Health Insurance: ఆరోగ్య బీమా... సులువుగా అర్థమయ్యేలా..
పెరుగుతున్న వైద్య పరిస్థితుల నేపథ్యంలో ఆరోగ్య బీమా అవసరం ఎంతో ఉంది. ఎంతోమంది ఈ పాలసీని తీసుకుంటున్నప్పటికీ.. పూర్తిగా అర్థం చేసుకునే వారు కొందరే.
పెరుగుతున్న వైద్య పరిస్థితుల నేపథ్యంలో ఆరోగ్య బీమా అవసరం ఎంతో ఉంది. ఎంతోమంది ఈ పాలసీని తీసుకుంటున్నప్పటికీ.. పూర్తిగా అర్థం చేసుకునే వారు కొందరే. తీరా క్లెయిం చేసుకునే సందర్భంలో పాలసీలో ఉండే మినహాయింపులు, ఇతర నిబంధనలు పరిహారం రాకుండా అడ్డుకుంటాయి. ఇలాంటి చిక్కులు ఇక నుంచీ ఉండవు. ఆరోగ్య బీమా పాలసీ తేలిగ్గా అర్థమయ్యేలా స్పష్టమైన సమాచారాన్ని అందించాలని భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) బీమా సంస్థలకు సూచించింది. ఇందులో భాగంగా పాలసీలకు సంబంధించి వినియోగదారుల సమాచార నివేదిక (కస్టమర్ ఇన్ఫర్మేషన్ షీట్- సీఐఎస్)ను జారీ చేయాలని పేర్కొంది. మరి ఏమిటీ సీఐఎస్.. అందులో ఏముంటాయి తెలుసుకుందాం.
ఆరోగ్య బీమా పాలసీలో ఉండే మొత్తం సమాచారాన్ని విశ్లేషించడం చాలా కష్టంతో కూడుకున్న పనే. కొన్నిసార్లు సలహాదారులు వివరాలూ చెప్పినా, పాలసీదారులకు అవి అంత గుర్తుండకపోవచ్చు. ఇలాంటి సమస్య రాకుండా సీఐఎస్ తోడ్పడుతుంది. పాలసీ రకం, వేచి ఉండే వ్యవధి, ఉప పరిమితులు, మినహాయింపులు, వేరే సంస్థకు మారేందుకు పోర్టబిలిటీ సూచనలు, క్లెయిం సమర్పణ, క్లెయిం కోసం ఎంత సమయం పడుతుంది, ఫిర్యాదులు చేయడానికి ఎవరిని సంప్రదించాలి ఇలా అన్ని వివరాలూ.. ఈ వినియోగదారుల సమాచార నివేదికలో అందుబాటులో ఉంటాయి. ఇవన్నీ సులభమైన భాషలో, అందరికీ అర్థమయ్యేలా ఉండాలని నియంత్రణ సంస్థ సూచించింది. కొత్త పాలసీ తీసుకునేవారితో పాటు, పాలసీని పునరుద్ధరించుకున్న సందర్భంలో ఈ సీఐఎస్ను బీమా సంస్థ పాలసీదారులకు అందించాల్సి ఉంటుంది.
ఇందులో ప్రధానంగా ఏముంటాయంటే...
నియంత్రణ సంస్థ సూచించిన ప్రకారం.. ఈ సీఐఎస్లో ఏముంటాయంటే..
- బీమా సంస్థ అందిస్తున్న పాలసీ పేరు
- పాలసీ సంఖ్య
- బీమా పాలసీ రకం
- బీమా పాలసీ మొత్తం విలువ
- మినహాయింపులు
- వేచి ఉండే సమయం
- ఉప పరిమితులు, సహ చెల్లింపులు, తప్పనిసరి తగ్గింపులు, ఇతర మినహాయింపులు
- క్లెయిం ఎలా చేసుకోవాలి అనే వివరాలు స్పష్టంగా ఉంటాయి.
వీటితోపాటు..
నెట్వర్క్ ఆసుపత్రుల వివరాలు, బీమా సంస్థ సహాయ కేంద్రం నంబరు, బ్లాక్లిస్టులో ఉన్న ఆసుపత్రులు, ఫిర్యాదు చేసేందుకు ఎవరిని సంప్రదించాలి అనే అంశాలు ఉంటాయి. పాలసీని తీసుకున్న వారు ప్రధానంగా గుర్తుంచుకోవాల్సిన అన్ని వివరాలూ ఈ నివేదికలో అందుబాటులో ఉంటాయి.
అదనంగా..
పాలసీని ఎప్పుడు పునరుద్ధరించుకోవాలి, ప్రీమియం చెల్లింపు తేదీ, పాలసీ విలువలో మార్పు కోసం చేయాల్సిన పనులు ఇలాంటివన్నీ సులభంగా తెలుసుకునే అవకాశం ఉంటుంది.
చాలా సందర్భాల్లో ముందస్తు వ్యాధులున్న వారు చికిత్స చేయించుకున్నప్పుడు బీమా కంపెనీలు పరిహారాన్ని నిరాకరిస్తుంటాయి. ఈ నిబంధన గురించి సరిగ్గా అవగాహన లేకపోవడమే ఇందుకు కారణమవుతుంది. ఈ చిక్కులను నివారించేందుకు పాలసీదారులు పేర్కొన్న ముందస్తు వ్యాధుల గురించిన సమాచారమూ, అవి ఎప్పటి నుంచి బీమా పరిధిలోకి వస్తాయనే అంశాలూ ఈ సీఐఎస్లో పేర్కొంటారు. దీంతోపాటు పాలసీని పూర్తి పారదర్శకంగా అందించేందుకు అవసరమైన ఇతర వివరాలనూ బీమా సంస్థ పొందుపర్చవచ్చు.
ప్రయోజనం ఉంటుందా?
సాధారణంగా ఆరోగ్య బీమా పాలసీ పత్రం చాలా విపులంగానే ఉంటుంది. కానీ, నిబంధనలు, షరతులు, ఇతర వివరాలు సులభంగా అర్థం చేసుకునేలా ఉండవు. బీమా సంస్థలు సరళమైన భాషను వాడకుండా, సాంకేతిక పదాలను ఎక్కువగా వినియోగిస్తాయి. పాలసీదారులకు ఇవి ఒక పట్టాన అర్థం కావు. దీనికి భిన్నంగా కొత్తగా తీసుకొచ్చే సీఐఎస్ వల్ల పాలసీదారులు తమ పాలసీని సులువుగా అర్థం చేసుకునేందుకు వీలవుతుంది. కాబట్టి, పాలసీని మరింత అవగాహనతో తీసుకోవచ్చు. ఆసుపత్రిలో చేరినప్పుడూ దేనికి పరిహారం లభిస్తుంది, వేటికి లభించదు, చేతి నుంచి ఎంత ఖర్చయ్యే అవకాశం ఉందిలాంటివి తేలిగ్గా తెలుసుకోవచ్చు. కాబట్టి, కొత్తగా ఆరోగ్య బీమా పాలసీ తీసుకుంటున్నా, పునరుద్ధరణ చేస్తున్నా.. వినియోగదారుల సమాచార నివేదిక (సీఐఎస్)ను అడగడం మర్చిపోకండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.