Ola Electric: ఓలా ఇయర్‌ ఎండ్‌ ఆఫర్‌ .. ఈ స్కూటర్‌పై రూ.20వేల డిస్కౌంట్‌!

ఇంటర్నెట్‌డెస్క్‌: ప్రముఖ విద్యుత్‌ స్కూటర్ల తయారీ సంస్థ ఓలా ఎలక్ట్రిక్‌ (Ola electric) ఇయర్‌ ఎండ్‌ ఆఫర్లు తీసుకొచ్చింది. ఓలా ఎస్‌1 ఎయిర్‌ (S1 Air), ఓలా ఎస్‌1 ఎయిర్‌ ప్రో (S1 Pro) కొనుగోలుపై రూ.10 వేల డిస్కౌంట్‌ అందిస్తున్నట్లు తెలిపింది. వీటితో పాటూ ఓలా ఎస్‌1 ఎక్స్‌+ (Ola S1 X+)పై రూ.20వేల డిస్కౌంట్‌ అందిస్తున్నట్లు పేర్కొంది. ఇప్పటికే ఈ ఆఫర్‌ ప్రారంభం కాగా.. డిసెంబరు 17 వరకు మాత్రమే అందుబాటులో ఉంటుందని కంపెనీ పేర్కొంది.

‘అది కఠిన నిర్ణయం’.. లేఆఫ్‌లపై సుందర్‌ పిచాయ్‌!

ఓలా ఎస్‌1 శ్రేణిలో.. ఎస్‌1 ఎయిర్‌, ఎస్‌1 ప్రో పేరిట తీసుకొచ్చిన రెండు స్కూటర్లపై రూ.5వేల వరకు డిస్కౌంట్ అందిస్తోంది. ఓలా ఎస్‌1 ప్రో స్కూటర్‌కు అదనంగా ఐదేళ్ల బ్యాటరీ వారెంటీని ఇవ్వనున్నట్లు తెలిపింది. క్రెడిట్‌ కార్డు, క్రెడిట్‌ కార్డు ఈఎంఐ సాయంతో కొనుగోలు చేసిన వాళ్లు అదనంగా రూ.5వేలు డిస్కౌంట్ పొందొచ్చని పేర్కొంది. ఈ రెండు ఆఫర్లతో కలిపి మొత్తం రూ.10వేల వరకు తగ్గింపు పొందొచ్చని కంపెనీ ప్రకటించింది. అంతే కాకుండా వీటి కొనుగోలుపై జీరో డౌన్‌ పేమెంట్‌ ఛార్జీ, జీరో ప్రాసెసింగ్‌ ఫీ వంటి సదుపాయాలు అందిస్తున్నట్లు పేర్కొంది.