Q-A: క్రెడిట్ స్కోరు పడిపోతే మళ్లీ పెంచుకోవచ్చా?
క్రెడిట్ స్కోరు తక్కువగా ఉందని చింతించాల్సిన అవసరం లేదు. బ్యాంకులు పలు అంశాల ఆధారంగా రుణం అందిస్తాయి. అందులో క్రెడిట్ స్కోరు కేవలం ఒక అంశం మాత్రమే.
నేను ఓ ప్రైవేట్ కంపెనీలో ఉద్యోగం చేస్తున్నా. నెలకు రూ. 26,000 జీతం. నా దగ్గర రెండు క్రెడిట్ కార్డులు ఉండేవి. గతంలో జీతం సరైన సమయానికి పడకపోవడంతో నా క్రెడిట్ కార్డు బిల్లు సరైన సమయానికి చెల్లించలేకపోయా. దీంతో సిబిల్ స్కోరు పడిపోయింది. ఇప్పుడు మొత్తం క్లియర్ చేసేశాను. ఎలాంటి రుణాలూ లేవు. ఇప్పుడు మళ్లీ సిబిల్ స్కోర్ పెంచుకోవడం ఎలా? త్వరలో ఇంటి లోన్ తీసుకోవాలనుకుంటున్నాను.
- రాఘవేంద్ర
ఇంటి రుణం కోసం మంచి క్రెడిట్ స్కోరు తప్పనిసరి. క్రెడిట్ స్కోరును మరింతగా మెరుగుపరుచుకోవడం ఎలాగో ఇప్పుడు తెలుసుకుందాం. దరఖాస్తు చేయగానే రుణం రావడం అంత సులభం కాదు. రుణ దరఖాస్తును బ్యాంకులు క్షుణ్ణంగా పరిశీలిస్తాయి. ప్రస్తుతం క్రెడిట్ బ్యూరోల వద్ద అందరి రుణ చరిత్ర ఉంటోంది. అందులో ఇంతకుముందు ఆ వ్యక్తి చేసిన రుణ దరఖాస్తులు, రుణ చెల్లింపుల్లో తప్పులు వంటివి ఉంటాయి. దాని ఆధారంగానే బ్యాంకులు ముందుకెళ్లేందుకు ప్రయత్నిస్తాయి. ఒక్కోసారి తెలియకుండానే రుణ చరిత్ర మీద చెడు ప్రభావం ఉంటుంది. అప్పుడు ఒక క్రమ పద్ధతిలో రుణ చరిత్ర నివేదికను మార్చుకుని, క్రెడిట్ స్కోరును పెంచుకునేందుకు ప్రయత్నించాలి.
ఒక్కోసారి రుణ సంస్థలు అప్పు మొత్తం తీర్చేసిన తర్వాత కూడా దాని గురించి క్రెడిట్ బ్యూరోలకు సమాచారం అందించి ఉండకపోవచ్చు. ఈ విషయాన్ని రుణ చరిత్ర నివేదికలను చదవడం ద్వారా తెలుసుకోవచ్చు. మీ విషయంలోనూ ఇదే జరిగి ఉంటే.. ఆ విషయాన్ని రుణ సంస్థ ద్వారా క్రెడిట్ బ్యూరోకు చెప్పించి అప్డేట్ చేయించాలి. ఒక్కోసారి వేరే ఎవరో ఖాతాను మన నివేదికతో అనుసంధానించి ఉండొచ్చు. అలాంటప్పుడు క్రెడిట్ బ్యూరోకు అన్ని ఆధారాలూ అందజేసి మీ నివేదికలో మార్పులు చేసుకునేందుకు ప్రయత్నించాలి. ఒకటి కంటే ఎక్కువ క్రెడిట్ కార్డులను వాడుతున్నట్లయితే బిల్లులను సకాలంలో చెల్లించడంలో జాప్యం జరగొచ్చు. ఇలాంటి చిన్న చిన్న లోపాల కారణంగా క్రెడిట్ స్కోరు తగ్గుతుంటుంది. బిల్లులు సకాలంలో చెల్లించడానికి వీలుగా ఒక క్రెడిట్ కార్డు వాడడం మంచిది. బిల్లు చెల్లింపులను గడువు తేదీ లోపు చెల్లించాలి.
