ఆరోగ్య బీమా.. క్లెయిం తిరస్కరించకుండా...
బీమా అంటే పాలసీదారుడు, బీమా సంస్థ మధ్య కుదిరే నమ్మకమైన ఒప్పందం. ఇందులో ఏ చిన్న పొరపాటు ఉన్నా.. బీమా సంస్థ చికిత్స ఖర్చును చెల్లించేందుకు నిరాకరిస్తుంది.
ఆరోగ్య అత్యవసరం వచ్చినప్పుడు ఆదుకుంటుందని ఆరోగ్య బీమా పాలసీ తీసుకుంటాం. అన్ని జాగ్రత్తలూ తీసుకున్నామని అనుకున్నా సరే.. కొన్నిసార్లు బీమా సంస్థ క్లెయింను తిరస్కరించే అవకాశం ఉంటుంది. ఇలాంటి సందర్భాలు ఎప్పుడు ఎదురవుతాయి? ఇలాంటప్పుడు ఏం చేయాలి? అనే అంశాలు తెలుసుకోవాల్సిన అవసరం ఉంది.
బీమా అంటే పాలసీదారుడు, బీమా సంస్థ మధ్య కుదిరే నమ్మకమైన ఒప్పందం. ఇందులో ఏ చిన్న పొరపాటు ఉన్నా.. బీమా సంస్థ చికిత్స ఖర్చును చెల్లించేందుకు నిరాకరిస్తుంది. ఇందులో కొన్ని అంశాలను గమనిస్తే...
సమాచారంలో తప్పులు...
ఆరోగ్య బీమా దరఖాస్తు పత్రాన్ని నింపేటప్పుడు పాలసీదారులు కాస్త నిర్లక్ష్యంగానే ఉంటారు. చాలా సందర్భాల్లో వారు దాన్ని కనీసం చూడకుండానే సంతకాలు చేసేస్తుంటారు. ఆన్లైన్లో దరఖాస్తు చేసినప్పుడూ ఇలాగే వ్యవహరిస్తారు. కొన్నిసార్లు తెలిసి, మరికొన్నిసార్లు తెలియకుండానే పొరపాటుగా సమాచారాన్ని అందిస్తుంటారు. పేరులో అక్షర దోషాలు, వయసు తప్పుగా పేర్కొనడం, ధూమపాన అలవాట్లు, వార్షిక ఆదాయం వివరాలను వెల్లడించకపోవడంలాంటివి సాధారణంగా జరిగే పొరపాట్లు. క్లెయిం చేసుకోవాల్సి వచ్చిన సందర్భంలో ఇవన్నీ చాలా కీలకమైన అంశాలు. ఇలాంటి సందర్భాల్లో బీమా సంస్థ క్లెయింను ఇవ్వడానికి నిరాకరించవచ్చు. కాబట్టి, దరఖాస్తు నింపేటప్పుడు పూర్తి అప్రమత్తతతో ఉండాల్సిన అవసరం ఉంది.
చరిత్రను చెప్పకోవడం..
ఆరోగ్య బీమా పాలసీని కొనుగోలు చేసేటప్పుడు మీ వైద్య చరిత్ర గురించి కచ్చితమైన వివరాలను అందించాలి. అన్ని వివరాలూ చెప్పేస్తే.. పాలసీ ఇవ్వరని, ప్రీమియం అధికంగా వసూలు చేస్తారని భావిస్తుంటారు చాలామంది. అన్ని వేళలా ఇలాగే ఉండదు. మీరు ఆరోగ్య వివరాలు దాచిపెట్టి, పాలసీ తీసుకున్నా.. ఇబ్బందులు వస్తాయి. ఉదాహరణకు ధూమపానం గురించి పాలసీలో చెప్పలేదు అనుకుందాం.. కానీ, ఏదైనా సందర్భంలో ఆసుపత్రిలో చేరినప్పుడు డాక్టరుకు ఆ సంగతి చెప్పేస్తారు. అలాంటప్పుడు మోసపూరితంగా పాలసీ తీసుకున్నారని బీమా సంస్థ పేర్కొంటుంది. ఇలాంటివి నివారించేందుకు వ్యక్తిగత ఆరోగ్యం గురించి అడిగిన వివరాలన్నీ చెప్పడం మంచిది.
