రాణించిన డాబర్‌ ఇండియా

దిల్లీ: డాబర్‌ ఇండియా, జనవరి- మార్చి త్రైమాసికంలో రూ.341.22 కోట్ల ఏకీకృత నికర లాభాన్ని నమోదు చేసింది. 2022-23 ఇదే త్రైమాసిక లాభం రూ.292.76 కోట్ల కంటే ఇది   16.55% అధికం. కార్యకలాపాల ఆదాయం రూ.2,677.80 కోట్ల నుంచి 5.11% పెరిగి రూ.2,814.6 4 కోట్లకు చేరింది. మొత్తం వ్యయాలు 3.67% పెరిగి రూ.2,490.43 కోట్లుగా నమోదయ్యాయి. పూర్తి ఆర్థిక సంవత్సరానికి (2023-24) డాబర్‌ ఇండియా నికర లాభం రూ.1,811.31 కోట్లకు చేరింది. 2022-23 లాభం రూ.1,701.33 కోట్ల కంటే ఇది 6.46% అధికం. కార్యకలాపాల ఆదాయం రూ.11,529.89 కోట్ల నుంచి 7.58% వృద్ధితో రూ.12,404.01 కోట్లుగా నమోదైంది. రూ.1 ముఖ విలువ గల ప్రతి షేరుకు రూ.2.75 (275%) తుది డివిడెండును డైరెక్టర్ల బోర్డు సిఫారసు చేసింది.