iOS 17: ఐఓఎస్ @ 17
iOS 17: యాపిల్ సంస్థ ఇటీవల వండర్లస్ట్ కార్యక్రమంలో ఐఫోన్ 15, 15 ప్లస్, 15 ప్రో, 15 ప్రో మ్యాక్స్ ఫోన్లు పరిచయం చేసింది. అలాగే యాపిల్ వాచ్ సిరీస్ 9, యాపిల్ వాచ్ అల్ట్రా 2 కూడా ప్రవేశపెట్టింది
యాపిల్ సంస్థ ఇటీవల వండర్లస్ట్ కార్యక్రమంలో ఐఫోన్ 15, 15 ప్లస్, 15 ప్రో, 15 ప్రో మ్యాక్స్ ఫోన్లు పరిచయం చేసింది. అలాగే యాపిల్ వాచ్ సిరీస్ 9, యాపిల్ వాచ్ అల్ట్రా 2 కూడా ప్రవేశపెట్టింది. అంతేనా? ఐఫోన్ ప్రియులు ఎంతగానో ఎదురుచూస్తున్న ఐఓఎస్ 17 (iOS 17) విడుదలనూ ప్రకటించింది. వరల్డ్వైడ్ డెవలపర్స్ కాన్ఫరెన్స్లో ఆవిష్కరించిన దీన్ని తాజాగా అందరికీ అందుబాటులోకి తీసుకొచ్చింది. ప్రతి కొత్త మొబైల్ సాఫ్ట్వేర్లో మాదిరిగానే ఐఓఎస్ 17 (iOS 17)లోనూ కొన్ని రహస్య ఫీచర్లు, సెటింగ్స్ ఉన్నాయి. అందరికీ తెలిసిన, ప్రాచుర్యం పొందిన ఫీచర్ల మాదిరిగానే ఇవీ రోజువారీ వ్యవహారాలకు బాగా ఉపయోగపడతాయి. అలాంటి కొన్ని ఫీచర్ల గురించి తెలుసుకుందాం.
ఫేస్టైమ్ వీడియో మెసేజెస్
స్నేహితుడికో, మరెవరికో ఫోన్ చేస్తాం. వాళ్లు మాట్లాడలేదు. వెంటనే మరోసారి కాల్ చేయాల్సిన అవసరం లేకుండా వీడియో సందేశాన్ని పంపించటానికి ఫేస్టైమ్ వీడియో మెసేజెస్ ఫీచర్ వచ్చింది. నంబరుకు కాల్ చేసిన కొంతసేపటికి రికార్డ్ వీడియో బటన్ కనిపిస్తుంది. దీని మీద నొక్కి పడితే కౌంట్డౌన్ మొదలవుతుంది. అనంతరం వీడియో రికార్డు అవుతుంది. కావాలనుకుంటే దీన్ని రీరికార్డు చేసుకోవచ్చు. తర్వాత ఆకుపచ్చ బటన్ నొక్కి, సందేశాన్ని పంపొచ్చు. అవతలివారికిది ఫేస్టైమ్ యాప్లో కనిపిస్తుంది.
ఇష్టమైన స్టికర్స్
స్టికర్ ప్రియులకు నచ్చే ఫీచర్ ఇది. దీని ద్వారా ఫొటోలో నచ్చిన వాటిని స్టికర్గా మార్చుకోవచ్చు. ముందు ఫొటోలోని వస్తువు మీద నొక్కాలి. అప్పుడు అవుట్ లైన్ ఏర్పడుతుంది. తర్వాత యాడ్ స్టికర్ ఆప్షన్ను ఎంచుకోవాలి. దీంతో అది దానంతటదే స్టికర్ డ్రాయర్లో సేవ్ అవుతుంది. దీనికి ఎఫెక్ట్లు, వేర్వేరు స్టైళ్లు యాడ్ చేసుకోవచ్చు. ఉదాహరణకు- లైవ్ ఫొటో ఆప్షన్ ఎంచుకుంటే యానిమేషన్ మాదిరిగా స్టికర్ కదులుతుంది.
