SVB Crisis: అంకురాల హడల్.. వివిధ దేశాల్లో ‘సిలికాన్’ ప్రకంపనలు
డిపాజిటర్లు పెద్ద ఎత్తున నిధులను ఉపసంహరించుకోవడంతో దివాలా తీసిన అమెరికాలోని సిలికాన్ వ్యాలీ బ్యాంక్ (ఎస్వీబీ) ప్రభావం మిగిలిన దేశాలపైనా పడుతోంది. ఎస్వీబీ బ్రిటన్శాఖ చెల్లింపులు నిలిపివేయడంతో పాటు కొత్తగా డిపాజిట్లను స్వీకరించడం లేదు.
అమెరికాలో లక్ష మంది ఉద్యోగులకు కష్టం
కొంపముంచిన అధిక వడ్డీరేట్లు
ఎస్వీ బ్యాంకు చెల్లింపుల నిలిపివేత
దిద్దుబాటు చర్యలకు దిగిన అమెరికా
రంగంలోకి ఫెడ్, ఎఫ్డీఐసీ
మన దేశంలోనూ అప్రమత్తమైన ప్రభుత్వం
వాషింగ్టన్ / దిల్లీ: డిపాజిటర్లు పెద్ద ఎత్తున నిధులను ఉపసంహరించుకోవడంతో దివాలా తీసిన అమెరికాలోని సిలికాన్ వ్యాలీ బ్యాంక్ (ఎస్వీబీ) ప్రభావం మిగిలిన దేశాలపైనా పడుతోంది. ఎస్వీబీ బ్రిటన్శాఖ చెల్లింపులు నిలిపివేయడంతో పాటు కొత్తగా డిపాజిట్లను స్వీకరించడం లేదు. ఎస్వీబీ చైనాలో 2012లో ఎస్పీడీ సిలికాన్ వ్యాలీ బ్యాంకును ప్రారంభించి టెక్ సంస్థలకు ఆర్థిక సేవలందిస్తోంది. చైనాలో ప్రభావం ఎంతనే విషయమై ఇంకా స్పష్టత రాలేదు. ద్రవ్యోల్బణాన్ని అదుపు చేసేందుకు అమెరికా ఫెడరల్ రిజర్వు వడ్డీ రేట్లను భారీగా పెంచడమే ఎస్వీబీ కుప్పకూలడానికి కారణమని అమెరికా ఆర్థిక మంత్రి జానెట్ యెలెన్ అభిప్రాయపడ్డారు. వడ్డీ రేట్లు పెరగడంవల్ల ఎస్వీబీ బాండ్లు, తనఖా ఉన్న సెక్యూరిటీల మార్కెట్ విలువ పడిపోయిందని, అదే ప్రస్తుత స్థితికి కారణమని విశ్లేషించారు. బ్యాంకు ఆస్తులను నియంత్రణ సంస్థలు శుక్రవారం స్తంభింపజేశాయి.
ఎస్వీబీ ప్రధానంగా టెక్నాలజీ / అంకుర సంస్థలకు రుణాలిచ్చేది. వాటికి నిధులందని పరిస్థితి ఏర్పడటంతో ఈ బ్యాంకులో ఉన్న డిపాజిట్లను ఉపసంహరించడం ప్రారంభించాయి. ఈ నిధుల కోసం నష్టానికైనా బ్యాంకు బాండ్లను విక్రయించాయి. ఫలితంగా బ్యాంకు మరింత సంక్షోభంలో కూరుకుపోయింది. ఎస్వీబీలో డిపాజిటర్లకు 2.50 లక్షల డాలర్ల (రూ.2 కోట్లకు పైగా) బీమాను ఎఫ్డీఐసీ అందిస్తుంది. 2.50 లక్షల డాలర్ల కంటే అధిక మొత్తం డిపాజిట్ చేసిన సంస్థలు 37,000కుపైగా ఉన్నాయని అంచనా. పలువురు సంపన్నులు ఇంతకు మించిన భారీ మొత్తాలనే డిపాజిట్ చేశారని సమాచారం. ఈ బ్యాంకులో 150 బిలియన్ డాలర్ల డిపాజిట్లు స్తంభించాయి. ఎస్వీబీ పరిణామం తరువాత శాన్ఫ్రాన్సిస్కో కేంద్రంగా పని చేసే ఫస్ట్ రిపబ్లిక్ బ్యాంకు షేరు 34%, ఫీనిక్స్ కేంద్రంగా పని చేసే వెస్ట్రన్ అలయన్స్ బ్యాంకార్ప్ షేరు 2020 నవంబరు తరువాత కనిష్ఠ స్థాయికి; ప్యాక్వెస్ట్ బ్యాంకార్ప్ షేరు 38% పతనమయ్యాయి. ఆసియా దేశాలపై ఎస్వీబీ దివాలా ప్రభావం తక్కువేనని పరిశ్రమ వర్గాలు పేర్కొంటున్నాయి.
