Breaking | Feedback | ePratibha | E-PAPER | Pratibha

Amazon sale: అమెజాన్‌ సేల్‌ తేదీలూ వచ్చేశాయ్‌.. కొన్ని ఫోన్లపై అప్పుడే డీల్స్‌!

Amazon great indian festival 2023: అమెజాన్‌ గ్రేట్‌ ఇండియన్‌ ఫెస్టివల్‌ సేల్‌ తేదీలు వచ్చాయి. అక్టోబర్‌ 8 నుంచి సేల్‌ ప్రారంభం కానుంది.

Published : 28 Sep 2023 14:28 IST

Amazon great indian festival 2023 | ఇంటర్నెట్ డెస్క్‌: ప్రముఖ ఇ-కామర్స్‌ దిగ్గజం అమెజాన్‌ (amazon) సైతం బిగ్‌ సేల్‌కు సిద్ధమైంది. ఏటా నిర్వహించే గ్రేట్‌ ఇండియన్‌ ఫెస్టివల్‌ సేల్‌ (Amazon great indian festival 2023) తేదీలను తాజాగా ప్రకటించింది. అక్టోబర్‌ 8 నుంచి ఈ సేల్‌ మొదలు కానుంది. ఫ్లిప్‌కార్ట్‌ బిగ్‌ బిలియన్‌ డేస్‌ సేల్‌ కూడా అదే రోజు ప్రారంభం కానుంది. కానీ, 15వ తేదీన ఈ సేల్‌ ముగియనుంది. అమెజాన్‌ సేల్‌ మాత్రం ఎప్పుడు ముగుస్తుందనేది కంపెనీ వెల్లడించలేదు. ఫ్లిప్‌కార్ట్‌ సేల్‌ డేట్లు ప్రకటించిన కొన్ని గంటల్లోనే అమెజాన్‌ కూడా తేదీలూ వెల్లడించడం గమనార్హం.

అమెజాన్‌ గ్రేట్‌ ఇండియన్‌ సేల్‌ (Amazon great indian festival 2023) సమయంలో ఎస్‌బీఐ (SBI) డెబిట్‌ కార్డు, క్రెడిట్ కార్డు వినియోగదారులకు 10 శాతం డిస్కౌంట్‌ లభించనుంది. ప్రైమ్‌ సబ్‌స్క్రైబర్లకు ఎర్లీ యాక్సెస్‌, ఫ్రీ 1 వన్‌డే డెలివరీ వంటి సదుపాయాలు ఉంటాయి. తొలిసారి అమెజాన్‌ ద్వారా ఆర్డర్‌ చేసేవారికి వెల్‌కమ్‌ రివార్డు అందిస్తామని పేర్కొంటోంది. ఇప్పటికే ఈ సేల్‌ కోసం ప్రత్యేక పేజీని ఏర్పాటు చేసింది. మొబైల్స్‌, ఎలక్ట్రానిక్‌ డివైజులు, స్మార్ట్‌ వాచ్‌లు, స్మార్ట్‌ టీవీలు, గృహోపకరణాలపై డిస్కౌంట్లు అందిస్తామని తెలిపింది. సేల్‌కు ముందే కొన్ని ఫోన్లపై డిస్కౌంట్లు ప్రకటించింది. శాంసంగ్‌ M04, శాంసంగ్‌ M13, రియల్‌మీ నార్జో ఎన్‌55, రెడ్‌మీ నోట్‌ 12 వంటి ఫోన్లపై కిక్‌స్టార్టర్‌ డీల్స్‌ను లైవ్‌లోకి తీసుకొచ్చింది.

ఫ్లిప్‌కార్ట్‌ బిగ్ బిలియన్‌ డేస్‌ వచ్చేశాయ్‌.. ప్రత్యేక ఆఫర్లతో పండగ సేల్‌

ఈ సేల్‌ సమయంలో యాపిల్‌, వన్‌ప్లస్‌, ఐకూ, రియల్‌మీ, శాంసంగ్‌ వంటి స్మార్ట్‌ఫోన్లపై డిస్కౌంట్లు లభించనున్నాయి. అయితే, వేటిపై ఎంతెంత డిస్కౌంట్‌ అనేది త్వరలో వెల్లడి కానుంది. శాంసంగ్‌ గెలాక్సీ ఎస్‌23, వన్‌ప్లస్‌ 11 ఆర్‌, ఐఫోన్‌ 13, ఐకూ నియో 7 ప్రో, మోటోరొలా రేజర్‌ 40 అల్ట్రా, రియల్‌మీ నార్జో 60 ప్రో, ఐకూ జడ్‌ 7 ప్రో, హానర్‌ 90 ప్రో 5జీ ఫోన్లపై డిస్కౌంట్లు ఉండనున్నాయి. వీటితోపాటు శాంసంగ్‌ ఎం34, వన్‌ ప్లస్‌ నార్డ్‌ సీఈ3, రియల్‌మీ 60 5జీ వంటి మిడ్‌ రేంజ్‌ ఫోన్లపైనా ఆఫర్లు ఉండనున్నాయి. అమెజాన్‌ అలెక్సా డివైజ్‌లు, ఫైర్‌టీవీ స్టిక్‌, కిండ్లే, అలెక్సా స్మార్ట్‌ హోమ్‌ డివైజుల మీద ఈసేల్‌లో డిస్కౌంట్లు లభించనున్నాయి.

► Read latest Business News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.