కోడ్స్ శుభ్రం
ఆన్లైన్ భద్రత కోసం ఇప్పుడు టు-ఫ్యాక్టర్ అథెంటికేషన్ వాడకం పెరిగింది. ముందుగా పరికరానికి అందే కోడ్తో ధ్రువీకరించుకోవటం దీని ప్రత్యేకత. టు-ఫ్యాక్టర్ అథెంటికేషన్తో యాప్లో లాగిన్ అయిన ప్రతిసారీ టెక్స్ట్ మెసేజ్ లేదా ఈమెయిళ్ల ద్వారా ఈ కోడ్స్ అందుతాయి. ఇవన్నీ మెసేజెస్లో, ఈమెయిల్లో నిండిపోతూ వస్తాయి. వీటిని ఒక్కొక్కటిగా డిలీట్ చేసుకోవాల్సిందే. ఐఓఎస్ 17 (iOS 17) దీనికి మంచి పరిష్కారాన్ని తీసుకొచ్చింది. వాటంతటవే డిలీట్ అయ్యే మార్గాన్ని చూపిస్తోంది. సెటింగ్స్ ద్వారా పాస్వర్డ్లోకి వెళ్తే పాస్వర్డ్ ఆప్షన్స్ కనిపిస్తాయి. ఇందులో క్లీన్ అప్ ఆటోమేటికల్లీ బటన్ను ఆన్ చేసుకుంటే చాలు. మెసేజెస్, మెయిల్కు వచ్చిన వెరిఫికేషన్ కోడ్స్ వాడుకున్న తర్వాత వాటంతటవే తొలగిపోతాయి.
ఐఫోన్ 15 సిరీస్లో కొత్త మార్పులివే!
ఇంటరాక్టివ్ విడ్జెట్స్
హోం స్క్రీన్ మీద విడ్జెట్లు కేవలం అందానికే కాదు. ఐఫోన్ ఇంటరాక్టివ్ విడ్జెట్స్నూ ప్రవేశపెట్టింది. కంట్రోల్ సెంటర్ మాదిరిగానే హోం స్క్రీన్ నుంచీ అప్లికేషన్లను కంట్రోల్ చేయటానికివి వీలు కల్పిస్తాయి. ఇప్పటివరకు ఇంటరాక్టివ్ విడ్జెట్లు పరిమితంగానే ఉండేవి. ఇప్పుడు మరిన్ని జత చేసుకోవచ్చు. హోం స్క్రీన్లో ఖాళీగా ఉన్నచోట వేలితో నొక్కిపడితే ఎడిట్ మోడ్ కనిపిస్తుంది. ఇందులో ప్లస్ గుర్తు మీద తాకితే పాడ్కాస్ట్, హోం, నోట్స్, మ్యూజిక్ వంటి విడ్జెట్ల జాబితా కనిపిస్తుంది. వీటిల్లో ఇష్టమైనది ఎంచుకోవచ్చు. ఉదాహరణకు- మ్యూజిక్ విడ్జెట్ ఎంచుకుంటే ప్లే, పాజ్ చేసుకోవచ్చు. హోం విడ్జెట్తో స్మార్ట్ బల్బుల వంటివి ఆన్, ఆఫ్ చేసుకోవచ్చు.
ఆఫ్లైన్లోనూ మ్యాప్స్
ఐఫోన్లో యాపిల్ మ్యాప్స్ వాడుకోవాలంటే ఇంటర్నెట్కు అనుసంధానం కావాల్సిందే. ఇంటర్నెట్ కనెక్షన్ లేని చోట్ల ఇది ఇబ్బందికరంగా పరిణమిస్తుంది. ఇకపై అలాంటి బాధేమీ ఉండదు. మ్యాప్ను డౌన్లోడ్ చేసుకొని, ఆఫ్లైన్లోనూ ఉపయోగించుకోవచ్చు. మ్యాప్స్లో పైన కుడివైపున ఉన్న ప్రొఫైల్ ఫొటో మీద తాకితే మ్యాప్ను డౌన్లోడ్ చేసుకునే సదుపాయం కనిపిస్తుంది. ఒకవేళ ఫోన్లో తగినంత స్పేస్ లేకపోతే చిన్న సైజులోనూ మ్యాప్ను డౌన్లోడ్ చేసుకోవచ్చు. దీని ద్వారా ఆఫ్లైన్లోనూ మార్గాన్ని తెలుసుకోవచ్చు.
