Simple Dot One: సింపుల్ వన్‌ నుంచి కొత్త స్కూటర్‌.. సింగిల్ ఛార్జ్‌తో 152KM

Simple Dot One | ఇంటర్నెట్‌డెస్క్‌: విద్యుత్ స్కూటర్ల తయారీ స్టార్టప్‌ సింపుల్‌ ఎనర్జీ (Simple Energy) తన వాహనశ్రేణి రెండో స్కూటర్‌ను మార్కెట్లోకి విడుదల చేసింది. గతంలో సింపుల్ వన్‌ పేరుతో ఒక స్కూటర్‌ను తీసుకొచ్చిన ఆ కంపెనీ.. తాజాగా సింపుల్‌ డాట్‌ వన్‌ (Simple Dot One)ను భారత్‌ మార్కెట్‌లో లాంచ్‌ చేసింది. దీని ధర రూ.99,999 (ఎక్స్‌షోరూం)గా నిర్ణయించింది. ప్రీ బుకింగ్ కస్టమర్లకు మాత్రమే ఈ ధర వర్తిస్తుందని కంపెనీ తెలిపింది. కొత్త ధరను జనవరిలో ప్రకటించనున్నారు.

స్విగ్గీ యూజర్‌కు వింత అనుభవం.. ఒకే ఆర్డర్‌ ఆరుసార్లు డెలివరీ!

సింగిల్‌ వేరియంట్‌లో నమ్మ రెడ్, బ్రాజెన్ బ్లాక్, గ్రేస్ వైట్, అజూర్ బ్లూ రంగుల్లో ఈ స్కూటర్‌ లభిస్తుంది. ఇందులో 3.7kWh బ్యాటరీ, 8.5 kW ఎలక్ట్రిక్‌ మోటార్‌ను అమర్చారు. 72 ఎన్‌ఎం పీక్‌ టార్క్‌ను ఉత్పత్తి చేస్తుంది. దీని గరిష్ఠ వేగం గంటకు 105 కిలోమీటర్లు. ఈ స్కూటర్‌ 2.7 సెకన్లలో 0-40 కిలోమీటర్ల వేగాన్ని అందుకుంటుందని కంపెనీ తెలిపింది. ఒక్కసారి ఛార్జింగ్‌ చేస్తే 152 కిలోమీటర్లు ప్రయాణించొచ్చని పేర్కొంది. యూఎస్‌బీ ఛార్జింగ్‌ పోర్ట్‌, సీబీఎస్‌ డిస్క్‌ బ్రేక్‌లు, 35 లీటర్ల స్టోరేజ్ స్పేస్ ఇస్తున్నారు. 7 అంగుళాల డిజిటల్‌ డిస్‌ప్లే ఉంది. బ్లూటూత్ కనెక్లివిటీ కూడా ఉంది. అయితే, ఎప్పటి నుంచి ఈ స్కూటర్‌ అందుబాటులోకి తీసుకొస్తామన్న విషయాన్ని మాత్రం కంపెనీ చెప్పలేదు.