Home Treatment: డొమిసిలియరీ హాస్పిటలైజేషన్ ప్రయోజనాలు తెలుసా?
డొమిసిలియరీ హాస్పిటలైజేషన్ సౌకర్యంతో ఇంటి నుంచే వైద్య చికిత్సలను పొందవచ్చు. దీని ప్రయోజనాలు, మినహాయింపులు గురించి తెలుసుకోండి.
ఇంటర్నెట్ డెస్క్: ఆరోగ్య బీమా పాలసీ గురించి అందరికీ తెలిసిందే. ఆసుపత్రిలో వైద్య ఖర్చులను చూసుకోవడమే కాకుండా, డే-కేర్ ట్రీట్మెంట్స్, ఆయుష్ ప్రయోజనాలు, మానసిక ఆరోగ్య సంరక్షణను కూడా ఆరోగ్య బీమా కవర్ చేస్తుంది. ఆరోగ్య బీమా పాలసీ అందించే మరో ముఖ్యమైన ప్రయోజనం ‘డొమిసిలియరీ హాస్పిటలైజేషన్’. వైద్య పరిస్థితి కారణంగా రోగి ఆసుపత్రిలో చేరలేనప్పుడు లేదా పాలసీదారుడు ఇంట్లో చికిత్స పొందాలని వైద్యుడు సూచించినప్పుడు దీన్ని ‘డొమిసిలియరీ హాస్పిటలైజేషన్’ అంటారు. ఇది ఆరోగ్య బీమా అందించే ముఖ్యమైన ప్రయోజనంతో కూడిన కవరేజ్. ఈ కవరేజ్లో రోగికి వారి ఇంటిలోనే వైద్య చికిత్సను సూచిస్తుంది. ఆసుపత్రి పడకలు లేదా నిర్దిష్ట వైద్య పరికరాలు అందుబాటులో లేకపోవడం వల్ల బీమా చేయించుకున్న వ్యక్తి ఆసుపత్రిలో చేరలేని పరిస్థితుల్లో ఈ రకమైన కవరేజ్ ఉపయోగపడుతుంది.
ఎవరికి ప్రయోజనం?
దీర్ఘకాలిక అనారోగ్యం కారణంగా మంచాన పడిన రోగికి నిరంతరం వైద్య సంరక్షణ అవసరం. కానీ, ఆ రోగి ఆసుపత్రిలో అడ్మిట్ కావాలంటే ఎక్కువ రోజులు ఆసుపత్రిలో ఉండాల్సి ఉంటుంది. దీనివల్ల ఆసుపత్రి గది, బెడ్ అద్దె ఖర్చులు బాగా పెరిగిపోతాయి. బీమా ఉన్నా సరే అది కూడా సరిపోకపోవచ్చు. లేదా రోగి ఆర్థిక పరిస్థితి ఎక్కువ రోజులు ఆసుపత్రిలో ఉండడానికి సహకరించకపోవచ్చు. ఇలాంటి పరిస్థితిలో డొమిసిలియరీ హాస్పిటలైజేషన్ కవర్తో రోగి ఆసుపత్రిలో చేరాల్సిన అవసరం లేకుండా ఇంట్లోనే అవసరమైన వైద్య చికిత్సను పొందవచ్చు. దీర్ఘకాలిక వైద్య సంరక్షణ అవసరంతో పాటు ఆసుపత్రిలో చేరడం సౌకర్యంగా లేని రోగులకు ఈ రకమైన కవర్ చాలా ఉపయోగకరంగా ఉంటుంది. డొమిసిలియరీ హాస్పిటలైజేషన్ కవర్లో నర్సింగ్ కేర్, మెడికల్ ఎక్విప్మెంట్, ఇంటిలో రోగికి చికిత్స కోసం అవసరమైన మందులు వంటి వైద్య ఖర్చులు కవర్ అవుతాయి. ఇంటెన్సివ్ కేర్ లేకుండా వైద్య సహాయం అవసరమైన రోగులకు ఇది మెరుగైన ఆప్షన్ అని చెప్పవచ్చు.
ఇది ఎలా పనిచేస్తుంది?
వైద్యుడిని సంప్రదించిన తర్వాత రోగి వైద్య చికిత్సకు అవసరమయ్యే విధానాలను/పద్ధతులను డాక్టర్ అంచనా వేస్తారు. అతడి పరిస్థితికి సంబంధించిన స్వభావం, తీవ్రత ఆధారంగా రోగి డొమిసిలియరీ హాస్పిటలైజేషన్కు అర్హుడో, కాదో డాక్టర్ నిర్ణయిస్తారు. ఇంటి వద్దే చికిత్స అవసరమని భావిస్తే.. రోగికి చికిత్సలో భాగంగా ఆక్సిజన్ సిలిండర్లు, నెబ్యులైజర్లు మొదలైన అవసరమైన వైద్య పరికరాలు ఇంటి వద్ద అమర్చుతారు. అవసరమైతే ఒక నర్సు లేదా సంరక్షకుడిని ఆసుపత్రి నియమిస్తుంది. వారు రోగి ఇంటి వద్ద ఉండి అవసరమైన వైద్య సంరక్షణను అందిస్తూ, పేషెంట్కు సంబంధించిన పురోగతిని పర్యవేక్షిస్తూ, దాన్ని వైద్యుడికి నివేదిస్తారు. చికిత్స పూర్తయితే తదుపరి కార్యచరణకు ఫాలో-అప్ కోసం వైద్యుడిని సంప్రదిస్తారు.