సులువుగా ఫొటో క్రాపింగ్
స్క్రీన్షాట్ లేదా ఫొటోలను క్రాప్ చేయటం ఐఫోన్లో తేలిక. దీన్ని ఐఓఎస్ 17 (iOS 17) మరింత సులువుగా మార్చింది. ఫొటోను చూస్తున్నప్పుడు జూమ్ చేసే సమయంలోనే కొద్ది సెకండ్ల పాటు క్రాప్ బటన్ కూడా కనిపిస్తుంది. ఇది ఆటోమేటిక్గా ఎడిట్ మోడ్లోకి తీసుకెళ్తుంది. డన్ బటన్ను నొక్కితే అవసరమైనంత మేరకు ఫొటో క్రాప్ అవుతుంది.
లైవ్ వాయిస్ మెయిల్
ఎవరైనా వాయిస్ మెయిల్ పంపించారనుకోండి. ప్లే అవుతున్నప్పుడే అది అప్పటికప్పుడు టెక్స్ట్ రూపంలో ప్రత్యక్షమైతే? లైవ్ వాయిస్ మెయిల్ అలాంటి ఫీచరే. ఈ వాయిస్ మెయిల్ టెక్స్ట్ను చదువుతూనే మధ్యలో కాల్ చేయొచ్చు కూడా. ఏదైనా అత్యవసర విషయమైతే వెంటనే స్పందించటానికిది తోడ్పడుతుంది. ఐఓఎస్ 17 (iOS 17)లో లైవ్ వాయిస్ మెయిల్ సదుపాయం డిఫాల్ట్గా ఉంటుంది. వద్దనుకుంటే డీయాక్టివేట్ చేసుకోవచ్చు.
క్రాస్ఫేడ్ సాఫీగా
వేడుకల్లో, కారులో పాటలు వినటం మామూలే. యాపిల్ మ్యూజిక్ యాప్లో పాటలను ప్లే చేస్తుంటే ఆ మజానే వేరు. ఒక పాట పూర్తికాకముందే మరో పాట నెమ్మదిగా ఆరంభమైతే అంతరాయమనేదే ఉండదు. తాజా ఐఓఎస్లో క్రాస్ఫేడ్ ఫీచర్ ఇలాంటి అనుభూతినే కలిగిస్తుంది. సెటింగ్స్ ద్వారా మ్యూజిక్లోకి వెళ్లి క్రాస్ఫేడ్ బటన్ను ఆన్ చేసుకుంటే చాలు. ఎంతసేపు క్రాస్ఫేడ్ కావాలో కూడా సెట్ చేసుకోవచ్చు. ఒక సెకండు నుంచి 12 సెకండ్ల వరకు ఎంచుకోవచ్చు. ఉదాహరణకు 10 సెకండ్లు ఎంచుకున్నామనుకోండి. వింటున్న పాట 10 సెకండ్లలో ముగుస్తుందగా తర్వాత పాట నెమ్మదిగా ప్లే అవటం మొదలెడుతుంది. తర్వాత ఫుల్ వ్యాల్యూమ్లో పాట వినిపిస్తుంది.
ఐఫోన్ 15లో భారత్ ముద్ర.. ఆ మోడల్స్లో నావిక్
లాండ్రీ కోడ్స్ మతలబు
దుస్తులను ఉతికే విధానాన్ని తెలియజేయటానికి వాటి మీద కోడ్స్ ఉండటం గమనించే ఉంటారు. అందరికీ వీటి అర్థాలు తెలియకపోవచ్చు. వీటిని చిటికెలో విడమరచటానికి ఐఓఎస్ 17 (iOS 17)కు కొత్త ఫీచర్ తోడైంది. ముందు కోడ్స్ పట్టీని ఫొటో తీయాలి. దీన్ని ఫొటోస్ టూల్లో బిల్టిన్గా ఉండే విజువల్ టుక్ అప్ ఫీచర్కు అప్పజెబితే చాలు. వివరాలన్నీ ప్రత్యక్షమవుతాయి. అన్నట్టు మొక్కలు, నిర్మాణాల వంటి వాటి సమాచారాన్ని తెలియ జేసేదీ ఈ విజువల్ లుక్ అప్ ఫీచరే. ఇది దుస్తులను ఉతికే తీరునే కాదు, కారు డ్యాష్బోర్డులో ఏవైనా హెచ్చరిక లైట్లు వెలిగినా వాటి అర్థాన్నీ విడమరచగలవు. లైట్ల ఫొటో తీసి, పరిశీలిస్తే చాలు.
