FD Rates: 8 శాతం వడ్డీ ఇస్తున్న కార్పొరేట్‌ సంస్థలివే..

ఇంటర్నెట్‌డెస్క్‌: రిజర్వ్‌ బ్యాంక్‌ ఆఫ్‌ ఇండియా (RBI) రెపోరేట్లు పెంచినప్పటి నుంచి ఫిక్స్‌డ్‌ డిపాజిట్లపై (FD) అందించే వడ్డీ రేట్లు బాగా పెరిగాయి. దీంతో బజాజ్‌ ఫైనాన్స్‌ , ముత్తూట్ క్యాపిటల్‌ సర్వీసెస్‌తో పాటూ మరో మూడు బ్యాంకింగేతర ఆర్థిక సంస్థలు సైతం ఎఫ్‌డీ వడ్డీ రేట్లను ఆకర్షణీయంగా పెంచాయి. ఐదేళ్ల కాల వ్యవధితో అందించే ఎఫ్‌డీలకైతే ఏకంగా 8 శాతం కంటే ఎక్కువ వడ్డీలను అందిస్తున్నాయి.

ముత్తూట్‌ క్యాపిటల్‌ సర్వీసెస్‌: ఏడాది వ్యవధితో  అందించే ఎఫ్‌డీలకు 7.21 శాతం వడ్డీని అందిస్తోంది. ఇక మూడేళ్ల పాటు ఎఫ్‌డీలపై 8.07 శాతం, ఐదేళ్ల పాటు అయితే 8.38 శాతం అత్యధిక వడ్డీని అందిస్తోంది.

శ్రీరామ్‌ ఫైనాన్స్‌: ఏడాది కాలవ్యవధితో చేసే ఫిక్స్‌డ్‌ డిపాజిట్లపై 7.34 శాతం, మూడేళ్ల పాటూ అయితే 7.95 శాతం, ఐదేళ్ల పాటు అయితే ఏకంగా 8.18 శాతం వడ్డీని ఇస్తోంది.

బజాజ్‌ ఫైనాన్స్‌: ఆర్థిక సంస్థ బజాజ్‌ ఫైనాన్స్‌ కూడా ఎఫ్‌డీలపై అధిక వడ్డీని అందిస్తోంది. సంవత్సరం పాటూ చేసే ఫిక్స్‌డ్‌ డిపాజిట్లపై 7.40 శాతం, మూడేళ్ల పాటూ అయితే 8.05 శాతం, ఐదేళ్ల పాటు అయితే 8.05 శాతం వడ్డీని ఇస్తోంది.

మహీంద్రా ఫైనాన్స్‌: సంవత్సరం కాలంతో చేసే ఎఫ్‌డీలకు 7.60 శాతం వడ్డీని అందిస్తోంది. ఇక మూడేళ్ల పాటు చేసే ఎఫ్‌డీలపై 8.05 శాతం, ఐదేళ్ల పాటు అయితే 8.05 శాతం వడ్డీని అందిస్తోంది.

సుందరం హోమ్‌ ఫైనాన్స్‌: సంవత్సరం పాటూ చేసే ఫిక్స్‌డ్‌ డిపాజిట్‌పై 7.45 శాతం, మూడేళ్ల పాటూ అయితే 7.75 శాతం, ఐదేళ్ల పాటు కాల వ్యవధితో అయితే 7.90 శాతం అత్యధిక వడ్డీని ఇస్తోంది.