ప్రయోజనాలు
డొమిసిలియరీ హాస్పిటలైజేషన్తో అనేక ప్రయోజనాలు ఇమిడి ఉన్నాయి. ముఖ్యంగా ఇది చాలా తక్కువ ఖర్చుతో కూడుకున్నది. ఆసుపత్రి గది అద్దెలు ఇందులో ఉండవు. రోగి వారి సొంతింటిలో సౌకర్యంగా వైద్య సంరక్షణను పొందొచ్చు. తరచూ కదులుతూ ఉంటే ఇబ్బంది పడేవారికి లేదా దీర్ఘకాలిక అనారోగ్యాలు ఉన్నవారికి ప్రత్యేకంగా చాలా ప్రయోజనకరంగా ఉంటుంది. ఇంటిలో ఉండే సొంత కుటుంబ సభ్యుల తోడ్పాటుతో వైద్య సేవలు పొందడం వల్ల రోగి వేగంగా కొలుకునే అవకాశముంది. ఆసుపత్రిలో సహజంగా ఉండే ఇన్ఫెక్షన్ల బారిన పడకుండా ఇంటి వాతావరణం రోగిని కాపాడుతుంది. క్యాష్లెస్ హాస్పిటలైజేషన్, రీయింబర్స్మెంట్ రెండింటికీ సంబంధించిన క్లెయిం ప్రక్రియ ఈ బీమాలో ఉంటుంది.
మినహాయింపులు
డొమిసిలియరీ హాస్పిటలైజేషన్.. బీమా పాలసీని పొందే ముందు ఉన్న అనారోగ్యాలను కవర్ చేయకపోవచ్చు. వెయిటింగ్ పీరియడ్ వర్తిస్తుంది. ప్రయోగాత్మక లేదా నిరూపితం కాని వైద్య చికిత్సలు డొమిసిలియరీ హాస్పిటలైజేషన్ కవరేజ్ కింద మినహాయింపులకు లోబడి ఉండవచ్చు. కాస్మెటిక్ సర్జరీ, వంధ్యత్వ చికిత్సలు, బరువు తగ్గించే శస్త్ర చికిత్స వంటి అనేక వైద్య విధానాలు, చికిత్సలు సాధారణంగా కవర్ అవ్వవు. దేశం వెలుపల పొందిన ఏదైనా వైద్య చికిత్సకు రీయింబర్స్మెంట్ ఉండదు. ఆమోదం లేని ప్రిస్క్రిప్షన్ ఔషధాలు ఈ కవరేజ్ నుంచి మినహాయింపు ఉంటుంది. ఉద్దేశపూర్వకంగా చేసుకున్న గాయాలను కవర్ చేయదు. మాదకద్రవ్య దుర్వినియోగం లేదా వ్యసనానికి సంబంధించిన చికిత్స కోసం కవరేజీని అందించకపోవచ్చు. మానసిక అనారోగ్యానికి సంబంధించిన చికిత్సకు కూడా కవరేజ్ ఉండదు. బ్రాంకైటిస్, మూర్చ రోగం, అస్తమా, దగ్గు, జలుబు లేదా ఇన్ఫ్లూయెంజా, డయాబెటీస్, దీర్ఘకాలిక నెఫ్రిటిస్, విరేచనాలు, గ్యాస్ట్రో-ఎంటెరిటీస్, కీళ్లనొప్పులు, రుమాటిజం, రక్తపోటు, టాన్సిలిటిస్ మొదలైన రోగాలకు డొమిసిలియరీ హాస్పిటలైజేషన్ కవరేజ్ ఉండదు. ఆయుర్వేదం, హోమియోపతి చికిత్సలకు కూడా కవరేజ్ ఉండదు.
గమనించాల్సినవి
చికిత్సకు సిద్ధమయిన ప్రతి రోగికీ డొమిసిలియరీ హాస్పిటలైజేషన్ సాధ్యం కాదు. రోగి ఆసుపత్రిలో బెడ్ను పొందలేకపోయాడని లేదా అలాంటి పరిస్థితులు లేవని రోగి నిరూపించాలి. అర్హత ఉన్న రిజిస్టర్డ్ మెడికల్ ప్రాక్టీషనర్ ద్వారా రాతపూర్వకంగా సిఫార్సు తప్పనిసరి. కరోనా కవచ్ మెడికల్ ఇన్సూరెన్స్కు సంబంధించిన చికిత్సను ఇది కవర్ చేస్తుంది. డొమిసిలియరీ చికిత్సను పొందేందుకు, బీమా చేసిన వ్యక్తి కనీసం మూడు రోజుల పాటు ఇంటిని ఆధారంగా చేసుకుని చికిత్స పొందవలసి ఉంటుంది. ఈ బీమా సౌకర్యం అన్ని బీమా సంస్థలు సమగ్ర కవరేజీలో భాగంగా ఇవ్వకపోవచ్చు. అలాంటప్పుడు అదనపు ప్రీమియంతో రైడర్గా తీసుకోవాలి. ఖర్చులను క్లెయిం చేస్తున్నప్పుడు, అవసరమైన అన్ని చికిత్స బిల్లులు, డాక్టర్ ప్రిస్క్రిప్షన్లను భద్రపరచుకోవాలి. మీ బీమా సంస్థ.. రోగికి సంబంధించిన డాక్యుమెంట్స్ అడిగినప్పుడు వెంటనే అందించవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.