Credit Cards: క్రెడిట్ కార్డ్ బ్యాలెన్స్ ట్రాన్స్ఫర్ గురించి తెలుసా?
క్రెడిట్ కార్డును ఉపయోగించి అనేక ఖర్చులు చేస్తుంటాం. క్రెడిట్ కార్డు బకాయిలను, రుణాలను మరో క్రెడిట్ కార్డుకు బదిలీ చేయొచ్చని తెలుసా? ఆ వివరాలు ఇవీ..
ఇంటర్నెట్డెస్క్: క్రెడిట్ కార్డుల వినియోగం ఒకప్పటితో పోలిస్తే పెరిగింది. క్రెడిట్ కార్డు అనేది కొనుగోళ్లు, వివిధ ఆర్థిక కార్యకలాపాలను నిర్వహించే వారికి అనుకూలమైన సాధనం. కానీ, క్రెడిట్ కార్డుతో వ్యవహరించేటప్పుడు మంచి ఆర్థిక క్రమశిక్షణ అవసరం. మెరుగైన క్రెడిట్ స్కోరు పొందడానికి క్రెడిట్ ఖర్చులను ట్రాక్ చేయడం, బిల్లులను సరిగ్గా చెల్లించడం చాలా అవసరం. కానీ, ఈ కార్డులను ఉపయోగించి గడువులోగా బిల్లులు చెల్లించకుండా డిఫాల్ట్ అయినవారు ఉంటారు. వీరు క్రెడిట్ కార్డు బిల్లును గడువులోగా చెల్లించలేని పరిస్థితుల్లో ఉన్నప్పుడు ఆ బిల్లును వేరే క్రెడిట్ కార్డుకు బదిలీ చేసుకోవచ్చు. క్రెడిట్ కార్డు రుణ నిర్వహణలో బ్యాలెన్స్ బదిలీ ఒక రక్షణ ఆయుధంగా ఉంటుంది.
క్రెడిట్ కార్డు బ్యాలెన్స్ బదిలీ
క్రెడిట్ కార్డు బ్యాలెన్స్ ట్రాన్స్ఫర్. .పేరులో ఉన్నట్టుగానే బిల్లు బ్యాలెన్స్ను బదిలీ చేయడం. ఉదాహరణకు మీ వద్ద రెండు క్రెడిట్ కార్డులు ఉన్నాయనుకుందాం. అందులో మొదటి క్రెడిట్ కార్డుపై బిల్లు బకాయి ఉంది. మీ దగ్గర చెల్లించడానికి నగదు లేదు. అప్పుడు మీ వద్ద ఉన్న మొదటి క్రెడిట్ కార్డులోని బిల్లు బ్యాలెన్స్ను రెండో క్రెడిట్ కార్డుకు బదిలీ చేసి ఆ సమయానికి బిల్లు చెల్లించేయొచ్చు. దీన్నే క్రెడిట్ కార్డు బ్యాలెన్స్ బదిలీ అంటారు. కొన్నిసార్లు, కార్డు వినియోగదారులు ఒకటి లేదా అంతకంటే ఎక్కువ క్రెడిట్ కార్డు రుణాలను ఒకేసారి చెల్లించలేకపోవచ్చు. ఈ పరిస్థితిలో వారు అన్ని క్రెడిట్ కార్డు ఖాతాల నుంచి బకాయి ఉన్న రుణాలను ఒకే ఖాతాలోకి ఏకీకృతం చేయొచ్చు. అనేక బ్యాంకులు క్రెడిట్ కార్డు బ్యాలెన్స్ బదిలీ సౌకర్యాన్ని అందిస్తున్నాయి. కార్డు జారీ సంస్థ ఈ సేవను అందిస్తేనే ఈ సదుపాయాన్ని పొందగలరు. అయితే బహుళ క్రెడిట్ కార్డులను కలిగి ఉన్నవారు ఈ అవకాశాన్ని సులభంగా వినియోగించుకోవచ్చు.
బ్యాలెన్స్ బదిలీ ఎలా చేయాలి?
క్రెడిట్ కార్డు వినియోగదారులు బ్యాలెన్స్ బదిలీ కోసం నెట్ బ్యాంకింగ్, ఆయా క్రెడిట్ కార్డుల కస్టమర్ కేర్ను సంప్రదించొచ్చు. ఎస్ఎంఎస్ ద్వారా కూడా దరఖాస్తు చేసుకోవచ్చు. బ్యాలెన్స్ బదిలీ అర్హత, కార్డులో క్రెడిట్ పరిమితి ఎక్కువగా ఉండడం. పరిమితి తక్కువగా ఉన్నట్లయితే మీ బకాయి మొత్తాన్ని బదిలీ చేయలేకపోవచ్చు. భారత్లోని చాలా ప్రముఖ బ్యాంకులు తమ ఖాతాదారులను ఒక క్రెడిట్ కార్డు నుంచి మరొక బ్యాంకు క్రెడిట్ కార్డుకు బ్యాలెన్స్ బదిలీ చేయడానికి అనుమతిస్తాయి. యాక్సిస్ బ్యాంక్, ఎస్బీఐ, ఐసీఐసీఐ, స్టాండర్డ్ ఛార్టర్డ్, హెచ్ఎస్బీసీ, కోటక్ మహీంద్రా బ్యాంకులు బ్యాలెన్స్ బదిలీని ఆమోదిస్తున్నాయి.