పాస్కోడ్ మరిచినా
ఐఫోన్ పాస్కోడ్ను మార్చారా? దాన్ని మరచిపోయారా? ఇప్పుడికి భయపడాల్సిన పనిలేదు. ఫర్గాట్ పాస్కోడ్ ఫీచర్ సాయం తీసుకోవచ్చు. కాకపోతే కొత్త అన్లాక్ కోడ్ను సెట్ చేసుకున్నాక మూడు రోజుల వరకే ఇది పనిచేస్తుంది. దీంతో పాత పాస్కోడ్తోనే కొత్త పాస్కోడ్ను సృష్టించుకొని, ఐఫోన్ను అన్లాక్ చేసుకోవచ్చు. నాలుగో రోజున తిరిగి పరిస్థితి మొదటికే వస్తుందనుకోండి. అందువల్ల ఇది తాత్కాలికంగానే పని చేస్తుందని చెప్పుకోవచ్చు.
- కుటుంబ సభ్యులకు పాస్వర్డ్లను సురక్షితంగా షేర్ చేయటానికి ఐక్లౌడ్ కీచెయిన్ ఫీచర్ అందుబాటులోకి వచ్చింది. దీంతో పాస్కీ ద్వారా ఆత్మీయులకు పాస్వర్డ్లను పంపించొచ్చు. ఎవరైనా చూస్తారేమోననే భయం ఉండదు.
స్క్రీన్ దూరంగా..
ఫోన్ను ముఖానికి మరీ దగ్గరగా పెట్టుకోవటం కళ్లకు మంచిది కాదు. కనీసం 12 అంగుళాల దూరంలో తెర ఉండాలని యాపిల్ సూచిస్తుంది. దీన్ని పాటించటానికి స్క్రీన్ డిస్టెన్స్ ఫీచర్ అందుబాటులోకి వచ్చింది. ఫోన్ తెర ముఖానికి మరీ దగ్గరికి వచ్చినప్పుడిది హెచ్చరిస్తుంది. తగినంత దూరానికి జరిపితే గానీ ఫోన్ను వాడటం కుదరదు. సెటింగ్స్ ద్వారా స్క్రీన్ టైమ్ను తాకితే స్క్రీన్ డిస్టెన్స్ ఫీచర్ కనిపిస్తుంది. బటన్ను ఆన్ చేసుకుంటే ఎనేబుల్ అవుతుంది.