క్రెడిట్ స్కోరు సరిగ్గా లేదని భావించేవారు దాన్ని మెరుగుపరుచుకునేందుకు రకరకాల ప్రయోగాలు చేస్తుంటారు. వ్యక్తిగత రుణం తీసుకుని దాన్ని త్వరగా చెల్లించేయడం వల్ల క్రెడిట్ స్కోరు పెంచుకోవచ్చని ఎవరో ఇచ్చే సలహాతో రుణం తీసుకుని, అధిక వడ్డీలు చెల్లించలేక ఇబ్బంది పడుతుంటారు. ఇది కేవలం అపోహ మాత్రమే. మీ సంపాదన, ఆర్థిక సామర్థ్యం వంటి పలు అంశాల ఆధారంగా బ్యాంకులు రుణం ఇవ్వడం గురించి ఆలోచిస్తాయి. అందులో క్రెడిట్ స్కోరు కేవలం ఒక అంశం మాత్రమే. అందుకే అనవసరంగా రుణం తీసుకోకపోవడమే మంచిది.
క్రెడిట్ స్కోరు తక్కువగా ఉందని చింతించాల్సిన అవసరం లేదు. ఎప్పటి నుంచో చెల్లించకుండా ఉండిపోయిన క్రెడిట్ కార్డు బిల్లులను, ఈఎంఐలను వీలైనంత తొందరగా చెల్లించేయాలి. చెల్లింపు గడువులోపే ఈఎంఐలను క్రమం తప్పకుండా చెల్లించాలి. ఒక్కోసారి గడువులోపు రుణం చెల్లించనందువల్ల మీ క్రెడిట్ స్కోరుపై ప్రభావం పడుతుంది. అలాంటప్పుడు కొత్త రుణాలను తీసుకోకపోవడం మంచిది. ప్రస్తుత బాకీలను తీర్చడంపైనే దృష్టి కేంద్రీకరించాలి.
ఇటీవలే మ్యూచువల్ ఫండ్స్ గురించి విన్నాను. వీటి గురించి తెలపండి. అలాగే ఎలా మదుపు చేయాలో కూడా వివరించండి.
- పుష్ప కుమారి
నేరుగా షేర్లలో పెట్టుబడి పెట్టడం వల్ల అధిక రిస్క్ ఉంటుంది. కాబట్టి, మ్యూచువల్ ఫండ్ల ద్వారా పరోక్షంగా వీటిలో పెట్టుబడి పెట్టవచ్చు. ఇందులో అనుభవం కలిగిన ఫండ్ మేనేజర్స్ ఉంటారు. కాబట్టి రిస్క్ కొంత వరకు తగ్గుతుంది. మ్యూచువల్ ఫండ్ పథకాల్లో పెట్టుబడి పెట్టేందుకు ఆన్లైన్, ఆఫ్లైన్ పద్ధతులుంటాయి. బ్రోకింగ్ కంపెనీలు, పంపిణీదారుల ద్వారా (ఆఫ్లైన్ పద్ధతి లేదా వారి ఆన్లైన్ వెబ్సైట్ ద్వారా అయినా) మ్యూచువల్ ఫండ్లలో పెట్టుబడి పెట్టొచ్చు. దీన్ని రెగ్యులర్ ప్లాన్ అంటారు. ఇందులో పంపిణీదారులు కొంత కమీషన్ తీసుకుంటారు.
నేరుగా ఫండ్ సంస్థలు, ఇతర వెబ్సైట్ల (www.mfuindia.com, www.kuvera.in, myCAMS/ పేటీఎం మొబైల్ యాప్ లాంటివి) ద్వారా డైరెక్టు ప్లాన్లో మదుపు చేయొచ్చు. ఇందులో మీరు కమీషన్ చెల్లించనవసరం లేదు కాబట్టి వీటిలో రాబడి రెగ్యులర్ ప్లాన్ల కంటే 1 నుంచి 2 శాతం వరకు ఎక్కువ ఉంటుంది. మార్కెట్లో మ్యూచువల్ ఫండ్ పథకాలు వందల్లో అందుబాటులో ఉన్నాయి. మీరు కొత్తగా పెట్టుబడి ప్రారంభించాలనుకుంటున్నారు కాబట్టి సిప్ విధానంలో ఒక ఇండెక్స్ ఫండ్లో మదుపు చేయండి. యూటీఐ నిఫ్టీ ఇండెక్స్ ఫండ్ ఇందుకోసం పరిశీలించండి.
వ్యక్తిగత రుణాల మీద పన్ను మినహాయింపులు ఉంటాయా?
