Credit Cards: భారత్లో టాప్ 10 లైఫ్ టైం ఫ్రీ క్రెడిట్ కార్డులివే
ఈ మధ్యకాలంలో ఎటువంటి ఛార్జీలు లేకుండా మంచి ప్రయాజనాలు అందించే క్రెడిట్ కార్డులు అందుబాటులోకి వచ్చాయి. అటువంటి క్రెడిట్ కార్డుల గురించి ఇక్కడ చూడండి.
ఇంటర్నెట్ డెస్క్: భారత్లో క్రెడిట్ కార్డు వినియోగదారుల సంఖ్య భారీగా పెరిగింది. 2023 ఏప్రిల్ నాటికి 8.60 కోట్ల క్రెడిట్ కార్డులు వాడకంలో ఉండగా.. ఈ సంఖ్య 2024 ప్రారంభం నాటికి 10 కోట్లకు చేరవచ్చని ఒక అంచనా. కొన్ని బ్యాంకులు వీటిపై వార్షిక ఫీజును వసూలు చేస్తుండంగా.. మరి కొన్ని వార్షిక ఫీజు/జాయినింగ్ ఫీజు లేకుండానే కార్డులు అందజేస్తున్నాయి. ఈ కార్డులతో రివార్డు పాయింట్లు, క్యాష్బ్యాక్, సైన్-అప్ బోనస్, వోచర్లు, ఓటీటీ సబ్స్క్రిప్షన్స్ ఇంకా మరెన్నో ఆఫర్లను అందుకోవచ్చు. ఫీజులు లేని ప్రముఖ బ్యాంకుల క్రెడిట్ కార్డులు, వాటి ప్రయోజనాలు కింద ఉన్నాయి.
కోటక్ ఫార్చ్యూన్ గోల్డ్ క్రెడిట్ కార్డు
వ్యాపారుల కోసం ప్రత్యేకంగా అందిస్తున్న ఈ కార్డు.. ఇంధనం, టికెట్ బుకింగ్ మొదలైన వాటిపై ప్రాథమిక క్రెడిట్ కార్డు ప్రయోజనాలను అందిస్తోంది. ఈ కార్డుతో ఒక సంవత్సరంలో రూ.1.50 లక్షలు ఖర్చు చేస్తే, నాలుగు పీవీఆర్ టికెట్లు లేదా రూ.750 వరకు క్యాష్ బ్యాక్ పొందొచ్చు. రూ.500-3,000 ఇంధన లావాదేవీలపై 1% ఇంధన సర్ఛార్జ్ మినహాయింపును పొందే అవకాశం ఉంది. ఈ కార్డు గలవారు కుటుంబసభ్యులకు యాడ్-ఆన్ కార్డును కూడా పొందొచ్చు.
అమెజాన్ పే-ఐసీఐసీఐ క్రెడిట్ కార్డు
అమెజాన్ అనేక షాపింగ్ అవసరాలకు ప్రముఖ ఇ-కామర్స్ ప్లాట్ఫాం అయినందున ఈ కార్డుతో చాలా ప్రయోజనాలుంటాయి. రోజువారీ కొనుగోళ్లకు ఇది బాగా ఉపయోగపడుతుంది. ఈ క్రెడిట్ కార్డు ఉన్న కస్టమర్లు కలినరీ ట్రీట్స్ ప్రోగ్రామ్ ద్వారా భారత్లోని 2,500 కంటే ఎక్కువ రెస్టారెంట్స్లో డైనింగ్ బిల్లులపై 15% ఆదా చేసుకోవచ్చు. 1% ఇంధన సర్ఛార్జ్ మినహాయింపును కూడా పొందే అవకాశముంది. పొందిన రివార్డులపై పరిమితి, గడువు తేదీ లేదు. అమెజాన్లో రివార్డు పాయింట్లను రిడీం చేసుకోవచ్చు. మీరు అమెజాన్ ప్రైమ్ మెంబర్షిప్ కలిగి ఉంటే అమెజాన్ ఇండియాలో కొనుగోళ్లపై 5% క్యాష్బ్యాక్ పొందొచ్చు. అమెజాన్ ప్రైమ్ మెంబర్షిప్ లేకపోతే 3% క్యాష్ బ్యాక్ పొందే అవకాశం ఉంది.