సురక్షిత ప్రయాణానికి చెక్-ఇన్
మరో మంచి ఫీచర్ చెక్-ఇన్. ఇది స్నేహితులకు, కుటుంబ సభ్యులకు మనం ఎక్కడున్నామో తెలియజేస్తుంది. ఇంటికి సురక్షితంగా చేరుకున్నట్టు చెప్పటం మరచిపోయిన సందర్భాల్లో ఇదెంతగానో ఉపయోగపడుతుంది. లైవ్ లొకేషన్ షేర్ చేయొద్దని అనుకునేవారికిది మంచి సదుపాయం. ప్రయాణం ఆరంభించినప్పుడు, ముగిసిన తర్వాత నోటిఫికేషన్ అందిస్తుంది. ఏవైనా చిక్కుల్లో ఉన్నప్పుడూ సమాచారం అందజేస్తుంది. అయితే అవతలి వారి ఫోన్ కూడా ఏఓఎస్ 17 వర్షన్ కలిగుండాలి. దీన్ని వాడుకోవాలంటే ముందుగా మనం ఎక్కుడున్నామో తెలపాలని కోరుకునేవారి కన్వర్జేషన్ను ఓపెన్ చేయాలి. మెసేజ్ ఫీల్డ్ పక్కనుండే ప్లస్ గుర్తు ద్వారా మోర్లోకి వెళ్తే చెక్-ఇన్ ఫీచర్ కనిపిస్తుంది. ఇందులో లిమిటెడ్, ఫుల్ డేటా షేరింగ్ ఆప్షన్లున్నాయి. లిమిటెడ్ను ఎంచుకుంటే తాజా లొకేషన్ మాత్రమే అవతలివారికి అందుతుంది. ఫుల్ డేటాను ఎంచుకుంటే ప్రయాణిస్తున్న మార్గం మొత్తం మ్యాప్లో కనిపిస్తుంది. ఐఫోన్ను చివరిసారి ఎప్పుడు అన్లాక్ చేశారు. యాపిల్ వాచ్ ఎప్పుడు తీశారో కూడా తెలిసిపోతుంది. తెలియని, కొత్త చోట్లలో ఉన్నట్టయితే వెంటనే అప్రమత్తం కావొచ్చు.
చదవొద్దు.. వింటే చాలు
ఇటీవలి కాలంలో పాడ్కాస్ట్లు బాగా ఆదరణ పొందాయి. దీన్ని దృష్టిలో పెట్టుకునే ఐఓఎస్ 17 (iOS 17)లో కొత్త ఫీచర్ను తీసుకొచ్చారు. సఫారీ బ్రౌజర్లో నచ్చిన కథనాలు, వెబ్సైట్లను చదివే పనిని సిరికి పురమాయిస్తే సరి. అదే వాటిని బిగ్గరగా వినిపించేస్తుంది. మనం ‘కష్టపడి’ చదవాల్సిన అవసరం ఉండదన్నమాట. ఏదైనా పని చేసుకుంటున్నప్పుడు ఈ ఫీచర్ బాగా ఉపయోగపడుతుంది. ఇప్పుడు సిరిని ఆదేశించటానికి ‘హే, సిరి’ అనాల్సిన పనిలేదు. మామూలుగా సిరి అని పిలిస్తే చాలు. అలాగే ఒకేసారి రెండు పనులనూ దీనికి అప్పగించొచ్చు. ఉదాహరణకు- ‘జిమ్కు వెళ్లటానికి దారి చూపించు, జిమ్ పాటలను ప్లే చెయ్యి’ అని ఒకేసారి ఆదేశించొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్
Realme C65: మొబైల్ తయారీ సంస్థ రియల్మీ బడ్జెట్ ధరలో ఎయిర్గెశ్చర్స్ సదుపాయంతో కొత్త ఫోన్ను భారత మార్కెట్లో లాంచ్ చేసింది. -
రూ.29కే జియోసినిమా ప్రీమియం.. యాడ్ ఫ్రీ కంటెంట్, 4K వీడియో క్వాలిటీ
Jio Cinema: జియో సినిమా కొత్తగా రెండు సబ్స్క్రిప్షన్ ప్లాన్లను తీసుకొచ్చింది. వాటిలో ఒకటి ఫ్యామిలీని దృష్టిలో ఉంచుకొని రూపొందించింది. -
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
Realme Narzo: రియల్మీ మరో రెండు కొత్త ఫోన్లను విడుదల చేసింది. వీటి ధర రూ.11,999 నుంచి ప్రారంభమైంది. ఫీచర్లు, వేరియంట్లు, వాటి ధరలు, ఆఫర్లు ఎలా ఉన్నాయో చూద్దాం..! -
ఎయిర్టెల్ కొత్త రోమింగ్ ప్యాక్స్.. 184 దేశాలకు ఒకే ప్యాక్
ఎయిర్టెల్ కొత్త అంతర్జాతీయ రోమింగ్ ప్లాన్లు తీసుకొచ్చింది. రోజుకు రూ.133 నుంచి ఈ ప్లాన్లు ప్రారంభమవుతాయని ఎయిర్టెల్ తెలిపింది. -
సోషల్మీడియాలో ‘లుక్ బిట్వీన్ కీబోర్డ్’ ట్రెండ్.. ఇంతకీ ఏమిటిది..?