ఉద్దీపన లేదు
అమెరికా ప్రభుత్వం ఎస్వీబీకి ఉద్దీపన ఏమీ ప్రకటించడం లేదని, కానీ డిపాజిటర్లకు సాయం చేసేందుకు ప్రయత్నిస్తుందని అమెరికా ఆర్థిక మంత్రి జానెట్ యెలెన్ ఆదివారం ప్రకటించారు. 15ఏళ్ల క్రితం బ్యాంకులకు ఉద్దీపనలు ఇచ్చి ఆదుకున్న పరిస్థితికి, ప్రస్తుతానికి పోలిక లేదని, అందువల్ల బ్యాంకును ఆదుకునే ఉద్దేశం లేదని ఆమె స్పష్టం చేశారు. ఎస్వీబీ వైఫల్య ప్రభావం ఇతర బ్యాంకులపై పడదనే భరోసాను అమెరికన్లకు ఇచ్చారు. అమెరికా బ్యాంకింగ్ వ్యవస్థ సురక్షితంగా, తగినంత మూలధనంతో ఉందని ప్రకటించారు. ఎస్వీబీని కొనుగోలు చేసే సంస్థ కోసం అమెరికా నియంత్రణ సంస్థలు అన్వేషిస్తున్నాయి.
రూ.64 కోట్ల నిల్వలున్నాయ్: నజారా టెక్
తమ 2 అనుబంధ సంస్థలు కిడోపియా, మీడియా వర్క్స్లకు చెందిన రూ.64 కోట్ల నగదు నిల్వలు ఎస్వీబీలో ఉన్నాయని దేశీయ గేమింగ్ మీడియా ప్లాట్ఫామ్ నజారా టెక్నాలజీస్ స్టాక్ ఎక్స్ఛేంజీలకు వెల్లడించింది. అయితే తమ గ్రూప్ సంస్థలవద్ద మరో రూ.600 కోట్ల నగదు నిల్వలున్నందున కార్యకలాపాలపై ఎటువంటి ప్రతికూల ప్రభావం పడదని స్పష్టం చేసింది.
ముంబయి సహకార బ్యాంకుపై వదంతులు
ఎస్వీబీ మూసివేత కారణంగా.. ముంబయి కేంద్రంగా 116 ఏళ్లుగా సేవలందిస్తున్న శ్యామ్రావ్ విఠల్ కో (ఎస్వీసీ) ఆపరేటివ్ బ్యాంకుపై వదంతులు వ్యాపించాయి. పేరు దగ్గరగా ఉండటమే ఈ గందరగోళానికి కారణం. తమ డిపాజిట్ల భద్రతపై బ్యాంకు అధికారులను అడిగి ఖాతాదారులు నివృత్తి చేసుకున్నారు.
త్వరలో అంకుర సంస్థల నిర్వాహకులతో మంత్రి సమావేశం
ఎస్వీబీ ప్రభావంపై చర్చించేందుకు ఎలక్ట్రానిక్స్, ఐటీశాఖల సహాయ మంత్రి రాజీవ్ చంద్రశేఖర్ ఈ వారంలో అంకుర సంస్థల నిర్వాహకులతో సమావేశం కానున్నారు.