AU LIT క్రెడిట్ కార్డు
దేశీయ, అంతర్జాతీయ ఆఫ్లైన్, ఆన్లైన్ రిటైల్ లావాదేవీలపై 5X, 10X రివార్డు పాయింట్లను పొందొచ్చు. 90 రోజుల కాలవ్యవధిలో మూడుసార్లు 2-5% క్యాష్బ్యాక్ను పొందొచ్చు. ఖర్చు చేసిన ప్రతి రూ.100కు 1 రివార్డు పాయింట్తో పాటు మీ రిటైల్ లావాదేవీల కోసం 2-5% క్యాష్బ్యాక్ను పొందడానికి అవకాశముంది. రూ.400-5000 మధ్య ఇంధన లావాదేవీలపై 1% ఇంధన సర్ఛార్జ్ మినహాయింపు పొందొచ్చు. ప్రతి 3 నెలలకు నాలుగు సార్లు విమానాశ్రయ లాంజ్లకు యాక్సెస్ పొందొచ్చు.
బ్యాంక్ ఆఫ్ బరోడా ప్రైమ్ క్రెడిట్ కార్డు
రోజువారీ ఖర్చులపై క్యాష్బ్యాక్ ఆఫర్ను కోరుకునేవారికి ఈ కార్డు సరైనది. ఈ కార్డుకు వార్షిక, పునరుద్ధరణ రుసుము లేవు. కనీసం రూ.15 వేలు ఎఫ్డీ చేసినవారికి ఈ కార్డును జారీచేస్తారు. లావాదేవీలపై వచ్చే రివార్డు పాయింట్లకు సరిపడా నగదు మొత్తాన్ని మీ క్రెడిట్ కార్డుకు జమ చేస్తారు. రూ.2,500 కంటే ఎక్కువ లావాదేవీలను ఈఎంఐలుగా మార్చుకోవడానికి అనుమతి ఉంటుంది. ప్రతి నెలా రూ.250 వరకు ఇంధన సర్ఛార్జీ మాఫీ చేస్తారు.
షాపర్స్ స్టాప్-హెచ్డీఎఫ్సీ బ్యాంక్ క్రెడిట్ కార్డు
ఈ క్రెడిట్ కార్డుతో ప్రతి కొనుగోలుపై రివార్డ్స్ పొందొచ్చు. కార్డుదారులు షాపర్స్ స్టాప్ ప్రైవేట్ లేబుల్ బ్రాండ్లపై ఖర్చు చేసే ప్రతి రూ.150 కొనుగోలుపై 6 ఫస్ట్ సిటిజన్ పాయింట్లను పొందొచ్చు. రూ.500 విలువైన షాపర్స్ స్టాప్ వోచర్ను పొందొచ్చు. దీంతో షాపర్స్ స్టాప్ స్టోర్లో కనీసం రూ.3000 కొనుగోలు చేసినప్పుడు ఆ వోచర్ను రిడీం చేసుకోవచ్చు. అంతేకాకుండా కార్డుపై ఒక సంవత్సరంలో రూ.2 లక్షలు ఖర్చు చేస్తే, 2000 ఫస్ట్ సిటిజన్ పాయింట్లను పొందే అవకాశం ఉంటుంది. రూ.400-5000 మధ్య ఇంధన లావాదేవీలపై 1% ఇంధన సర్ఛార్జ్ మినహాయింపు పొందొచ్చు. అధికంగా షాపింగ్ చేసేవారికి ఈ క్రెడిట్ కార్డు అనువైనది.
ఐసీఐసీఐ బ్యాంక్ ప్లాటినం చిప్ క్రెడిట్ కార్డు
ఈ కార్డుతో ఇంధనం మినహా రిటైల్ స్టోర్లలో మీరు ఖర్చు చేసే ప్రతి రూ.100కు 2 రివార్డు పాయింట్లను పొందొచ్చు. ఈ కార్డును నిర్వహించడం కూడా చాలా సులభం. బీమా, యుటిలిటీపై ఖర్చు చేసే ప్రతి రూ.100కు 1 రివార్డ్ పాయింట్ లభిస్తుంది. భారత్ అంతటా హెచ్పీసీఎల్ పెట్రోల్ పంపుల వద్ద 1% (గరిష్ఠంగా రూ.4 వేలు) ఇంధన సర్ఛార్జ్ మినహాయింపును పొందొచ్చు. దేశంలో 12 ప్రధాన నగరాల్లో 2,500 కంటే ఎక్కువ రెస్టారెంట్స్లో డైనింగ్పై కనీసం 15% ఆదా చేసుకోవచ్చు. ఆన్లైన్లో ఎక్కువ రివార్డు పొందాలనుకునేవారికి ఈ కార్డు అనుకూలంగా ఉంటుంది.