సోషల్మీడియాలో లుక్ బిట్వీన్ పేరిట కొత్త ట్రెండ్ మొదలైంది. ఇంతకీ ఏమిటీ ట్రెండ్..? ఎక్కడ మొదలైంది? -
గుంపులో స్మార్ట్ఫోన్లు కొట్టేస్తే.. చిన్న ట్రిక్తో పట్టేశాడు..!
తన స్మార్ట్ఫోన్లను ఎవరో కొట్టేస్తే చిన్న ట్రిక్తో పట్టేశాడు ఓ టెక్ ఇన్ఫ్లూయెన్సర్. జరిగిందంతా ఓ పోస్ట్లో రాసుకొచ్చాడు. -
వాట్సప్లో కొత్త ఫీచర్.. ఇంటర్నెట్ లేకున్నా ఫొటోలు పంపించొచ్చు!
WhatsApp: ఫొటోలు, వీడియోలు పంపించడాన్ని సులభతరం చేయడం కోసం ప్రముఖ మెసేజింగ్ యాప్ వాట్సప్ (WhatsApp) కొత్త ఫీచర్ని తీసుకొచ్చేందుకు సిద్ధమవుతోంది. -
రెడ్మీ కొత్త వైఫై ట్యాబ్.. రూ.20 వేలకే రోబో వాక్యూమ్ క్లీనర్
Xiaomi: షావోమి మంగళవారం మరికొన్ని స్మార్ట్ ఉత్పత్తులను భారత్లో విడుదల చేసింది. వీటిలో ప్యాడ్, బడ్స్, క్లీనర్, స్టీమర్ ఉన్నాయి. వీటి ధర, ఫీచర్లు ఎలా ఉన్నాయో చూద్దాం..! -
వన్ప్లస్ నార్డ్ సీఈ3 ఫోన్పై డిస్కౌంట్.. ఈ సబ్స్క్రిప్షన్లూ ఉచితం!
OnePlus Nord CE 3: నార్డ్ సీఈ3 ధరను వన్ప్లస్ తగ్గించింది. మరికొన్ని అదనపు ప్రయోజనాలనూ అందిస్తోంది. అవేంటి? ధర ఎంత వరకు తగ్గిందో చూద్దాం..! -
మెటా ప్లాట్ఫామ్స్లో ఏఐ.. వాట్సప్లో ఇక చిత్రాలూ రూపొందించొచ్చు!
WhatsApp: ప్రముఖ మెసేజింగ్ యాప్ వాట్సప్ ఏఐ ఫీచర్ను తీసుకొచ్చింది. ప్రస్తుతం కొందరికే అందుబాటులో ఉన్న ఈ ఫీచర్ రానున్న రోజుల్లో అందరికీ రోలవుట్ అవుతుంది. -
మీ ప్రాంతంలో బ్రాడ్బ్యాండ్ సేవలందించే సంస్థలేవో ఎలా తెలుసుకోవాలి?
మీ ప్రాంతంలో ఏయే సంస్థలు బ్రాడ్బ్యాండ్ సేవలందిస్తున్నాయో తెలుసుకోవాలా? అయితే, ఈ వెబ్సైట్ను సందర్శించండి. -
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
Google Maps: గూగుల్ మ్యాప్స్ మరో కొత్త ఫీచర్ని జోడించింది. ఈవీ ఛార్జింగ్ స్టేషన్లు కనిపెట్టేందుకు ఇది సాయపడనుంది. -
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
Nothing: 40 గంటల బ్యాటరీ లైఫ్తో నథింగ్ రెండు ఇయర్బడ్స్ను భారత్ మార్కెట్లో లాంచ్ చేసింది. ప్రారంభ ధర ఆఫర్లో భాగంగా కొనుగోలు చేసిన వారికి డిస్కౌంట్ అందించనున్నట్లు తెలిపింది. -
ఏఐ ఫీచర్లతో శాంసంగ్ కొత్త టీవీలు.. 8K మోడల్స్ ధర ₹3 లక్షల పైనే..!