లక్ష ఉద్యోగాలకు ప్రమాదం: వై కాంబినేటర్
ఎస్వీబీ వైఫల్యంవల్ల ఇందులో డిపాజిట్ చేసిన 10,000 చిన్న వ్యాపార సంస్థలు తమ ఉద్యోగులకు రాబోయే 30 రోజుల్లో జీతాలు ఇవ్వలేవని, మూతబడే ప్రమాదమూ ఉందని.. లక్ష మంది ఉద్యోగులపై ఈ ప్రభావం పడుతుందని పేర్కొంటూ అమెరికా ప్రభుత్వానికి అంకుర సంస్థల ఇంక్యుబేటర్ వై కాంబినేటర్ పిటిషన్ సమర్పించింది. తమ పరిధిలోని అంకుర సంస్థల్లో మూడో వంతు కేవలం ఎస్వీబీ ఖాతాలనే కలిగి ఉన్నాయని తెలిపింది. ఈ పిటిషన్పై అంకుర సంస్థలు, చిన్న వ్యాపార సంస్థలకు చెందిన 3,500 మంది సీఈవోలు, 2 లక్షల మంది ఉద్యోగులు సంతకాలు చేశారు.
* సాఫ్ట్వేర్ యాజ్ ఏ సర్వీస్ సేవలందించే భారతీయ అంకురాల్లో, అమెరికాలో శాఖలు కలిగినవి వై కాంబినేటర్కు అనుసంధానమై ఉంటాయి. అందువల్ల వీటిపైనా ప్రభావం పడుతుందనే ఆందోళన వ్యక్తమవుతోంది. అయితే మీ షో, రాజోర్ పే, క్యాష్ ఫ్రీ పేమెంట్స్ వంటి దేశీయ సంస్థలు ఎస్వీబీలో తమ నగదు ఏమీ లేదని తెలిపాయి.
ఉపశమన చర్యలు
ఎస్వీబీ దివాలా నేపథ్యంలో అమెరికా దిద్దుబాటు చర్యలకు దిగింది. బ్యాంకుల డిపాజిటర్లకు భరోసా కల్పించేందుకు ప్రత్యేక నిధిని (ఎస్పీవీ) ఏర్పాటు చేయాలని ది ఫెడరల్ డిపాజిట్ ఇన్సూరెన్స్ కార్పొరేషన్ (ఎఫ్డీఐసీ), ది ఫెడరల్ రిజర్వు యోచిస్తున్నట్లు సమాచారం. వెంచర్ క్యాపిటల్, అంకుర సంస్థలకు రుణాలందించే మరికొన్ని చిన్న బ్యాంకులపైనా, డిపాజిటర్ల ఒత్తిడి పెరగొచ్చనే అంచనాల మధ్య ఈ ప్రతిపాదన వచ్చిందని సమాచారం. మరోవైపు ‘ఎస్వీబీ యూకే’ దివాలా ప్రక్రియ ప్రారంభించడంతోపాటు అందులో అర్హత కలిగిన డిపాజిటర్లకు 2.04 లక్షల డాలర్లను సాధ్యమైనంత త్వరగా అందిస్తామని బ్యాంకు ఆఫ్ ఇంగ్లండ్ తెలిపింది. బ్యాంక్ ఆస్తులను విక్రయించి డిపాజిట్దారులకు చెల్లిస్తామని పేర్కొంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
క్వైట్ ఫైరింగ్.. పొమ్మనలేక పొగబెట్టడం..!
Quiet Firing: కార్పొరేట్ రంగంలో పుట్టుకొచ్చిన అనేక కొత్త ట్రెండ్లలో క్వైట్ ఫైరింగ్ ఒకటి. ఇదేంటి? కంపెనీలు ఎందుకు అనుసరిస్తున్నాయి? దీన్ని ఎలా గుర్తించాలో చూద్దాం..! -
జీసీసీలు... అన్నీ ఇటే వస్తున్నాయ్
అగ్రశ్రేణి బహుళ జాతి వ్యాపార సంస్థలు తమ కొత్త గ్లోబల్ కేపబులిటీ సెంటర్ల(జీసీసీ) స్థాపనకు మన దేశం వైపు చూస్తున్నాయి. -
క్షణాల్లో బీమా.. ఐఆర్డీఏఐ కల్పించిన ధీమా
దేశంలో బీమాను అందరికీ చేరువ చేసే లక్ష్యంతో ఏర్పడిన స్వతంత్ర సంస్థ.. భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ). -
డ్రై ప్రమోషన్.. జాబ్ మార్కెట్లో ఇదో కొత్త ట్రెండ్
Dry Promotion: వర్క్ ఫ్రమ్ హోమ్, మూన్లైటింగ్, కాఫీ బ్యాడ్జింగ్, క్వైట్ క్విటింగ్ వంటి కొత్త ధోరణులు జాబ్ మార్కెట్లో ట్రెండ్ అయిన విషయం తెలిసిందే. తాజాగా డ్రై ప్రమోషన్ ఆ జాబితాలో చేరింది. -
ఇదీ.. ఇండిగో సత్తా
దేశీయ అతిపెద్ద విమానయాన సంస్థ ఇండిగో మరో ఘనత సాధించింది. మార్కెట్ విలువ పరంగా అమెరికా విమానయాన సంస్థను అధిగమించి, ప్రపంచంలోనే మూడో స్థానానికి చేరుకుంది. -
విప్రో కొత్త సీఈఓ ఏం చేస్తారో?
