Maruti Suzuki: మారుతీ సుజుకీ కార్ల ధరల పెంపు.. ఎంతంటే?

Maruti Suzuki | దిల్లీ: తమ కంపెనీ నుంచి వస్తున్న అన్ని మోడల్‌ కార్ల ధరలను పెంచుతున్నట్లు మారుతీ సుజుకీ ఇండియా (Maruti Suzuki India) మంగళవారం ప్రకటించింది. దిల్లీలోని ఎక్స్‌షోరూం ధరలపై 0.45 శాతం పెంపును తక్షణమే అమల్లోకి తీసుకొస్తున్నట్లు వెల్లడించింది. ప్రస్తుతం ఈ కంపెనీ ఆల్టో నుంచి ఇన్విక్టో వరకు అనేక మోడళ్ల కార్లను విక్రయిస్తోంది. వీటి ధరల శ్రేణి రూ.3.54 లక్షల నుంచి ప్రారంభమై రూ.28.42 లక్షల వరకు ఉంది.

నిర్వహణ వ్యయాలు, ముడి సరకుల ధరలు పెరిగిన నేపథ్యంలో ఆ భారాన్ని కొంతవరకు వినియోగదారులకు బదిలీ చేయక తప్పడం లేదని గత ఏడాది నవంబరులోనే కంపెనీ తెలిపింది. ఈ నేపథ్యంలో 2024 జనవరి నుంచి ధరలను పెంచనున్నట్లు ప్రకటించింది. తాజాగా దాన్ని అమల్లోకి తీసుకొచ్చింది.