Hyundai Motor: వాటి బాటలోనే హ్యుందాయ్‌.. జవనరి నుంచి వాహన ధరలు పెంపు

Hyundai Motor price hike | దిల్లీ: ప్రముఖ కార్ల కంపెనీ హ్యుందాయ్‌ మోటార్‌ ఇండియా (Hyundai Motor India Ltd) సైతం వాహన ధరల్ని పెంపును గురువారం ప్రకటించింది. జనవరి1 నుంచి అన్ని మోడళ్ల ధరలు పెంచుతున్నట్లు వెల్లడించింది. ఇప్పటికే టాటా మోటార్స్ (Tata motors), మహీంద్రా అండ్‌ మహీంద్రా (Mahindra & Mahindra), మారుతీ సుజుకి (Maruti Suzuki), హోండా (Honda), ఆడి (Audi)..  కంపెనీలు వచ్చే ఏడాది జనవరి నుంచి కార్ల ధరల్ని పెంచనున్నట్టు ఇప్పటికే ప్రకటించిన విషయం తెలిసిందే. తాజాగా ఆ జాబితాలో హ్యుందాయ్‌ చేరింది.

గోఫస్ట్‌ కథ కంచికేనా?

ముడి సరకు ధరలు పెరగటంతో ఉత్పత్తి వ్యయంపై ప్రభావం చూపుతోందని కంపెనీ వర్గాలు తెలిపాయి. ఈ కారణంతో తప్పనిసరి పరిస్థితుల్లో వాహన ధరల్ని పెంచుతున్నట్లు హ్యుందాయ్‌ ఓ ప్రకటనలో పేర్కొంది. దీంతో పెరిగిన వ్యయంలోని కొంత భారం కస్టమర్లపై పడిందని తెలిపింది.  గ్రాండ్‌ ఐ10 NIOS, ఎలక్ట్రిక్‌ ఎస్‌యూవీ IONIQ5 వంటి తదితర మోడళ్లను హ్యుందాయ్‌ దేశంలో విక్రయిస్తోంది. వచ్చే ఏడాదిలో ధరలు పెంపుదలను ప్రకటించినప్పటికీ ఎంతమొత్తం పెంచనుందనే విషయాన్ని మాత్రం కంపెనీ వెల్లడించలేదు.