విప్రో కొత్త సీఈఓ శ్రీనివాస్ పల్లియాకు కంపెనీలో సవాళ్లు స్వాగతం పలుకుతున్నాయి. కంపెనీ ఆర్థిక గణాంకాలను పుంజుకునేలా చేయడంతో పాటు.. కీలక బాధ్యతల్లోని నిపుణులను అట్టేపెట్టి ఉంచుకోవడమూ చేయాల్సి ఉంది. -
అప్పుడు సెల్ఫోన్లలో.. ఇప్పుడు వాహనాల్లో
సెల్ఫోన్లకు అవసరమైన చిప్సెట్లు సమకూర్చడంలో నువ్వా.. నేనా అంటూ పోటీపడే క్వాల్కామ్, మీడియాటెక్ సంస్థలు దేశీయ వాహన రంగంలోనూ తమ పోటీ కొనసాగించనున్నాయి. -
రూపాయి అంతర్జాతీయ కరెన్సీ అవుతుందా?
డాలర్ విలువలో హెచ్చుతగ్గులు వివిధ దేశాల కరెన్సీలపై తీవ్ర ప్రభావం చూపుతున్నాయి. వీలైనంత వరకు ఇతర దేశాలతో వర్తకాన్ని రూపాయల్లో నిర్వహించడం భారత్కు లాభదాయకం. రూపాయికి అంతర్జాతీయ కరెన్సీ హోదా దక్కితే ప్రపంచవ్యాప్తంగా ఇండియా పలుకుబడి మరింత పెరుగుతుంది. -
అసమానతలు ఇంతలంతలు
అన్ని వర్గాల ప్రజలు ఆర్థిక ఫలాల్లో న్యాయమైన వాటా పొందినప్పుడే ఏ దేశమైనా నిజమైన అభివృద్ధి సాధిస్తుంది. భారత్లో ఆర్థిక అసమానతలు పోనుపోను పెరిగిపోతున్నాయి. దీనివల్ల సామాన్యుల జీవితాలు మరింతగా కడగండ్ల పాలబడుతున్నాయి. -
అమెరికాలో రేట్లు తగ్గితే.. మన మార్కెట్లకేంటి?
అమెరికా మార్కెట్లకు జలుబు చేస్తే.. మన స్టాక్ మార్కెట్లకు తుమ్ములొస్తాయని మార్కెట్ వర్గాలు అంటుంటాయి. -
Electric Vehicles: భలే మంచి ఈవీ బేరం
విద్యుత్తు వాహనం వైపు మనసు లాగినా.. రేటు ఎక్కువ ఉందని వెనకాడినవారే ఎక్కువ. అయితే ఇపుడు పరిస్థితి మారుతోంది. ఇటీవలి దాకా విద్యుత్తు ద్విచక్ర వాహన ధరను రూ.1-1.5 లక్షల వరకు విక్రయించాయి. -
7 ఏళ్ల తర్వాత వివాహ బంధంలోకి.. అనంత్ - రాధిక గురించి ఈ విషయాలు తెలుసా?
Anant Ambani - Radhika Merchant: అనంత్, రాధికా మర్చంట్ త్వరలో వివాహ బంధంలోకి అడుగుపెట్టనున్నారు. జులైలో వీరి వివాహం జరగనుంది. -
ఏఐ ఉంటే.. ఔషధం ఇట్టే ఆవిష్కారం
కృత్రిమ మేధ (ఏఐ), మెషీన్ లెర్నింగ్ (ఎంఎల్), డేటా అనలిటిక్స్... కేవలం ఐటీ సేవల్లోనే కాదు.. ఔషధ రంగంలోనూ విప్లవాత్మకమైన మార్పులకు శ్రీకారం చుట్టబోతున్నాయి. -
Investment: సంపన్నుల పెట్టుబడులూ స్థిరాస్తిపైనే
సంపాదించే ఆదాయంలో కొంత భాగాన్ని పెట్టుబడి పెట్టడం అందరూ చేసేదే. మధ్య తరగతి వారు స్థిరాస్తి, పసిడి వంటి వాటిల్లో పెట్టుబడి పెడుతుంటారు. కోట్ల రూపాయల నికర విలువ కలిగిన సంపన్నులూ అందుకు భిన్నమేమీ కాదు. -
కొత్త విధానం.. కోత ఖాయం!