- నివాన్
గృహ, విద్యా రుణాల్లో మాత్రమే పన్ను ప్రయోజనాలు ఉంటాయి. వ్యక్తిగత రుణానికి పన్ను మినహాయింపు పొందే అవకాశం ఉండదు. ఈ రుణాల అధిక వడ్డీ వల్ల మీపై భారం పడుతుంది. వీలైనంత వరకు ఇలాంటి రుణాలు తీసుకోకుండా ఉండడం మంచిది. అధిక ఈఎంలు ఉన్నప్పుడు మీ ఇతర లక్ష్యాల కోసం పెట్టుబడి చేయడం కూడా కష్టతరం అవుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పు చేసి.. పెట్టుబడి వద్దు
రెండేళ్ల క్రితం వాహన రుణం తీసుకున్నాను. దీనిపై ఇప్పుడు రూ.4 లక్షల వరకూ టాపప్ రుణం ఇస్తామని బ్యాంకు చెబుతోంది. -
సొంత పాలసీ తీసుకోవాలా?
ఆరేళ్ల మా అమ్మాయి భవిష్యత్ అవసరాల కోసం నెలకు రూ.12 వేల వరకూ మదుపు చేయాలని ఆలోచిస్తున్నాం. ఇందుకోసం ఎలాంటి పథకాలు ఎంచుకోవాలి? -
విద్యా ద్రవ్యోల్బణాన్ని మించి రాబడి...
నా వయసు 25. నెలకు రూ.30వేల వరకూ వేతనం వస్తోంది. ఇందులో నుంచి రూ.12వేల వరకూ కనీసం 15 ఏళ్లపాటు మదుపు చేయాలని ఆలోచన. నా ఆర్థిక ప్రణాళిక ఎలా ఉండాలి? -
బంగారంలో మదుపు చేయాలంటే...
మా అమ్మాయి వయసు 13. తన అవసరాల కోసం బంగారంలో మదుపు చేయాలన్నది ఆలోచన. దీనికోసం నెలకు రూ.30వేల వరకూ మదుపు చేయగలం. దీనికోసం ఎలాంటి పథకాలను ఎంచుకోవాలి? -
18 శాతం రాబడి వస్తుందా?
నెలకు రూ.30 వేల వరకూ మ్యూచువల్ ఫండ్లలో మదుపు చేయాలనే ఆలోచనతో ఉన్నాను. కనీసం 12 ఏళ్లపాటు మదుపు చేస్తే ఎంత మొత్తం ఆశించవచ్చు? 18 శాతం వరకూ రాబడి అందుకోవచ్చా? -
డెట్ ఫండ్లలో అధిక రాబడి వస్తుందా?
నా వయసు 28. ఇప్పటి వరకూ ఆరోగ్య బీమా పాలసీలు తీసుకోలేదు. రూ.10 లక్షల ఆరోగ్య బీమా పాలసీ తీసుకునేందుకు అవకాశం ఉంటుందా? నేను చిరు వ్యాపారిని. పాలసీ తీసుకునేందుకు ఆదాయ ధ్రువీకరణలు అవసరం అవుతాయా? -
నేరుగా షేర్లలో మదుపు చేస్తే...
నెలకు రూ.7,000 చొప్పున షేర్లలో మదుపు చేయాలని ఆలోచిస్తున్నాను. కనీసం 5 ఏళ్లపాటు పెట్టుబడిని కొనసాగిస్తాను. మంచి రాబడి వచ్చేలా ఎలాంటి జాగ్రత్తలు తీసుకోవాలి -
నెలకు రూ.30వేలతో
౯ మా అబ్బాయి పేరుమీద నెలకు రూ.30 వేల వరకూ మదుపు చేయాలని ఆలోచన. 10 ఏళ్లపాటు పెట్టుబడి పెట్టేందుకు అనువైన మదుపు పథకాలేమున్నాయి? -
అమెరికా ఫండ్లలోనూ మదుపు
నా వయసు 44. ఇప్పటి వరకూ ఎలాంటి పాలసీలూ లేవు. నెలకు రూ.10,000 వరకూ రికరింగ్ డిపాజిట్ చేస్తున్నాను. నా వార్షిక వేతనం రూ.8 లక్షల వరకూ ఉంది. -
12 ఏళ్లలో రూ.70 లక్షలు..
రెండు నెలల్లో పన్ను ఆదా ఫిక్స్డ్ డిపాజిట్ నుంచి రూ.2లక్షల వరకూ వెనక్కి వస్తున్నాయి. వీటిని మళ్లీ పెట్టుబడి పెట్టేందుకు డెట్ పథకాలను ఎంచుకోవచ్చా? మంచి రాబడి కోసం ఏం చేయాలి? -
యులిప్ను రద్దు చేయొచ్చా?
