World Heart Day: ఆర్థిక ఒత్తిడికి దూరంగా ఉండాలంటే.. ఇలా చేయడం ఒక్కటే మార్గం!
ఆర్థిక ఒత్తిడి దీర్ఘకాలం పాటు ఉండే అవకాశం ఉంటుంది కాబట్టి దీనికి దూరంగా ఉండాలంటే దీర్ఘకాలిక ఆర్థిక ప్రణాళిక అవసరం
ఇంటర్నెట్ డెస్క్: ఒకప్పుడు పెద్ద వయసు ఉన్న వారిలో మాత్రమే గుండెపోటు వచ్చేది. నేడు చిన్నా, పెద్దా తేడా లేకుండా గుండె జబ్బుల బారిన పడడం మనం చూస్తూనే ఉన్నాం. దీనికి అధిక కొలస్ట్రాల్, రక్తపోటు, అనియంత్రిత చక్కెర స్థాయిలు వంటి అనేక కారణాలు ఉన్నాయి. దీర్ఘకాల ఒత్తిడి, అధిక రక్తపోటు, కొలస్ట్రాల్ కారణాలు అవుతున్నాయని అధ్యయనాలు తెలుపుతున్నాయి. అందువల్ల చాలామందిలో గుండెపోటు రావడానికి ప్రధాన కారణం ఒత్తిడి.. అని వైద్యులు చెబుతున్నారు. ముఖ్యంగా ఆర్థిక ఒత్తిడి దీర్ఘకాలం పాటు ఉండే అవకాశం ఉంటుంది కాబట్టి దీనికి దూరంగా ఉండడం అవసరం.
నెల వచ్చే సరికి ఎన్నో ఖర్చులు.. రోజువారీ అవసరాలు, రుణాల ఈఎంఐలు, పిల్లల స్కూల్ ఫీజులు, పెద్ద వయసు తల్లిదండ్రులు ఉంటే వారి బాధ్యత, ఆరోగ్య పరమైన ఖర్చులు ఇలా చెప్పుకొంటూ పోతే ఎన్నో! సరైన ఆర్థిక ప్రణాళిక లేకపోతే నెలవారీ జీతం నుంచి ఒక్క రూపాయి కూడా పొదుపు చేయలేం. భవిష్యత్తుకు భరోసానిచ్చే పెట్టుబడులకూ మళ్లించలేం. దీంతో భవిష్యత్ గురించి ఆందోళన మొదలవుతుంది. అదీ కాకుండా అత్యవసర పరిస్థితుల్లో డబ్బు అవసరం అయితే ఈ ఒత్తిడి మరీ ఎక్కువవుతుంది. దీంతో ఇటు ఆర్థిక ఆరోగ్యం దెబ్బతినడం మాత్రమే కాకుండా అటు శారీరక, మానసిక ఆరోగ్యం రెండూ దెబ్బతిని గుండెపోటు వంటి క్లిష్టమైన అనారోగ్యాల బారినపడే అవకాశం పెరుగుతుంది. ఈ పరిస్థితులు రాకూడదంటే ఏం చేయాలి?
సమతుల్యత ఉండాలి..
శారీరక ఆరోగ్యాన్ని కాపాడుకునేందుకు ఆరోగ్యకరమైన జీవనశైలిని అనుసరించాలి. క్రమం తప్పకుండా వ్యాయామం చేయాలి. తీసుకునే ఆహారంలో పోషకాలు సమృద్ధిగా ఉండేలా చూసుకోవాలి. అలాగే, ఆర్థిక ఆరోగ్యాన్ని కాపాడుకోవాలి. ఇందుకోసం ఆదాయం, ఖర్చుల మధ్య సమతుల్యత ఉండేలా చూసుకోవాలి. భవిష్యత్ అవసరాలకు తగిన పెట్టుబడులు చేయాలి.
ఆర్థిక ప్రణాళిక..
ఆర్థిక ఒత్తిడి నుంచి బయట పడాలంటే ఆర్థిక స్థిరత్వం అవసరం. ఒక ప్రణాళిక లేకుండా దీన్ని సాధించడం దాదాపు అసాధ్యం. కాబట్టి ముందు ఆర్థిక ప్రణాళిక వేసుకోవాలి. ప్రణాళిక ఉంటే స్పష్టత ఉంటుంది. ఆదాయం, ఖర్చుల నిర్వహణలో సమతుల్యత ఉండేలా చూసుకోవచ్చు. నగదు ఎక్కడ ఖర్చవుతుందో తెలుస్తుంది.. కాబట్టి అనవసరమైన ఖర్చులకు కత్తెర వేయవచ్చు. నెలవారీ పొదుపును ఇతర లక్ష్యాలతో పాటు, పదవీ విరమణ జీవితాన్ని ఆర్థికంగా సురక్షితం చేసుకునే పెట్టుబడుల వైపు మరల్చడం సులభం అవుతుంది. అత్యవసర నిధి, బీమా వంటి వాటిని ఏర్పాటు చేసుకోవడం, వాటిని క్రమానుగతంగా సమీక్షించుకోవడంలో ఆర్థిక ప్రణాళిక సాయపడుతుంది.
అప్పు వద్దు..