ఐడీఎఫ్సీ ఫస్ట్ సెలక్ట్ క్రెడిట్ కార్డు
ఈ కార్డుకు ప్రవేశ, వార్షిక ఫీజులు లేనప్పటికీ లగ్జరీ క్రెడిట్ కార్డు మాదిరి అన్ని ఫీచర్లను అందిస్తుంది. ఈ కార్డుతో రూ.15 వేలు ఖర్చు చేస్తే, రూ.500 విలువైన వోచర్ను పొందొచ్చు. ఆన్లైన్లో చేసే ప్రతి రూ.150 ఖర్చుపై 6 రివార్డ్ పాయింట్లు, ఆఫ్లైన్లో ప్రతి 150 ఖర్చుపై 3 రివార్డ్ పాయింట్లు పొందొచ్చు. ఒక రివార్డు పాయింట్ విలువ 25 పైసలు. రివార్డు పాయింట్లపై పరిమితి లేదు. త్రైమాసికానికి 4 ఉచిత విమానాశ్రయ, రైల్వే లాంజ్ సందర్శనలు చేయొచ్చు. నెలకు రూ.300 వరకు ఇంధన సర్ఛార్జ్ మినహాయింపును పొందొచ్చు. ఈ కార్డు పొందిన వారికి ఇన్సూరెన్స్ సౌకర్యం కూడా ఉంది. ఈ కార్డుతో రూ.1 కోటి విమాన ప్రమాద కవర్, రూ.5 లక్షల వ్యక్తిగత ప్రమాద కవర్, రూ.22,500 సమగ్ర ప్రయాణ బీమా రక్షణ లాంటి ప్రయోజనాలను పొందొచ్చు.
ధనలక్ష్మి బ్యాంక్ ప్లాటినం క్రెడిట్ కార్డు
ఇది సూపర్ మార్కెట్లు, డిపార్ట్మెంట్ల స్టోర్ల కొనుగోళ్లపై 5% క్యాష్బ్యాక్ను అందిస్తుంది. ఈ కార్డు ద్వారా కొనుగోలు చేసిన వస్తువులపై రూ. 1 లక్ష వరకు ఇన్సూరెన్స్ కవరేజ్ ఉంది. విమాన ప్రమాద బీమా రూ.20 లక్షల వరకు ఉంది. దీనికి గాను గ్లోబల్ కస్టమర్ కేర్ అందుబాటులో ఉంటుంది.
యాక్సిస్ బ్యాంక్ నియో క్రెడిట్ కార్డు
ఈ కార్డు ద్వారా చేసే అన్ని కొనుగోళ్లపై ఎడ్జ్ రివార్డ్ పాయింట్లను పొందడంతో పాటు Paytm, Myntra, Zomato వంటి భాగస్వామ్య బ్రాండ్లపై డిస్కౌంట్స్ పొందుతారు. బుక్మైషో ద్వారా సినిమా టిక్కెట్లు కొనుగోలు చేస్తే, 10% డిస్కౌంట్ లభిస్తుంది. ప్రతి రూ.200 ఖర్చుపై ఒక రివార్డు పాయింట్ పొందుతారు. మీరు యుటిలిటీ బిల్లులపై 5% తగ్గింపును పొందొచ్చు. అంతేకాకుండా ఈ క్రెడిట్ కార్డును గూగుల్పే, ఫోన్పే, పేటీఎం వంటి యూపీఐ యాప్లకు లింక్ చేయొచ్చు.
ఇండస్ఇండ్ లెజెండ్ క్రెడిట్ కార్డు
షాపింగ్ నుంచి ప్రయాణాల వరకు అన్ని ఖర్చులపై రివార్డ్స్ పాయింట్లు, డిస్కౌంట్స్ పొందుతారు. ఇది అన్ని ఆదాయ వర్గాల వారికి సరిపోతుంది. ఈ కార్డుతో సోమవారం నుంచి శుక్రవారం వరకు చేసే ప్రతి రూ.100 విలువ గల కొనుగోలుపై ఒక రివార్డు పాయింట్ పొందుతారు. అదే శనివారం, ఆదివారం అయితే రూ.100 కొనుగోలుపై 2 రివార్డ్ పాయింట్లు పొందుతారు. ఈ కార్డుతో సినిమా టికెట్ల బుకింగ్పై కూడా ఆఫర్లు ఉంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
ఆమెను చూసి ‘నెహ్రూ’ ఆత్మ కన్నీరు పెడుతుంది: మధ్యప్రదేశ్ సీఎం
-
ఇండస్ట్రీలో ఇలాంటి వ్యక్తిని నేను చూడలేదు: తమన్నా
-
నేనెందుకు సమాధానం చెప్పాలి?: వరలక్ష్మీ శరత్కుమార్
-
లైంగిక వేధింపుల ఆరోపణలు.. ఎంపీ ప్రజ్వల్, రేవణ్ణలపై కేసు
-
పాక్ ఉప ప్రధానిగా ఇశాక్ డార్ నియామకం
-
‘దేవర’లో కీలక పాత్ర.. అల్లరి నరేశ్ ఏమన్నారంటే?