Stock Market: విజయవంతమైన స్టాక్ ట్రేడర్గా ఎలా మారాలి?
స్టాక్ మార్కెట్లో విజయవంతమైన ట్రేడర్గా కొనసాగడానికి ఎలాంటి వ్యూహాలు అనుసరించాలి?
ఇంటర్నెట్ డెస్క్: ధరలు పెరుగుతున్న నేటికాలంలో ప్రతి ఒక్కరూ అదనపు సంపాదనను పొందాలనుకుంటున్నారు. మెరుగైన జీవన ప్రమాణాలతో జీవించడానికి, సురక్షితమైన ఆర్థిక భవిష్యత్ను కలిగి ఉండడానికి అదనపు ఆదాయ వనరులను సృష్టించుకుంటున్నారు. ఇందులో భాగంగా షేర్లలో పెట్టుబడి పెట్టడం కూడా ఒక మార్గంగా ఇన్వెస్టర్లు భావిస్తున్నారు. స్టాక్ మార్కెట్లో ఎవరైనా పెట్టుబడి పెట్టొచ్చు. మంచి రాబడి పొందాలంటే మాత్రం నైపుణ్యం అవసరం.
పరిశోధన సామర్థ్యం
స్టాక్ మార్కెట్లో ప్రవేశించేవారు సునిశితమైన నైపుణ్యాన్ని కలిగి ఉండాలి. వారు ఏ కంపెనీలో/రంగంలో పెట్టుబడి పెట్టాలని భావిస్తున్నారో ఆ పరిశ్రమలపై ప్రభావం చూపే అన్ని సంబంధిత సమాచారాన్ని కనుగొనడానికి ఆసక్తి ప్రదర్శించాలి. రాజకీయ వర్గాలు, బ్యూరోక్రాట్స్ చేసే ఫైనాన్షియల్ ప్రకటనలు కూడా ఒక్కోసారి మార్కెట్లను ప్రభావితం చేస్తుంటాయి. ట్రేడింగ్లో కీలకమైన సాధనం సమగ్ర మార్కెట్ పరిశోధన, సాంకేతిక విశ్లేషణ. క్షుణ్ణంగా అధ్యయనం చేయడం ద్వారా ట్రేడింగ్లో అధిక నష్టాలకు గురవ్వకుండా ఉండొచ్చు.
మానసిక ధైర్యం, ఓపిక
స్టాక్స్లో ట్రేడింగ్ చేసే ప్రతి వ్యక్తి విజయవంతం కాకపోవచ్చు. చాలాసార్లు స్టాక్ మార్కెట్లోకి కొత్తగా ప్రవేశించేవారు నష్టాలను ఎదుర్కొన్నప్పుడు ఎక్కువ ఆందోళన చెందుతారు. ఇలాంటి వారికి స్టాక్ మార్కెట్లు సెట్ కావు. ఒక ట్రేడర్ అన్ని రకాల పరిస్థితులకు సిద్ధంగా ఉండాలి. ముఖ్యంగా నష్టం సంభవించినప్పుడు ప్రశాంతంగా ఉండడానికి ప్రయత్నించాలి. స్టాక్ ట్రేడర్ కూడా ప్రొఫెషనల్స్తో సమానం. ఒక ప్రొఫెషనల్ ఎల్లప్పుడూ ప్రతి విషయంలో మానసిక ధైర్యాన్ని కలిగి ఉండాలి. తన ప్రశాంతతను కాపాడుకోవాలి. ఎదురుదెబ్బలు తగిలినప్పుడు వాటిని కూడా విశ్లేషించే సామర్థ్యాన్ని కలిగి ఉండాలి. పరిస్థితిని దిగజార్చుకోకూడదు.
మార్కెట్ వ్యూహాం
ఇన్వెస్టర్లు మార్కెట్లో గరిష్ఠం, కనిష్ఠం రెండిటినీ చాలాసార్లు చూసే ఉంటారు. అటువంటి సమయంలో మార్కెట్లో ఉండడం చాలా కీలకం. ఎందుకంటే ఇలాంటి సమయంల్లోనే ట్రేడింగ్లో అవసరమైన సర్దుబాట్లు చేయడానికి, తెలుసుకోవడానికి అవకాశం ఉంటుంది. ఇన్వెస్టర్లు వృద్ధి అవకాశాలను గుర్తించి, మంచి పెట్టుబడి నిర్ణయాలు తీసుకోవాలి. కొన్నిసార్లు ఇన్వెస్టర్లు చేసే ఓవర్ ట్రేడింగ్ భారీ నష్టాన్ని కలిగించవచ్చు. ఓవర్ట్రేడింగ్ అనేది పెట్టుబడిదారులు చేసే సాధారణ తప్పు. ట్రేడింగ్ చేసేటప్పుడు క్రమశిక్షణతో కూడిన విధానం అవసరం. ఒక్కసారిగా లాభాలను ఆర్జించే బదులు మార్కెట్లో నిలదొక్కుకుని, క్రమం తప్పకుండా రాబడులు సంపాదించాలనే ఆలోచన ఉండాలి. ట్రేడింగ్లో రిస్క్ మేనేజ్మెంట్ కీలకం. మీ పోర్ట్ఫోలియోను వైవిధ్యపరచడం, స్టాప్-లాస్ ఆర్డర్లను ఉపయోగించడం, పెద్ద ట్రేడ్స్ను నివారించడం వంటి చర్యల ద్వారా మార్కెట్ వ్యూహాలను అమలు చేయాలి.