ఈపీఎఫ్వో అధిక పింఛనుకు అర్హత కలిగిన ఉద్యోగులు, పింఛనుదారుల దరఖాస్తుల పరిష్కార ప్రక్రియ ప్రారంభమైంది. సుప్రీంకోర్టు తీర్పు వెలువడిన దాదాపు ఏడాది తరువాత ఖరారైన పింఛను చెల్లింపు పత్రాలు (పీపీవో) జారీ అవుతున్నాయి. -
అంతరిక్షంలో అంకురాల దూకుడే
అంతరిక్ష రంగంలో విదేశీ ప్రత్యక్ష పెట్టుబడుల (ఎఫ్డీఐ) నిబంధనలను సడలించడం వల్ల శాటిలైట్ల తయారీ, రాకెట్లు, అసెంబ్లింగ్ విభాగంలో అంకుర సంస్థలకు ఊతమిచ్చినట్లయిందని నిపుణులు అభిప్రాయపడుతున్నారు. -
అణు విద్యుత్లోకి రూ.2.20 లక్షల కోట్లు!
అణు విద్యుత్ రంగంలో 26.50 బిలియన్ డాలర్ల (సుమారు రూ.2.20 లక్షల కోట్ల) పెట్టుబడులను ఆకర్షించేందుకు దిగ్గజ కార్పొరేట్ కంపెనీలతో ప్రభుత్వం సంప్రదింపులు జరుపుతున్నట్లు తెలుస్తోంది. -
వియత్నాంతో ఎలా?
ప్రపంచంలోనే రెండో అతిపెద్ద మొబైల్ మార్కెట్ భారత్దే. గతేడాది ఇక్కడ తయారీ 16% వృద్ధితో 44 బిలియన్ డాలర్లకు చేరింది. -
ఎర్ర సముద్రంలో ఎదురుగాలి
మన దేశం నుంచి ఐరోపా, ఆఫ్రికా దేశాలకు, ఆపై ఉత్తర అమెరికా దేశాలకు సరకు తీసుకువెళ్లటానికి ఎర్ర సముద్రం, మధ్యధరా సముద్రం మీదుగానే నౌకలు వెళ్లాలి. అదే విధంగా ఆయా దేశాల నుంచి ముడిపదార్థాలు మన దేశానికి వచ్చే దారి కూడా ఇదే. -
AI Smartphone ఏఐ స్మార్ట్ఫోన్.. ఆహా అనిపిస్తుందా?
స్మార్ట్ఫోన్లు ప్రాచుర్యం పొందిన కొత్తలో కెమేరా, ప్రాసెసర్, బ్యాటరీ, మెమొరీ సామర్థ్యం పెంపు వంటి ఫీచర్లు ఎప్పటికప్పుడు కొత్త మోడల్ వైపు వినియోగదారులను ఆకర్షించేవి. క్రమంగా రూ.20,000-30,000 శ్రేణి స్మార్ట్ఫోన్లలో అధునాతన ఫీచర్లన్నీ అందుబాటులోకి వచ్చేశాక.. వీటిపై ఆకర్షణ తగ్గింది. -
డిజిటల్ మెదడు.. ఉంటుంది తోడు
గూగుల్ ఒక ఉచిత కృత్రిమ మేధ(ఏఐ) యాప్ను గురువారం ఆవిష్కరించింది. దీనిని స్మార్ట్ఫోన్లలో డౌన్లోడ్ చేసుకుంటే చాలు.. మీరు ఒక డిజిటల్ మెదడుకు అనుసంధానం అయినట్లే. ఇది మీ కోసం రాస్తుంది.
తాజా వార్తలు (Latest News)
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న
-
నష్టాల్లో స్టాక్ మార్కెట్ సూచీలు.. 22,350 దిగువకు నిఫ్టీ