిట్ లిమిట్ కూడా పెరుగుతుంది. ఇది అనేక రకాలుగా ఉపయోగపడుతుంది. కొనుగోలు శక్తి పెరుగుతుంది. అత్యవసర పరిస్థితుల్లో ఎక్కువ మొత్తం వినియోగించుకునేందుకు యాక్సెస్ లభిస్తుంది. అంతేకాకుండా క్రెడిట్ వినియోగ నిష్పత్తి తగ్గుతుంది. అయితే ఎక్కువ పరిమితితో వచ్చే కార్డును ఇచ్చేటప్పుడు.. మీ ఆదాయంతోపాటు అనేక అంశాలను బ్యాంకులు పరిగణనలోకి తీసుకుంటాయి.
రివార్డు బ్యాలెన్స్ బదిలీ..
కొత్త కార్డుకు అప్గ్రేడ్ అయ్యే ముందు మీ ప్రస్తుత కార్డులో ఉన్న రివార్డు బ్యాలెన్స్, క్యాష్బ్యాక్ను చెక్ చేసుకోవాలి. ఇది మీ కార్డు ఖాతాకు ఇంకా క్రెడిట్ కాకపోవచ్చు. అందుచేత అప్గ్రేడ్ అయ్యే కొత్త కార్డులో, మీ పాత కార్డు రివార్డు బ్యాలెన్స్ బదిలీ అవుతుందా లేదా అని తెలుసుకోవాలి. బదిలీ కాని పక్షంలో పాత కార్డుకు సంబంధించిన పాయింట్లను రీడీమ్ చేయాలి. దీంతో క్రెడిట్ కార్డులో సంపాదించిన రివార్డ్ పాయింట్లను కోల్పోకుండా చూసుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్