Tech Tip: ఇన్‌స్టాలో మీకు నచ్చిన వారు మాత్రమే స్టోరీ చూసేలా..!

Instagram Tech tip | ఇంటర్నెట్‌డెస్క్‌: ఇన్‌స్టాగ్రామ్‌లో ఫొటోలు, రీల్స్‌ పోస్ట్‌ చేస్తుంటాం. స్టోరీలూ పెడుతుంటాం. కొందరు మాత్రం స్టోరీలు పెట్టడానికి సంకోచిస్తుంటారు. గోప్యతను దృష్టిలో పెట్టుకుని వీటిని ఎక్కువగా వినియోగించరు. అయితే, పోస్టుల మాదిరిగానే స్టోరీలకూ ప్రైవసీ ఎంచుకొనే సదుపాయం ఉంది. మిమ్మల్ని ఫాలో అవుతున్న వారిలో కొందరికి స్టోరీ కనిపించకూడదు.. అలాగని వారిని అన్‌ఫాలో చేయకూడదనుకున్న సందర్భంలో ఈ ఫీచర్‌ ఉపయోగపడుతుంది. ఇందుకోసం సాధారణంగా వాడే Close Friends లిస్ట్‌ ఆప్షన్‌ కూడా ఎంచుకోవాల్సిన అవసరం ఉండదు.

• ఇన్‌స్టాగ్రామ్‌ యాప్‌ ఓపెన్‌ చేసి ఫ్రొఫైల్‌ ఖాతాపై క్లిక్‌ చేయండి.
• పైన కుడివైపు ఉన్న మూడు గీతల సింబల్‌పై ట్యాప్‌ చేసి ‘Settings and privacy’ ఆప్షన్‌ ఎంచుకోండి.
• కిందకు స్క్రోల్ చేయగానే ‘Who can see your content’ అనే ట్యాబ్‌లో ‘Hide story and live’ ఆప్షన్‌ను ట్యాప్‌ చేయాలి.
• వెంటనే మీరు ఫాలో అవుతున్న అకౌంట్‌ జాబితా ప్రత్యక్షమవుతుంది. అందులో స్టోరీ చూడాలనుకున్న వారిని మాత్రమే ఎంచుకుంటే సరిపోతుంది.