Samsung: ఆర్టిఫిషియల్ ఇంటిలిజెన్స్ ఫీచర్లతో శాంసంగ్ కొత్త స్మార్ట్ టీవీలను లాంచ్ చేసింది. వాటి ధర, ఫీచర్లపై ఓ లుక్కేయండి.. -
6,000mAh బ్యాటరీతో వివోలో బడ్జెట్ 5G ఫోన్.. ధర, ఫీచర్లివే..
Vivo T3X: వివో టీ2ఎక్స్కు కొనసాగింపుగా వివో టీ3ఎక్స్ విడుదలైంది. కెమెరా, డిస్ప్లే సహా ఇతర ఫీచర్లను అప్గ్రేడ్ చేస్తూ దీన్ని తీసుకొచ్చారు. -
ఆసుస్ నుంచి రెండు స్క్రీన్ల ల్యాపీ.. ధర రూ.లక్షన్నర పైనే..!
Asus: ఆసుస్ సరికొత్త ల్యాప్టాప్ను మంగళవారం భారత మార్కెట్లోకి తీసుకొచ్చింది. ఈ ల్యాపీ ప్రత్యేకలు ఏంటంటే..? -
వాట్సప్లో మరో కొత్త ఆప్షన్.. ఆన్లైన్లో ఉన్న వారి లిస్ట్ ఒకేచోట!
WhatsApp: యూజర్ల అవసరానికి తగ్గట్లుగా ఎప్పటికప్పుడు కొత్త అప్డేట్లతో ముందుకువచ్చే వాట్సప్ సరికొత్త ఫీచర్ తీసుకొచ్చేందుకు సిద్ధమైంది. ఈ విషయాన్ని వాబీటా ఇన్ఫో తెలిపింది. -
₹15 వేలకే మోటో కొత్త 5జీ ఫోన్.. జీ64 ఫీచర్లు ఇవీ..
మోటో కొత్త ఫోన్ను లాంచ్ చేసింది. జీ 64 పేరిట కొత్త ఫోన్ను తీసుకొచ్చింది. ఏప్రిల్ 23 నుంచి అమ్మకాలను ప్రారంభించిది. -
‘ఎక్స్’లో లైక్ కొట్టాలన్నా.. పోస్టు పెట్టాలన్నా చెల్లించాల్సిందే!
Elon Musk: ప్రముఖ సామాజిక మాధ్యమం ఎక్స్లో పలు మార్పులు తీసుకొచ్చిన ఎలాన్ మస్క్.. తాజాగా మరో కొత్త విధానాన్ని అమలు చేసేందుకు సిద్ధమయ్యారు. బాట్ల నివారణ కోసమే దీన్ని తీసుకొస్తున్నట్లు వెల్లడించారు. -
ఈ వన్ప్లస్ ప్రీమియం స్మార్ట్ఫోన్పై రూ.5,000 తగ్గింపు!
OnePlus 11 5G: వన్ప్లస్ 11 5జీ ధరను కంపెనీ మరింత తగ్గించింది. ఈ ఫోన్ ఫీచర్లు, అదనపు డిస్కౌంట్లు, కొత్త ధర వంటి వివరాలు ఎలా ఉన్నాయో చూద్దాం..! -
ఈ పాపులర్ జియో ప్లాన్పై 20GB అదనపు డేటా
Jio Plans: కొన్ని ప్రీపెయిడ్ ప్లాన్లపై జియో అదనపు డేటా అందిస్తోంది. అవేంటి? వాటిలోని ఇతర ప్రయోజనాలు ఎలా ఉన్నాయో చూద్దాం!
తాజా వార్తలు (Latest News)
-
ట్విటర్ (ఎక్స్)లో అడుగుపెట్టిన కేసీఆర్
-
జైల్లో కేజ్రీవాల్ ఆరోగ్యంగానే..: ఎయిమ్స్ మెడికల్ బోర్డు..!
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు
-
కారు పల్టీలు కొట్టి, చెట్టుపై ఇరుక్కుపోయి: రోడ్డు ప్రమాదంలో ముగ్గురు భారతీయులు మృతి
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్