కట్టుకున్నవాడు వదిలేసి పోయినా.. ‘ఎస్సై మేడమ్’గా ఎదిగింది!
‘జీవితం పూలపాన్పు కాదు.. ఎప్పుడు ఎలాంటి సవాలు విసురుతుందో తెలియదు.. అన్నింటికీ సిద్ధంగా ఉండాలి.. సవాళ్లను ఎదిరించి ముందుకు సాగాలి.. అప్పుడే మన కల నెరవేరుతుంది..’ అంటారు కేరళలోని వర్కలా నగర ఎస్సైగా ఇటీవలే బాధ్యతలు అందుకున్న ఆనీ శివ. చిన్న వయసులోనే ప్రేమ వివాహం చేసుకొని ఎన్నో కష్టాలను అనుభవించిన ఆమె.. ఆ కన్నీటితోనే బతకాలనుకోలేదు. చంకన చంటి బిడ్డనెత్తుకొని పొట్ట కూటి కోసం ఎన్నో పనులు చేసింది.. వ్యాపార ప్రయత్నాలూ చేసింది.. అన్నీ విఫలమవడంతో తన కలల ఉద్యోగంపై దృష్టి పెట్టింది.
Photo: Twitter
‘జీవితం పూలపాన్పు కాదు.. ఎప్పుడు ఎలాంటి సవాలు విసురుతుందో తెలియదు.. అన్నింటికీ సిద్ధంగా ఉండాలి.. సవాళ్లను ఎదిరించి ముందుకు సాగాలి.. అప్పుడే మన కల నెరవేరుతుంది..’ అంటారు కేరళలోని వర్కలా నగర ఎస్సైగా ఇటీవలే బాధ్యతలు అందుకున్న ఆనీ శివ. చిన్న వయసులోనే ప్రేమ వివాహం చేసుకొని ఎన్నో కష్టాలను అనుభవించిన ఆమె.. ఆ కన్నీటితోనే బతకాలనుకోలేదు. చంకన చంటి బిడ్డనెత్తుకొని పొట్ట కూటి కోసం ఎన్నో పనులు చేసింది.. వ్యాపార ప్రయత్నాలూ చేసింది.. అన్నీ విఫలమవడంతో తన కలల ఉద్యోగంపై దృష్టి పెట్టింది. సవాళ్లను అధిగమిస్తూ మూడేళ్ల క్రితం కానిస్టేబుల్గా ఉద్యోగం తెచ్చుకున్న ఆమె.. పరీక్షలో ఉత్తీర్ణురాలై ఇటీవలే ఎస్సైగా ప్రమోషన్ అందుకుంది. ‘జీవితం విలువ తెలుసుకున్నాను కాబట్టే ఇక్కడి దాకా చేరుకోగలిగా’నంటోన్న ఈ సూపర్ కాప్ కన్నీటి కథేంటో మనమూ తెలుసుకుందాం..
ఒక వ్యక్తి ఉన్నత స్థితికి చేరుకోవడం వెనుక ఎన్నో కష్టాలు, కన్నీళ్లు ఉంటాయి. కేరళలోని వర్కలా నగరానికి చెందిన ఆనీ శివ కథ కూడా ఇందుకు మినహాయింపు కాదు. 18 ఏళ్ల వయసులో ఓ వ్యక్తిని ప్రేమించి.. అమ్మానాన్నల్ని ఎదిరించి పెళ్లి చేసుకున్న ఆమె.. అతని చేతిలోనే మోసపోయింది. బిడ్డ పుట్టాక తన భర్త వదిలేయడంతో ఒంటరైంది. తన దీనస్థితిని చూసి అమ్మానాన్న అయినా అక్కున చేర్చుకుంటారనుకుంది.. కానీ అదీ జరగలేదు. ఇక చేసేది లేక తన బామ్మ ఇంట్లో ఉండే ఓ షెడ్డులో బిడ్డతో పాటు తలదాచుకుంది ఆనీ.
అన్నీ ఫ్లాపయ్యాయి!