బ్యాలెన్స్ బదిలీ ప్రయోజనం
గడువులోగా క్రెడిట్ కార్డు బిల్లు చెల్లించనప్పుడు డిఫాల్ట్ అంటారు. దీనివల్ల జరిమానా, వడ్డీ కూడా చెల్లించాల్సిన పరిస్థితి వస్తుంది. క్రెడిట్ స్కోరుపై కూడా దీని ప్రభావం ఎక్కువే. కానీ, ఆ సమయంలో బ్యాలెన్స్ బదిలీ అవకాశాన్ని ఎంచుకుంటే ఈ పరిస్థితి నుంచి కొన్ని రోజుల పాటు గట్టెక్కొచ్చు. మొదటి కార్డు బిల్లు బ్యాలెన్స్ రెండో కార్డుకు బదిలీ అవుతుంది కాబట్టి, డబ్బులు కొన్ని రోజుల్లో సర్దుబాటు చేసి రెండో కార్డుపై బదిలీ అయిన అప్పును తీర్చేయొచ్చు. దీనివల్ల డిఫాల్ట్ అవ్వకుండా తాత్కాలికంగా బయటపడొచ్చు. మీరు క్రెడిట్ కార్డు బిల్లులను చెల్లించలేనప్పుడు క్రెడిట్ కార్డు బ్యాలెన్స్ బదిలీ మీకు రక్షణగా ఉంటుంది. బకాయి చెల్లింపుల చరిత్ర, లావాదేవీ విధానాలు, ఖర్చులకు సంబంధించి మంచి చరిత్ర ఉంటే, మీరు ఎప్పటికప్పుడు బ్యాలెన్స్ బదిలీకి అర్హులు అవుతారు.
రుసుములు, వడ్డీ
బ్యాలెన్స్ బదిలీ సేవలపై రుసుములు, వడ్డీ అమలవుతాయి. ఈ సేవలపై 1-5% వరకు ప్రాసెసింగ్ రుసుము ఉండొచ్చు. కొన్ని బ్యాంకులు ఫిక్స్డ్ ఫీజు (రుసుము)ను కూడా వసూలు చేస్తాయి. నిర్దేశిత కాలానికి బ్యాలెన్స్ బదిలీపై వడ్డీ వర్తించదు. కానీ, నిర్దేశిత కాలపరిమితి దాటిన తర్వాత వడ్డీ రేటు సాధారణంగా నెలకు 1% నుంచి ప్రారంభమవుతుంది. బ్యాలెన్స్ బదిలీ దరఖాస్తును సమర్పించే ముందు బ్యాంకుతో అన్ని నిబంధనలు, వడ్డీ రేట్లు నిర్ధారించడం చాలా ముఖ్యం. ఇవి బ్యాంకును బట్టి మారతాయి.
ఎవరికి ప్రయోజనం?
తక్కువ సమయంలో రుణం లభించలేని పరిస్థితుల్లో ఉన్నవారు, ఇప్పటికే అధిక వడ్డీలతో రుణ భారం ఉన్న కార్డు వినియోగదారులు తమ బకాయిలను చెల్లించడానికి బ్యాలెన్స్ బదిలీని ఎంచుకోవచ్చు. బకాయి మొత్తాన్ని పరిమిత నెలల లోపు చెల్లించగలిగినప్పుడు ఈ బ్యాలెన్స్ బదిలీ అనువైనది.
ఇబ్బందులు
తరచుగా బ్యాలెన్స్ బదిలీ అవకాశాన్ని ఎంచుకుంటే క్రెడిట్ స్కోరు తగ్గే అవకాశం ఉంది. కొత్త క్రెడిట్ కార్డుల ఆమోదం కష్టమౌతుంది. బ్యాలెన్స్ను బదిలీ చేయడానికి కొత్త క్రెడిట్ కార్డు కోసం దరఖాస్తు చేస్తే, బ్యాంకు మీ క్రెడిట్ నివేదికపై కఠినమైన క్రెడిట్ విచారణను నిర్వహిస్తుంది. ప్రతి విచారణ మీ క్రెడిట్ స్కోరును కొన్ని పాయింట్లు తగ్గేలా చేస్తుంది.
బ్యాలెన్స్ బదిలీకి ప్రత్యామ్నాయాలు
బ్యాలెన్స్ బదిలీ మీకు రుణం నుంచి బయటపడడానికి సహాయపడుతుంది. కానీ, అది ఒక్కటే సమాధానం కాదు. బ్యాలన్స్ మొత్తం ఎక్కువగా ఉన్నప్పుడు వ్యక్తిగత రుణాన్ని పరిశీలించొచ్చు. ఇందులో రుణం తీర్చే కాలవ్యవధి కొద్దిగా ఎక్కువగా ఉంటుంది. వక్తిగత రుణం మీ క్రెడిట్ వినియోగ నిష్పత్తి (సీయూఆర్)ని ప్రభావితం చేయని రుణ చెల్లింపు ప్రణాళికను అందిస్తుంది. ఇంకా ఎక్కువ రుణం కావాలనుకునేవారు టాప్-అప్ హోమ్ లోన్కు ప్రయత్నించవచ్చు. వ్యక్తిగత రుణం కన్నా వడ్డీ ఇందులో తక్కువ ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (30/04/24)
-
ఆ సినిమా చూశాక వ్యాక్సింగ్ మానేశా: తమన్నా
-
ఏపీ సీఎం జగన్ సతీమణి భారతికి చేదు అనుభవం
-
ప్రేమలో విఫలమైతే అలా చేయొద్దు: పూరి జగన్నాథ్
-
అప్పట్లో.. 4 సెకన్లు ఆలస్యంగా చంద్రయాన్ 3.. ఎందుకంటే!
-
‘బాయ్ఫ్రెండ్ ఓవర్సైజ్డ్ షర్ట్’లో అషు.. కీర్తి సురేశ్ చిల్!