Cashless Claims: మీకు తెలుసా? క్యాష్లెస్ క్లెయింలూ తిరస్కరిస్తారని..!
నగదు రహిత క్లెయిం సదుపాయంతో బీమా సంస్థలే ఆసుపత్రికి నేరుగా బిల్లు చెల్లిస్తాయి.
ఇంటర్నెట్ డెస్క్: ఆరోగ్య బీమాలో (Health insurance) ప్రస్తుతం అందుబాటులో ఉన్న క్యాష్లెస్ (Cash less) చికిత్సలు పాలసీదారులకు ఎంతగానో ఉపయోగపడుతున్నాయి. గతంలో అనారోగ్యంతో ఆసుపత్రిలో చేరితే.. పాలసీ ఉన్నప్పటికీ పాలసీదారుడే ఆసుపత్రిలో డబ్బు కట్టాల్సి వచ్చేది. ఆ తర్వాత రీయింబర్స్మెంట్ క్లెయిం చేసుకునేవారు. దీంతో బిల్లు చెల్లింపులకు కావాల్సిన డబ్బు కోసం ఇబ్బందిపడేవారు. కానీ, ఇప్పుడు ఆ ఇబ్బందులు లేవు. నగదు రహిత క్లెయిం చెల్లింపుల ద్వారా బీమా సంస్థలే ఆసుపత్రికి నేరుగా బిల్లు చెల్లిస్తున్నాయి. అయితే, కొన్నిసార్లు నగదు రహిత క్లెయింలూ తిరస్కరణకు గురికావొచ్చని మీకు తెలుసా? అయితే, ఎలాంటి సందర్భాల్లో ఇలా జరిగేందుకు అవకాశం ఉంటుందో ఇప్పుడు తెలుసుకుందాం.
నాన్-నెట్వర్క్ ఆసుపత్రిలో చేరితే..
నగదు రహిత క్లెయిం సదుపాయాన్ని పొందేందుకు పాలసీదారుడు చికిత్స కోసం నెట్వర్క్ ఆసుపత్రిలో మాత్రమే చేరాలి. ఒకవేళ నాన్-నెట్వర్క్ ఆసుపత్రిలో చేరితే నగదు రహిత క్లెయింల సదుపాయం అందదు.
పత్రాలు సరిగ్గా లేకపోతే..
నగదు రహిత క్లెయిం పొందేందుకు.. పాలసీదారుడు చికిత్స కోసం చేరిన నెట్వర్క్ ఆసుపత్రి, క్యాష్లెస్ ట్రీట్మెంట్ కోసం అనుమతి కోరుతూ బీమా సంస్థకు ప్రీ-ఆథరైజేషన్ రిక్వెస్ట్ పంపించాలి. దీంతోపాటు పాలసీదారుని మెడికల్ పత్రాలు (టెస్ట్ రిపోర్టులు, డాక్టర్ సూచించిన ప్రిస్క్రిప్షన్ సహా) పంపాల్సి ఉంటుంది. ఒకవేళ బీమా సంస్థకు పంపించే పత్రాలు తప్పుగా ఉన్నా లేదా అసంపూర్ణంగా ఉన్నా నగదు రహిత చికిత్స అభ్యర్థన తిరస్కరణకు గురయ్యే అవకాశం ఉంది.
పాలసీ జాబితాలో లేకపోతే..
బీమా సంస్థ, పాలసీ జాబితాలో పేర్కొన్న వ్యాధులకు మాత్రమే కవరేజీ అందిస్తుంది. ఒకవేళ మీరు జాబితాలో లేని వ్యాధితో ఆసుపత్రిలో చేరితే.. క్లెయింలను తిరస్కరిస్తుంది. కాబట్టి పాలసీ తీసుకునే ముందే వ్యాధుల జాబితాను తనిఖీ చేయాలి.
వెయిటింగ్ పీరియడ్ ముగియకపోతే..
ముందుస్తు వ్యాధులను, వెయిటింగ్ పీరియడ్ తర్వాత మాత్రమే బీమా సంస్థలు కవర్ చేస్తాయి. ఒకవేళ మీరు ముందుగా నిర్ధారణ అయిన వ్యాధితో వెయిటింగ్ పీరియడ్ ముగియక ముందే ఆసుపత్రిలో చేరితే బీమా సంస్థ క్లెయిం అభ్యర్థనను తిరస్కరిస్తుంది. ఇది క్యాష్లెస్ క్లెయింలకూ వర్తిస్తుంది.
