LIC - Google Pay: గూగుల్‌ పేతో ఎల్‌ఐసీ ప్రీమియం చెల్లించండిలా!

ఇంటర్నెట్‌ డెస్క్: యూపీఐ చెల్లింపుల కోసం తరచుగా వాడే గూగుల్‌ పే (Google Pay) ద్వారా ఎల్‌ఐపీ ప్రీమియంను చెల్లించొచ్చని తెలుసా? లాగిన్‌లు లాంటి జంఝాటం లేకుండానే గూగుల్‌ పే ద్వారానే పని పూర్తి చేసేయొచ్చు. 

చెల్లింపులు చేసే విధానం

• ముందుగా గూగుల్‌పే యాప్‌లో లాగిన్‌ అయ్యి, బిల్లు చెల్లింపులు విభాగానికి వెళ్లాలి. 
• ‘ఫైనాన్స్‌ & ట్యాక్సెస్‌’ విభాగంలో బీమాను ఎంపిక చేసుకోవాలి. 
• అందుబాటులో ఉన్న జాబితా నుంచి ‘LIC’ను ఎంపిక చేసుకోవాలి. 
• పాలసీ నంబరు తదితర వివరాలు ఇచ్చి ఎల్‌ఐసీ ఖాతాను యాడ్‌ చేసుకోవాలి. 
• ఖాతాను లింక్‌ చేసిన తర్వాత, యూపీఐ పిన్‌ ఇచ్చి ఎల్‌ఐసీ ప్రీమియం చెల్లించవచ్చు. 
• అప్పటికే తాజా విడత ప్రీమియం చెల్లించేసి ఉంటే.. పెండింగ్‌ లేదు అని చూపిస్తుంది.
• యూపీఐ ద్వారా ప్రీమియం చెల్లింపులను అంగీకరించే ముందు ఈ-మెయిల్‌ ఐడీ అడుగుతుంది.
• చెల్లింపులను స్వీకరించిన తర్వాత సంబంధిత రశీదు ఈ-మెయిల్‌కు వస్తుంది. 

గమనిక: ఫోన్‌ పే, పేటీఎం లాంటి యాప్స్‌ ద్వారా కూడా ప్రీమియమ్‌లు చెల్లించొచ్చు. వాటి ప్రాసెస్‌ కూడా దాదాపుగా ఇలానే ఉంటుంది.