మొటిమలకు చెక్ పెట్టే ఆహారం..!
చర్మ ఆరోగ్యం మనం తీసుకునే ఆహారం పైన కూడా ఆధారపడి ఉంటుంది. ముఖ్యంగా ఈ ప్రభావం ముఖం పైన ఎక్కువగా ఉంటుందంటున్నారు నిపుణులు. దీనికి ఉదాహరణే మొటిమల సమస్య. ఎంత అందమైన ముఖానికైనా.....
చర్మ ఆరోగ్యం మనం తీసుకునే ఆహారం పైన కూడా ఆధారపడి ఉంటుంది. ముఖ్యంగా ఈ ప్రభావం ముఖం పైన ఎక్కువగా ఉంటుందంటున్నారు నిపుణులు. దీనికి ఉదాహరణే మొటిమల సమస్య. ఎంత అందమైన ముఖానికైనా వన్నె తగ్గించే సమస్య ఇది. అందుకే వీటిని తగ్గించేందుకు ఎలాంటి ఆహారం తీసుకోవాలి, ఎలాంటివి తీసుకోకూడదో ఒకసారి చూద్దామా..
ఒమేగా-3 ఫ్యాటీ ఆమ్లాలు..
ముఖంపై మొటిమలు రావడానికి కారణమయ్యే 'సెబమ్' ఉత్పత్తిని అరికట్టే సామర్థ్యం ఒమేగా-3 ఫ్యాటీ ఆమ్లాల్లో ఉంది. చర్మాన్ని ఆరోగ్యవంతంగా ఉంచడానికే కాదు, మొటిమలను తగ్గించడంలోనూ ఈ ఆమ్లాలు సమర్థంగా పనిచేస్తాయి. చేపలు, ఆకుకూరలు, వాల్నట్స్, ఆలివ్నూనె, బీన్స్, గుడ్లు, అవిసె గింజల్లో ఇవి పుష్కలంగా లభిస్తాయి. అందుకే వీటిని మధ్యాహ్నం లేదా రాత్రిపూట ఆహారంగా తీసుకోవడం మంచిదని నిపుణులు సూచిస్తున్నారు.
గ్రీన్ టీ..
గ్రీన్ టీతో చర్మానికి ఎంతో మేలు కలుగుతుందని చాలాసార్లు వినే ఉంటాం. చర్మ కాంతిని మెరుగుపరచడంలో ఇది కీలకపాత్ర పోషిస్తుంది. అయితే కేవలం సౌందర్యానికే కాదు, చర్మ ఆరోగ్యానికి కూడా గ్రీన్ టీ చక్కటి ఔషధం లాంటిది. మొటిమల సమస్య ఎక్కువగా బాధిస్తున్నవారు రోజూ రెండు కప్పుల గ్రీన్ టీ తీసుకోవడం వల్ల శరీరంలోని విషపదార్థాలు బయటకు పోయి, మొటిమల సమస్య నుంచి త్వరగా ఉపశమనం పొందచ్చు. దీనికి ఇందులోని యాంటీ ఆక్సిడెంట్ లక్షణాలే కారణం.
టొమాటోతో..
టొమాటోలలో ఉండే 'లైకోపిన్' అనే యాంటీఆక్సిడెంట్ చర్మ సమస్యలను తగ్గించడంలో ముఖ్య పాత్ర వహిస్తుంది. వీటిని వంటల్లో ఎక్కువగా వాడడం వల్ల మొటిమల సమస్య నుంచి సులభంగా గట్టెక్కవచ్చు. టొమాటోలను సూప్ రూపంలో తీసుకున్నా మంచి ఫలితాన్ని పొందచ్చు.
ద్రవ పదార్థాలు..
