HDFC Bank: రెండు ఎఫ్‌డీలపై హెచ్‌డీఎఫ్‌సీ బ్యాంక్‌ వడ్డీ తగ్గింపు

ఇంటర్నెట్‌డెస్క్‌: ప్రముఖ ప్రైవేటురంగ బ్యాంక్‌ హెచ్‌డీఎఫ్‌సీ (HDFC Bank) రెండు ప్రత్యేక ఎఫ్‌డీలపై ఫిక్స్‌డ్‌ డిపాజిట్‌ (FD) పథకాలపై వడ్డీ రేట్లను 5 బేసిస్‌ పాయింట్ల మేర తగ్గించింది. 35 నెలలు ఎఫ్‌డీపై సాధారణ డిపాజిటర్లకు అందించే వడ్డీని 7.20% నుంచి 5 బేసిస్‌ పాయింట్లు తగ్గించింది. ప్రస్తుతం ఈ కాలవ్యవధితో చేసే డిపాజిట్లపై 7.15% శాతం మాత్రమే వడ్డీని మాత్రమే ఇకపై చెల్లించనుంది. అలాగే, 55 నెలలు కాలవ్యవధితో ఉండే ఎఫ్‌డీపై అందించే వడ్డీని 7.20%కి తగ్గించింది. తగ్గించిన వడ్డీ రేట్లు అక్టోబర్‌ 1 నుంచి అమల్లోకి వచ్చాయి.

భారత వృద్ధి 6.3%.. ప్రపంచబ్యాంక్‌ వెల్లడి.. ద్రవ్యోల్బణ అంచనాలు పెంపు

ఇక మిగిలిన ఫిక్స్‌డ్‌ డిపాజిట్‌ పథకాలపై వడ్డీ రేట్లు యథాథంగా కొనసాగనుంది. ప్రస్తుతం ఏడాది నుంచి 15 నెలల కాలం మధ్య మెచ్యూర్‌ అయ్యే ఎఫ్‌డీలపై సాధారణ డిపాజిటర్లకు హెచ్‌డీఎఫ్‌సీ బ్యాంక్‌ 6.60% వడ్డీని అందిస్తోంది. అదే సీనియర్‌ సిటిజన్లకు 50 బేసిస్‌ పాయింట్లు అధికంగా  7.10% వడ్డీని ఇస్తోంది. రెండేళ్ల ఒక రోజు నుంచి 2 సంవత్సరాల 11 నెలల కాలవ్యవధి డిపాజిట్లపై సాధారణ డిపాజిటర్లకు 7.00%, సీనియర్‌ సిటిజన్లకు 7.50% వడ్డీని ఆఫర్‌ చేస్తోంది. మూడు సంవత్సరాల ఒక రోజు నుంచి 4 ఏళ్ల 7 నెలల కాల వ్యవధికి గానూ 7.00%, సీనియర్‌ సిటిజన్లకు 7.50% వడ్డీని ఇస్తోంది. ఐదు సంవత్సరాల ఒకరోజు నుంచి 10 ఏళ్ల మధ్య మెచ్యూర్‌ అయ్యే ఎఫ్‌డీలపై సాధారణ డిపాజిటర్లకు 7.00%, సీనియర్‌ సిటిజన్లకు 7.75% వడ్డీని ఇస్తోంది. రూ.2 కోట్లలోపు డిపాజిట్లకు ఈ కొత్త వడ్డీ రేట్లు వర్తిస్తాయి.