ప్రీ-ఆథరైజేషన్ అభ్యర్థన ఆలస్యమైతే..
చికిత్స కోసం నెట్వర్క్ ఆసుప్రతిలో చేరితే.. బీమా సంస్థకు నెట్వర్క్ ఆసుపత్రి ప్రీ-ఆథరైజేషన్ రిక్వెస్ట్ పంపాలి. ఇది నిర్ణీత గుడువులోపు పూర్తిచేయాలి. ఒకవేళ ఈ పని చేయడంలో నెట్వర్క్ ఆసుపత్రి విఫలమైతే క్యాష్లెస్ క్లెయిం తిరస్కరించే అవకాశం ఉంటుంది.
సంప్రదింపు వివరాలు సరైనవి కాకపోతే..
క్లెయిం అభ్యర్థనను పరిష్కరించేందుకు బీమా సంస్థకు మీ సంప్రదింపు వివరాలు అవసరమవుతాయి. బీమా కంపెనీలో ఈ వివరాలు తప్పుగా నమోదు చేసినా, అసంపూర్ణంగా ఇచ్చినా లేదా అప్డేట్గా లేకపోయినా సంస్థ క్లెయింలను పరిష్కరించలేకపోవచ్చు.
బీమా సంస్థ క్యాష్లెస్ క్లెయిం తిరస్కరిస్తే ఏం చేయాలి?
ఒకవేళ మీరు క్లెయిం పొందేందుకు అర్హులు అయ్యి ఉండీ.. ఏదైనా కారణం చేత నగదు రహిత క్లెయింను బీమా సంస్థ తిరస్కస్తే రీయింబర్స్మెంట్ విధానంలో క్లెయిం చేసుకోవచ్చు. అయితే, ముందుగా ఆసుపత్రి బిల్లు చెల్లించాల్సి ఉంటుంది.
రీయింబర్స్మెంట్ ఫైల్ చేసే విధానం..
- ముందుగా మీరు ఆసుపత్రిలో చేరిన విషయాన్ని బీమా సంస్థకు తెలియజేయాలి.
- వ్యాధికి చికిత్స తీసుకుని, ఆసుప్రతి నుంచి డిశార్జ్ అయ్యే సమయంలో మొత్తం ఆసుపత్రి బిల్లులు, మెడికల్ రిపోర్ట్ లు, ప్రిస్క్రిప్షన్ సహా అన్ని పత్రాలు సేకరించి పెట్టుకోవాలి.
- ఆరోగ్య బీమా క్లెయిం ఫారంను పూర్తిచేసి, పాలసీపత్రాలు, ఆసుపత్రిలో సేకరించిన పత్రాలు అన్నింటినీ బీమా సంస్థకు అందించాలి. క్లెయిం ఫారం ఆన్లైన్లో అందుబాటులో ఉంటుంది.
- బీమా సంస్థ ఈ పత్రాలను స్వీకరించిన తర్వాత, పరిశీలించి క్లెయింను పరిష్కరిస్తుంది.
చివరిగా..
నగదు రహిత క్లెయింలు సౌకర్యవంతంగా ఉంటాయి. వైద్య అత్యవసర సమయంలో డబ్బు కోసం ఇబ్బంది పడాల్సిన అవసరం ఉండదు. అలాగే కావాల్సిన పత్రాల కోసం ఆసుపత్రి చుట్టూ, క్లెయిం సెటిల్మెంట్ కోసం బీమా సంస్థ చుట్టూ తిరగాల్సిన పని ఉండదు. కాబట్టి పైన తెలిపిన విషయాలను దృష్టిలో పెట్టుకుని క్యాష్లెస్ క్లెయిం విషయంలో జాగ్రత్తగా వ్యవహరించడం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
వైకాపా వెన్నులో వణుకు.. చెమటలు పట్టిస్తున్న పూతలపట్టు కాంగ్రెస్ అభ్యర్థి
-
స్త్రీ ధనంపై భర్తకు నియంత్రణ ఉండదు: సుప్రీం
-
టీఎస్బీపాస్తోనే అనుమతులు.. డీపీఎంఎస్ విధానం పూర్తిగా నిలుపుదల
-
కొండయ్య.. లెక్కే వేరు
-
తితిదే వద్దనున్న రూ.2 వేల నోట్లు మార్పిడి!
-
విశాఖ ఉక్కు భూముల విషయంలో యథాతథ స్థితి పాటించండి: కేంద్రానికి హైకోర్టు ఆదేశం