ఉండడానికి చోటైతే దొరికింది.. కానీ పొట్ట నింపుకోవాలంటే ఏదో ఒక పని చేయాలి. ఆరు నెలల బిడ్డను వదిలి ఎక్కడికెళ్లాలి.. ఏం పని చేయాలి? ఒకవేళ అలా వెళ్తే బిడ్డను ఎవరు చూసుకుంటారు? ఇలాంటి అయోమయ స్థితిలో పడిపోయిందామె. అయినా చంటి బిడ్డను చంకనెత్తుకొని బతుకుదెరువు కోసం ఎన్నో చోట్లకు తిరిగానని, వ్యాపారం కూడా ప్రారంభించానని, కానీ ఏ ఒక్కటీ వర్కవుట్ కాలేదని చెబుతోంది ఆనీ.
‘నా బిడ్డకు ఆరు నెలల వయసున్నప్పుడే నా భర్త నన్ను వదిలేశాడు. ఆ సమయంలో బామ్మ ఇంట్లో తలదాచుకుంటూనే.. పొట్టకూటి కోసం ఎన్నో చోట్ల పనిచేశా. సబ్బులు, డిటర్జెంట్ పౌడర్లు అమ్మా. కాయగూరలు, సరుకులు డోర్ డెలివరీ చేసేదాన్ని. కొన్నాళ్ల పాటు ఇన్సూరెన్స్ ఏజెంట్గా కూడా ఉద్యోగం చేశా. ఆపై ఏదైనా వ్యాపారం చేద్దామనుకొని.. చేత్తో బొమ్మలు తయారుచేసి విక్రయించడం, ఐస్క్రీమ్-లెమనేడ్ అమ్మడం.. వంటివి చేశాను. కానీ అన్ని ప్రయత్నాలూ విఫలమయ్యాయి..’ అంటూ తన జీవితంలోని పాత రోజుల్ని గుర్తు చేసుకుందీ లేడీ పోలీస్.
అది నా కల!
ఇలా ఓవైపు పని చేస్తూనే.. మరోవైపు ఇంట్లో ఉండే చదువుకుంది ఆనీ. అయితే పెద్దయ్యాక పోలీసాఫీసర్ కావాలనేది తన చిన్ననాటి కల. ఎలాగైనా దాన్ని సాకారం చేసుకోవాలని నిర్ణయించుకుందామె. కష్టపడి సోషియాలజీలో డిగ్రీ పూర్తి చేసింది. కేరళ స్టేట్ పబ్లిక్ సర్వీస్ పరీక్షల కోసం సన్నద్ధమవడం ప్రారంభించింది. 2016లో కానిస్టేబుల్ పరీక్ష రాసి అర్హత సాధించి.. మూడేళ్ల పాటు కానిస్టేబుల్గా విధులు నిర్వర్తించింది. ఇక 2019లో ఆఫీసర్స్ పరీక్ష కోసం దరఖాస్తు చేసుకుంది. అందులోనూ విజయం సాధించి.. ఏడాదిన్నర పాటు ఎస్సైగా శిక్షణ తీసుకుంది. ఇటీవలే ట్రైనింగ్ పూర్తిచేసిన ఆమెకు.. వర్కలా పోలీస్ స్టేషన్లో ప్రొబేషనరీ ఎస్సైగా బాధ్యతలు అప్పగించారు. అయితే గతంలో తాను ఎక్కడైతే పొట్టకూటి కోసం వ్యాపారం చేసిందో.. అక్కడే ఆమెకు పోస్టింగ్ ఇవ్వడంతో ఒక్కసారిగా పాపులరైపోయింది ఆనీ.
పోయిన చోటే వెతుక్కుంది!
ఓటమి ఎదురైన చోటే గెలిచి తీరాలన్న జీవిత సత్యాన్ని నిజం చేస్తూ ఇటీవలే ప్రొబేషనరీ ఎస్సైగా బాధ్యతలు స్వీకరించిన ఆనీ.. తాను ఇక్కడిదాకా చేరుకోవడానికి తన జీవితంలో అనుభవించిన కష్టాలే పాఠాలుగా నిలిచాయని చెబుతోంది.