పునరుద్ధరణ మర్చిపోతే..
అనేక సందర్భాల్లో పాలసీ పునరుద్ధరణ విషయాన్ని చాలామంది మర్చిపోతుంటారు. బీమా సంస్థలు నెల ముందు నుంచే ఈ విషయంలో పాలసీదారులకు సమాచారాన్ని ఇస్తుంటాయి. కొంతమంది ప్రీమియం మొత్తం సర్దుబాటు కాకపోవడంతో ప్రీమియం చెల్లించరు. కొంతమంది కావాలనే ఆలస్యం చేస్తుంటారు. సాధారణంగా గడువు ముగిసిన 30 రోజుల వరకూ పునరుద్ధరణకు అవకాశం ఉంటుంది. పాలసీ గడువు ముగిసిన వెంటనే బీమా రక్షణ ఆగిపోతుంది. ఈ వ్యవధిలో అనుకోకుండా ఆసుపత్రిలో చేరాల్సి వస్తే పరిహారం లభించదు అన్న సంగతి మర్చిపోవద్దు.
వేచి ఉండే వ్యవధిలో..
కొత్తగా పాలసీ తీసుకున్నప్పుడు 30 రోజుల వేచి ఉండే వ్యవధి ఉంటుంది. ఈ సమయంలో కేవలం ప్రమాదం వల్ల ఆసుపత్రిలో చేరినప్పుడు మాత్రమే చికిత్స ఖర్చులు చెల్లిస్తారు. తీవ్రమైన అనారోగ్య కవరేజీ విషయంలోనూ వ్యాధి నిర్ధారణ అయిన తర్వాత కనీసం 30 రోజులు జీవించి ఉంటేనే బీమా చేసిన వ్యక్తికి క్లెయిం ప్రయోజనం అందుతుంది. కొన్ని ముందస్తు వ్యాధులకు 2-4 ఏళ్ల పాటు వేచి ఉండే సమయంగా పరిగణిస్తారు. ఇలాంటి సందర్భాల్లోనూ ఆయా వ్యాధుల చికిత్సకు పరిహారం లభించకపోవచ్చు. కాబట్టి, పాలసీ చేసేటప్పుడే ఈ మినహాయింపుల గురించి పూర్తి వివరాలు తెలుసుకోవాలి.
నిబంధనలు అర్థం చేసుకోవాలి..
ఒక పథకం లేదా పాలసీని ఎంచుకునేటప్పుడు దానికి సంబంధించిన నియమ నిబంధనలు పూర్తిగా తెలుసుకోవాలి. పాలసీ పత్రంలో ఉన్న వివరాలను ఒకటికి రెండు సార్లు పరిశీలించాలి. ప్రతి ఆరోగ్య బీమా పాలసీలో ఎలాంటి పరిస్థితుల్లో బీమా వర్తించదు అనే వివరాలు స్పష్టంగా ఉంటాయి. చాలామంది వీటిని తెలుసుకోకుండా.. క్లెయిం తిరస్కరణకు గురైనప్పుడు ఇబ్బందులు పడుతుంటారు. భవిష్యత్తులో ఇలాంటి చిక్కులు ఎదురవ్వకుండా.. ముందుగానే జాగ్రత్త తీసుకోవడం మంచిది.
సకాలంలో సమాచారం ఇవ్వకపోతే..
నిర్ణీత వ్యవధిలోగా బీమా కంపెనీకి సమాచారం తెలియజేయకపోతే మీ క్లెయిం తిరస్కరణకు మరో కారణం. ప్రమాదం జరిగినప్పుడు వెంటనే బీమా క్లెయిం చేయడం సాధ్యం కాకపోవచ్చు. ఆసుపత్రిలో చేరిన తర్వాత 24 నుంచి 48 గంటల్లోపు బీమా సంస్థకు వివరాలు తెలియజేయాలి. ఒకవేళ పాలసీదారుడు తెలియజేసే స్థితిలో లేకపోతే.. అతనికి బదులుగా నామినీ లేదా అధీకృత వ్యక్తులు బీమా కంపెనీకి సమాచారం అందించాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.