Volvo: జనవరి నుంచి పెరగనున్న వోల్వో కార్ల ధరలు

Volvo Car price hike | ఇంటర్నెట్‌డెస్క్‌: ప్రముఖ కార్ల తయారీ సంస్థ వోల్వో కార్‌ ఇండియా (Volvo Car India) తన కార్ల ధరల్ని పెంచనున్నట్లు ప్రకటించింది. ఈ మేరకు గురువారం ఓ ప్రకటన విడుదల చేసింది. 2024 జనవరి 1 నుంచి వోల్వో కార్ల ధరలు రెండు శాతం మేర పెరుగుతాయని అందులో పేర్కొంది. మార్కెట్‌ పరిస్థితులు, ముడి సరకు ధరలు పెరగడం, విదేశీ మారకం విలువల్లో హెచ్చుతగ్గులు కారణంగా కార్ల ధరల్ని పెంచే నిర్ణయం తీసుకున్నట్లు వోల్వో కార్‌ ఇండియా ఎండీ జ్యోతి మల్హోత్రా తెలిపారు. జనవరి నుంచి వాహనాల ధరలను పెంచనున్నట్లు ఇప్పటికే మహీంద్రా అండ్‌ మహీంద్రా, మారుతీ సుజుకీ, టాటా మోటార్స్‌, ఆడి, మెర్సిడెస్‌ బెంజ్ వెల్లడించాయి.