స్టాక్ ట్రేడర్ నైపుణ్యం
స్టాక్ మార్కెట్ చాలా అస్థిరంగా ఉంటుంది. ఇన్వెస్టర్లు మంచి పెట్టుబడి నిర్ణయాలు తీసుకోవడానికి మార్కెట్ పోకడలను విశ్లేషించాలి. ఈ విశ్లేషణాత్మక నైపుణ్యాలు ఇన్వెస్టర్లకు స్టాక్ డేటాను సమీక్షించడం, నమూనాలను గుర్తించడం, ఆర్థిక అంచనాలను సమర్థంగా చేయడంలో సహాయపడతాయి. కంపెనీ, ఆర్థిక పనితీరు, స్టాక్ చరిత్ర, మీడియా నివేదికల గురించిన సమాచారాన్ని కనుగొనడంలో నైపుణ్యాలు కలిగి ఉండాలి. ఒక విజయవంతమైన ట్రేడర్.. ఎల్లప్పుడూ నేర్చుకునే నైపుణ్యాన్ని కలిగి ఉండాలి. ఒక స్టాక్ ఇన్వెస్టర్ తన పాత్రను సమర్థంగా నిర్వహించడానికి అకౌంటింగ్ నైపుణ్యాలు కూడా చాలా అవసరం. ఈ వృత్తిలో కార్యకలాపాలు సంఖ్య ఆధారితంగా ఉన్నందున, స్టాక్ మార్కెట్ను అర్థం చేసుకోవడానికి, కంపెనీ ఆదాయ నివేదికలు, మార్కెట్ ట్రెండ్స్ వంటి ఆర్థిక సమాచారాన్ని విశ్లేషించడానికి ఈ నైపుణ్యం అవసరం.
ఆర్థిక వార్తలు
ఆర్థిక వార్తలను ఎప్పటికప్పుడు తెలుసుకోవడం ఏ ఇన్వెస్టర్కైనా చాలా కీలకం. ఎందుకంటే ఇది సకాలంలో పెట్టుబడి నిర్ణయాలు తీసుకోవడంలో సహాయపడుతుంది. కంపెనీ ఆదాయ నివేదికలు వంటి సంక్లిష్టమైన సమాచారాన్ని విశ్లేషించే ముందు ఆర్థిక వార్తల ముఖ్యాంశాలు, కథనాల సారాంశాలను చదవడం ద్వారా పెట్టుబడులను చిన్నగా ప్రారంభించవచ్చు. వివిధ పరిశ్రమలలో ట్రెండ్స్ గురించి తెలుసుకోవడానికి మీరు ఆన్లైన్ ప్రచురణలు, పత్రికలు, మ్యాగజైన్స్, ఫైనాన్షియల్ బ్లాగ్స్ను చదవాలి.
సర్టిఫికేషన్ కోర్సు
స్టాక్ ట్రేడర్గా మారాలంటే ఫైనాన్షియల్ మార్కెట్లు, సెక్యూరిటీలు, ట్రేడింగ్, ఇన్వెస్టింగ్పై సమగ్ర అవగాహన అవసరం. మీరు ఈ సబ్జెక్ట్స్పై పట్టు సాధించడానికి.. ఫ్రీ/పెయిడ్ ఆన్లైన్ కోర్సుల్లో చేరవచ్చు. కొన్ని ఆన్లైన్ కోర్సుల్లో స్టాక్ మార్కెట్, ఇన్వెస్టింగ్ సిమ్యులేషన్ గేమ్స్.. రియల్ టైమ్లో ట్రేడింగ్ నేర్పుతాయి. అనేక కాలేజీలు, బిజినెస్ స్కూల్స్, ఆర్థిక సంస్థలు ఆఫ్లైన్ కోర్సులను కూడా అందిస్తున్నాయి. అడ్వాన్స్డ్ డిప్లొమాస్కు సంబంధించి.. ఫైనాన్షియల్ మార్కెట్స్, ఈక్విటీ డీలర్ సర్టిఫికేషన్, ఇతర సర్టిఫికేట్ కోర్సులు ఉన్నాయి.
స్టాక్ అనలిస్ట్స్ సలహాలు
ప్రముఖ స్టాక్ అనలిస్టులు నిర్వహించే సెమినార్స్, వెబ్నార్స్కు హాజరవ్వడం ద్వారా ఈక్విటీల్లో పెట్టుబడి పెట్టడానికి, వారి ముఖ్యమైన విధానాలను తెలుసుకోవడానికి ప్రయత్నించాలి. ఇన్వెస్ట్మెంట్ వ్యూహాలను అర్థం చేసుకోవడానికి స్టాక్ ట్రేడర్స్కు చెందిన పుస్తకాలను చదవొచ్చు. వివిధ సోషల్ మీడియా ప్లాట్ఫామ్స్లో స్టాక్ అనలిస్ట్స్ అభిప్రాయాలను తెలుసుకోవడం మంచిది. ఇతర ట్రేడర్స్తో కనెక్ట్ అయ్యి వాళ్లతో అభిప్రాయాలను పంచుకోవడం మంచిది. అలాగే, వీటికి సంబంధించిన కాన్ఫరెన్స్లకు హాజరవ్వండి. ట్రేడింగ్ ఫోరమ్స్లో చేరడం, ట్రేడింగ్ కమ్యూనిటీల్లో పాల్గొనడం లాంటివి చేయొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.