Consumer Rights: బరువు తగ్గలేదు.. పరిహారం చెల్లించాల్సిందే!

ఈనాడు, హైదరాబాద్‌: అధిక బరువుతో బాధపడుతున్నారా..? కొన్ని రోజుల్లోనే నాజుకైన శరీరం మీ సొంతమవుతుందన్న ప్రకటన చూసి వనపర్తి విద్యార్థిని రుక్సర్‌నాజ్‌ మోసపోయింది. వినియోగదారుల కమిషన్‌ను ఆశ్రయించగా చెల్లించిన ఫీజు వడ్డీతో, పరిహారం చెల్లించాలని కమిషన్‌-3 కలర్స్‌ హెల్త్‌కేర్‌ ప్రైవేటు లిమిటెడ్‌ను ఆదేశించింది. ఫిర్యాదుదారు పెళ్లి కుదరడానికి అధిక బరువు సమస్యగా మారడంతో అత్తాపూర్‌లోని ప్రతివాద సంస్థను సంప్రదించింది. రూ.80వేలు చెల్లించి చికిత్స తీసుకుంటే 20 కిలోల బరువు తగ్గుతావని ఆ సంస్థవారు చెప్పారు. మూడు నెలల్లో ఫలితం లేకపోవడంతో తన డబ్బు తిరిగి చెల్లించాలని కోరగా సంస్థ స్పందించలేదు. ఫిర్యాదుపై విచారించిన కమిషన్‌-3 బెంచ్‌ సాక్ష్యాలు పరిశీలించి రూ.80వేలు, 12 శాతం వడ్డీతో, పరిహారం రూ.10వేలు, ఖర్చులు రూ.5వేలు చెల్లించాలని కలర్స్‌ను ఆదేశించింది.