భూమా అఖిలప్రియను అడ్డుకున్న పోలీసులు

ఆళ్లగడ్డ గ్రామీణం: ఆళ్లగడ్డ నియోజకవర్గంలోని యర్రగుంట్ల వద్ద సీఎం జగన్ రైతులతో ముఖాముఖి కార్యక్రమం నిర్వహించారు.  రుద్రవరం మండలానికి చెందిన రైతులకు సాగునీటి విడుదలలో జరుగుతున్న జాప్యం గురించి సీఎంకు వినతి పత్రం ఇచ్చేందుకు అఖిలప్రియ, తెదేపా నేతలతో కలిసి సభ వద్దకు వెళ్లారు. ఈ క్రమంలో పోలీసులు ఆమెను అడ్డుకున్నారు. శాంతిభద్రతల సమస్య వస్తుందని పోలీసులు చెప్పడంతో ఆమె వినతిపత్రం ఇచ్చేందుకు కొందరు రైతులను మాత్రమే పంపించారు. వారు సభ వద్దకు వెళుతుండగా మధ్యలో వైకాపా నాయకుడు అడ్డుకొని దాడి చేయడంతో ఉద్రిక్తత నెలకొంది. వినతిపత్రం ఇచ్చేందుకు వెళ్తే దాడి చేయడం ఏమిటని అఖిలప్రియ పోలీసులను ప్రశ్నించారు. దాడి చేసిన వారిపై ఫిర్యాదు చేసేందుకు సిరివెళ్ల పోలీస్ స్టేషన్‌కు వెళ్లారు.