నా వయసు 23. ఇటీవలే ఉద్యోగంలో చేరాను. నెలకు రూ.30 వేల వరకూ చేతికి వస్తున్నాయి. ఇందులో నుంచి రూ.10వేలు పెట్టుబడి పెట్టాలనే ఆలోచనతో ఉన్నాను. -
నెలకు రూ.20వేలతో..
నాలుగేళ్ల క్రితం ఆన్లైన్లో రూ.40 లక్షల టర్మ్ పాలసీ తీసుకున్నాను. ఇప్పుడు నా వయసు 49. మరో రూ.60 లక్షల వరకూ పాలసీ తీసుకోవచ్చా? -
టర్మ్... యులిప్ ఏది మేలు?
నా వయసు 36. ఇప్పటి వరకూ ఎలాంటి జీవిత బీమా పాలసీలు తీసుకోలేదు. రూ.50లక్షల విలువైన టర్మ్ పాలసీ తీసుకోవడంతోపాటు, నెలకు రూ.10వేల వరకూ మదుపు చేయాలని ఆలోచన. వీటికి బదులుగా యులిప్ తీసుకుంటే బాగుంటుందని అంటున్నారు. -
విద్యా ద్రవ్యోల్బణాన్ని అధిగమించేలా...
నా వయసు 45. వార్షిక వేతనం రూ.12లక్షలు. నాకు రూ.50 లక్షల ఆన్లైన్ టర్మ్ పాలసీ ఉంది. మరో రూ.50 లక్షల వరకూ పాలసీ తీసుకోవచ్చా? మరో 13 ఏళ్ల వరకూ నెలకు రూ.15వేల వరకూ మదుపు చేయాలంటే ఎలాంటి పథకాలు ఎంచుకోవాలి? -
పీఎఫ్ ఖాతా కొనసాగించాలా?
నేను రెండేళ్ల క్రితం పదవీ విరమణ చేశాను. నా పీఎఫ్ ఖాతాలో రూ.22 లక్షలను ఇప్పటికీ కొనసాగిస్తున్నాను. పీఎఫ్ జమ అగిన మూడేళ్ల తర్వాత వడ్డీ చెల్లించరు కదా. -
పసిడిలో మదుపు ఎలా?
మా అమ్మాయి కోసం బంగారం జమ చేయాలన్నది ఆలోచన. దీనికోసం నెలకు రూ.20వేల వరకూ పెట్టుబడి పెట్టగలం. ఏం చేయాలి? -
పెట్టుబడుల వివరాలు తెలుస్తాయా?
మా అమ్మాయి వయసు 4. తన పేరుమీద వీలైనప్పుడల్లా కొంత మొత్తం పెట్టుబడి పెట్టాలన్నది ఆలోచన. మరో 20 ఏళ్ల తర్వాత ఈ డబ్బుతో అవసరం అవుతుంది. -
టాపప్ రుణంతో మదుపు చేయొచ్చా?
నా వయసు 34. ఇప్పటి వరకూ ఎలాంటి పాలసీలూ లేవు. నెలకు రూ.5,000 వరకూ రికరింగ్ డిపాజిట్ చేస్తున్నాను. -
నెలకు రూ.20వేలు రావాలంటే..
జాతీయ పింఛను పథకంలో నెలకు రూ.10,000 జమ చేయాలని అనుకుంటున్నాను. -
Share Market: షేర్లలో మదుపు చేస్తే లాభమేనా?
మా అమ్మాయి వయసు ఆరేళ్లు. తన భవిష్యత్ అవసరాలకు ఉపయోగపడేలా నెలకు రూ.10,000 వరకూ మదుపు చేద్దామని ఆలోచన. ఎలాంటి పథకాలు ఎంచుకోవాలి? -
Q&A: 15 ఏళ్లలో ₹కోటి సమకూర్చుకోవడం ఎలా?
నాకు 14 ఏళ్ల బాబు ఉన్నాడు. భర్త ఇటీవలే ప్రమాదంలో చనిపోయారు. జీవిత బీమా పాలసీ నుంచి రూ.4 లక్షల వరకూ వచ్చాయి.
తాజా వార్తలు (Latest News)
-
ఏడాదికి ‘రెండు సార్లు’ సీబీఎస్ఈ పరీక్షలు.. 2025 నుంచే!
-
పిఠాపురంలో రూ.80లక్షల విలువైన మద్యం పట్టివేత
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్