Maruti suzuki brezza: మారుతీ సుజుకీ బ్రెజా 10 లక్షల సేల్స్ మార్క్‌

Maruti suzuki | ఇంటర్నెట్‌ డెస్క్‌: ప్రముఖ కార్ల తయారీ కంపెనీ మారుతీ సుజుకీ (Maruti suzuki) తీసుకొచ్చిన కాంపాక్ట్‌ ఎస్‌యూవీ బ్రెజా (brezza) సరికొత్త మైలురాయిని అందుకుంది. 2016 మార్చిలో విడుదలైన ఈ కారు ఇప్పటి వరకు 10 లక్షల యూనిట్లు అమ్ముడైంది. లాంచ్‌ అయిన 94 నెలల్లో ఈ మైలురాయిని అందుకుంది. అంతేకాదు 2023-24 ఆర్థిక సంవత్సరంలో బెస్ట్‌ సెల్లింగ్‌ కారు గానూ నిలిచింది.

2016 మార్చి నుంచి 2023 నవంబర్‌ వరకు 9.96 లక్షల యూనిట్లను మారుతీ సుజుకీ విక్రయించింది. నవంబర్‌ నాటికి 3,392 యూనిట్ల దూరంలో నిలిచింది. డిసెంబర్‌ తొలి వారంలో ఆ మైలురాయిని బ్రెజా చేరుకున్నట్లు ఆటో కార్‌ ఇండియా తెలిపింది. విడుదలైన నాటి నుంచి ఇప్పటి వరకు నెలకు సగటున 13,921 యూనిట్లను మారుతీ విక్రయించింది.

ఎస్‌యూవీ సెగ్మెంట్‌లో టాటా నెక్సాన్‌ సేల్స్‌ విషయంలో అగ్రగామిగా ఉండేది. ఈ ఏడాది మార్చిలో బ్రెజాలో సీఎన్‌జీ వెర్షన్‌ను మారుతీ తీసుకొచ్చింది. దీంతో టాటా నెక్సాన్‌ను బ్రెజా అధిగమించేందుకు దోహదపడింది. ప్రస్తుతం మార్కెట్లో టాటా నెక్సాన్‌, హోండా ఎలివేట్‌, ఫోక్స్‌వ్యాగన్‌ టైగన్‌, స్కోడా కుషక్‌, హ్యుందాయ్‌ క్రెటా బ్రెజాకు గట్టి పోటీ ఇస్తున్నాయి.