క్రెడిట్ కార్డుల వినియోగం పెరగడం, సులభంగా రుణాలు లభించడంతో దేనికీ వెనకడుగు వేయడం లేదు. రుణం తీసుకుని కొనేస్తున్నారు. సమయానికి చెల్లింపులు చేయకపోతే వర్తించే అత్యధిక వడ్డీలతో ఈ అప్పులు భారమై చెల్లింపులు చేయలేక తీవ్ర ఒత్తిడికి లోనవుతున్నారు. ఇలా జరగకూడదంటే సాధ్యమైనంత వరకు అప్పుల జోలికి పోకపోవడమే మంచిది. ఇప్పటికే రుణం తీసుకుని ఈఎంఐలు చెల్లిస్తున్న వారు సాధ్యమైనంత త్వరగా ఇలాంటి అప్పులను తీర్చేయండి. ఆస్తి కొనుగోలు కోసం అప్పు చేస్తుంటే సమయానికి ఈఎంఐలు చెల్లించగలమా అనేది ప్రాక్టికల్గా లెక్కించి.. ఆ తర్వాత మాత్రమే నిర్ణయం తీసుకోండి.
అత్యవసర నిధి..
అనుకోకుండా సంపాదన ఆగిపోయినా.. ఏ కారణం చేతనైనా సంపాదన తగ్గినా కుటుంబ ఖర్చులకు ఇబ్బంది కలుగకుండా, ఈఎంఐ చెల్లింపులు ఆగిపోకుండా ఈ మొత్తం ఉపయోగపడుతుంది. అందువల్ల ఇప్పటి వరకు అత్యవసర నిధి ఏర్పాటు చేయకపోతే.. వెంటనే ఏర్పాటు చేయండి. కనీసం ఆరు నెలల నుంచి ఏడాది వరకు కుటుంబ ఖర్చులకు సరిపోయే మొత్తం ఈ నిధిలో ఉండేలా చేసుకోవాలి. ఒకవేళ మీకు రుణ ఈఎంఐలు ఉంటే వాటిని కూడా చేర్చి అత్యవసర నిధిని లెక్కించండి. ఇందుకోసం కేటాయించిన మొత్తాన్ని ఫిక్స్డ్ డిపాజిట్లు, లిక్విడ్ ఫండ్స్లో పెట్టుబడి పెట్టొచ్చు.
బీమా..
మీ కుటుంబ రక్షణకు అవసరమైన జీవిత, ఆరోగ్య బీమాలు కచ్చితంగా ఉండాలి. ఆధారిత కుటుంబ సభ్యులు ఉన్న వారు టర్మ్ బీమా తప్పనిసరిగా తీసుకోవాలి. ప్రస్తుత వార్షిక ఆదాయానికి కనీసం 15-20 రెట్లు హామీ మొత్తం ఉండాలి. కనీసం 60 ఏళ్లు వచ్చే వరకు పాలసీ కొనసాగించాలి. అలాగే ఆరోగ్య భద్రత కోసం మీతో పాటు కుటుంబ సభ్యులకు ఆరోగ్య బీమా ఉండేలా చూసుకోవాలి. మీ కుటుంబ ఆరోగ్య అవసరాలకు సరిపోయేలా కవరేజీ ఉండాలి. అలాగే ఎక్కువ కాలం పునరుద్ధరణకు ఆస్కారం ఉన్న పాలసీని ఎంచుకోవడం మేలు.
పెట్టుబడులు..
మీ, మీ కుటుంబ సభ్యుల భవిష్యత్ అవసరాలకు తగినట్లు పెట్టుబడులు చేయాలి. లక్ష్యాలను ఏర్పాటు చేసుకుని ప్రాధాన్య పరంగా పెట్టుబడులు చేస్తుండాలి. నష్టభయం, రాబడి, లిక్విడిటీ వంటి వాటిని మీ ఫోర్ట్ఫోలియోలో బ్యాలెన్స్ చేయాలి. అప్పుడే సమయానికి డబ్బు చేతికంది ఆందోళనలకు దూరంగా ఉండడం సాధ్యపడుతుంది.
సమీక్షించండి..
ఆర్థిక ప్రణాళిక వేయడంతోనే సరిపోదు. సమీక్షించడం కూడా అవసరమే. పెట్టుబడులను సకాలంలో సమీక్షించడం వల్ల ఆర్థిక సాధనాల పనితీరు మీ దీర్ఘకాలిక లక్ష్యాలకు అనుగుణంగా ఉందో లేదో తెలుసుకోవచ్చు. ఒక వేళ ప్రస్తుత పెట్టుబడుల పనితీరు సరిగ్గా లేకపోతే, మరికొంత కాలం వేచిచూడటం.. లేదా విక్రయించడం.. లేదా వేరొక పెట్టుబడిలో పెట్టడం.. వంటి ఆప్షన్లను విశ్లేషించి తెలివైన నిర్ణయం తీసుకునేందుకు అవకాశం ఉంటుంది.
చివరిగా..
సంపాదన ఎంత ఉన్నా ఊహించిన ఖర్చులు వచ్చినప్పుడు.. ఎదుర్కోవడంలో తడబడుతున్నారు చాలామంది. చివరికి రుణం తీసుకోక తప్పడం లేదు. తిరిగి చెల్లించేందుకు సంపాదన మొత్తం సరిపోతుంది. పొదుపు, పెట్టుబడులకు మాటే ఉండదు. ఆర్థిక అసమానతల వల్ల మానసికంగా ఒత్తిడికి గురై గుండెపోటు వంటి అనారోగ్యాల పాలవుతున్నారు. అయితే ఇలాంటి ఆందోళలను, ఒత్తిడి నుంచి బయటపడేందుకు, ఊహించిన పరిస్థితులను, ఖర్చులను సమర్థంగా ఎదుర్కొని ఆర్థిక స్థిరత్వం సాధించేందుకు.. పొదుపు, మదుపు రెండూ క్రమశిక్షణతో చేయాలి అంటున్నారు ఆర్థిక నిపుణులు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
అలెన్ హెర్బల్ కంపెనీలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్