‘ఒకప్పుడు ఇదే ప్రాంతంలో ఓ పాకలో నివసించా.. నా చంటి బిడ్డను ఎత్తుకొని ఉపాధి కోసం ఎన్నో పనులు చేశా.. ఆ సమయంలో ఏ ఒక్కరూ నాకు సహాయం చేయలేదు.. మద్దతుగా నిలవలేదు. కానీ ఇప్పుడు అందరూ నా కన్నీటి కథ విని చలించిపోతున్నారు. సోషల్ మీడియాలో నా గురించి పంచుకుంటూ.. నాకు మద్దతుగా నిలుస్తున్నారు. అది చూసి నాకెంతో గర్వంగా అనిపిస్తోంది. ఎన్నో ప్రతికూల పరిస్థితులు ఎదుర్కొంటే గానీ నేను ఇక్కడిదాకా చేరుకోలేకపోయా. నాలాగే జీవితంలో కష్టాలు అనుభవించే మహిళలకు నేను స్ఫూర్తిగా నిలవడం కన్నా ఆనందం మరొకటి లేదు..’ అంటున్నారు ఆనీ.
రియల్ ఫైటర్!
ఇలా ఈ సూపర్ కాప్ కన్నీటి గాథను కేరళ పోలీస్ తన ట్విట్టర్లో పంచుకుంటూ ‘ఆత్మవిశ్వాసం, సంకల్పానికి ఆనీ నిలువెత్తు రూపం’ అని అభినందించింది. ఈ ట్వీట్ కాస్తా వైరల్గా మారడంతో సెలబ్రిటీల దగ్గర్నుంచి సామాన్యుల దాకా ‘ది రియల్ ఫైటర్.. ఆనీ మనందరికీ ఆదర్శం!’ అంటూ ఆమెను ప్రశంసల్లో ముంచెత్తుతున్నారు.
‘కష్టాలకు వెరవకుండా, మనకూ మంచి రోజులొస్తాయన్న సానుకూల దృక్పథంతో ముందుకెళ్తే.. ఆ కష్టాలే మన మొండి ధైర్యాన్ని చూసి పారిపోతాయి’ అని నిరూపించిన ఆనీ కథ ప్రతి ఒక్కరికీ ఆదర్శప్రాయం!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- చెమటకు చుండ్రు తోడైతే...
- మొహాన్ని మెరిపిస్తాయి!
- అక్కడ వెంట్రుకలు తొలగించాలంటే..!
- ముత్యమంత మొటిమే కదా?
- ఈ గింజలతో అందంగా మెరిసిపోదాం!
ఆరోగ్యమస్తు
- పుట్టుకతోనే మెల్లకన్ను.. సరిచేయచ్చా?
- మండే వేసవిలో.. చల్లదనం.. పోషకాలు!
- డుకన్ డైట్... తెలుసా?
- వేసవిలో ఈ పండ్లు తింటున్నారా?
- గుండె పదిలంగా ఉండాలా...
అనుబంధం
- అది టెక్స్ట్లేషన్షిప్ మాత్రమే..!
- ఒక్క ఛాన్స్ తీసుకుందాం...
- ఈ రకం పెళ్లిళ్లలో ప్రేమకు, శృంగారానికి తావు లేదు!
- ఆడేద్దామా.. ఏడు పెంకులాట!
- డైపర్ ఎలా వచ్చిందంటే!
యూత్ కార్నర్
- Celebrity Fashion: అందాన్ని పెంచే ‘అజ్రఖ్’ ప్రింట్!
- వాళ్ల మాటలు విని సంతోషం ఆవిరైంది..!
- ఆ పుస్తకంలో మన ఆర్కిటెక్ట్స్..!
- ఈ మెకానిక్ తీరే వేరు!
- పసిప్రాణాలకు ‘రక్ష’ణగా..!
'స్వీట్' హోం
- చమేలీ... సుగంధాల రేరాణి!
- రామ చక్కని సీతకి...
- అబద్ధాలు చెబుతున్నారా?
- సెరామిక్ పాత్రలు.. ఎలా శుభ్రం చేయాలో తెలుసా?
- వంటకు సాయంగా..!
వర్క్ & లైఫ్
- ౩౫ ఏళ్లకే ఐదుగురు పిల్లలు.. ఒక మనవరాలు!
- మా మేనేజర్.. కోరిక తీర్చమని వేధిస్తున్నాడు..!
- భర్త నచ్చకపోతే విడాకులు.. గ్రాండ్గా ‘పార్టీ’..!
- పోటీలో నెగ్గాలంటే...
- అమ్మాయిలూ... ఓటేస్తున్నారా?