సరిపడినన్ని నీళ్లు తాగితే ఆరోగ్యానికి మంచిదనే విషయం మనందరికీ తెలుసు. కానీ ఈ సులభమైన చిట్కాను పాటించేవారు మాత్రం తక్కువే అని చెబుతున్నారు నిపుణులు. అయితే చర్మ ఆరోగ్యాన్ని పరిరక్షించుకోవాలంటే అన్నిటికంటే కీలకమైంది నీరే. అందుకే మొటిమల సమస్య దరిచేరకుండా ఉండేందుకు, వచ్చిన సమస్యను తగ్గించుకోవడానికి రోజుకు కనీసం 8 గ్లాసుల నీటిని తాగాలనేది నిపుణుల సలహా. వీటితో పాటు రోజూ ఒక గ్లాసు కొబ్బరినీళ్లు లేదా తాజా కూరగాయల రసం తీసుకుంటే మంచి ఫలితం ఉంటుంది.
ఇవి వద్దు!
మనం తీసుకునే ఆహారంలో చక్కెర స్థాయులు ఎంత ఎక్కువగా ఉంటే, మొటిమలు వచ్చే అవకాశాలు అంత ఎక్కువగా ఉంటాయట. దీనికి కారణం.. ఇవి చర్మం పైన ఉండే స్వేద రంధ్రాలను మూసేసి, వ్యర్థ పదార్థాలు చెమట రూపంలో బయటకు పోకుండా అడ్డుకుంటాయి. అందుకే మొటిమల సమస్యతో బాధపడేవారు చక్కెర శాతం తక్కువగా ఉండే ఆహారాన్ని ఎంచుకుంటే మంచి ఫలితాలను పొందచ్చట.
మరిన్ని చిట్కాలు..
⚛ 'విటమిన్ ఇ' ఎక్కువగా ఉండే నట్స్, గుడ్లు, తాజా పండ్లు ఎక్కువగా తీసుకుంటే మొటిమల సమస్య బాధించదు.
⚛ జంక్ ఫుడ్, ఫాస్ట్ ఫుడ్ వల్ల కూడా మొటిమల సమస్య ఎక్కువవుతుంది.
⚛ వేళకు నిద్రపోవడం, కనీస వ్యాయామం వల్ల మొటిమల సమస్య దరిచేరకుండా జాగ్రత్తపడచ్చు.
⚛ వ్యక్తిగత పరిశుభ్రత పాటించడం, తలలో చుండ్రు లేకుండా చూసుకోవడం వంటివి కూడా మొటిమలను తగ్గించుకునే ప్రత్యామ్నాయ మార్గాలే...
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- చర్మంపై ముడతలు.. ఈ పొరపాట్లు చేస్తున్నారేమో?!
- ఈ వేసవి సమస్యలకు.. వంటింటి చిట్కాలు!
- మొహాన్ని మెరిపిస్తాయి!
- చెమటకు చుండ్రు తోడైతే...
- అక్కడ వెంట్రుకలు తొలగించాలంటే..!
ఆరోగ్యమస్తు
- బీపీని అదుపు చేసే ఆహారం!
- శాకాహారుల ప్రొటీన్లు ఇవి!
- పుట్టుకతోనే మెల్లకన్ను.. సరిచేయచ్చా?
- మండే వేసవిలో.. చల్లదనం.. పోషకాలు!
- డుకన్ డైట్... తెలుసా?
అనుబంధం
- బ్రేకప్ అయినా.. ఆగిపోవద్దు!
- సీసాను నిలబెడితే...
- అది టెక్స్ట్లేషన్షిప్ మాత్రమే..!
- ఒక్క ఛాన్స్ తీసుకుందాం...
- ఈ రకం పెళ్లిళ్లలో ప్రేమకు, శృంగారానికి తావు లేదు!
యూత్ కార్నర్
- ఈ ముగ్గురమ్మాయిలు.. ‘స్టాన్ఫర్డ్’ స్కాలర్స్’!
- Celebrity Fashion: అందాన్ని పెంచే ‘అజ్రఖ్’ ప్రింట్!
- వాళ్ల మాటలు విని సంతోషం ఆవిరైంది..!
- ఆ పుస్తకంలో మన ఆర్కిటెక్ట్స్..!
- ఈ మెకానిక్ తీరే వేరు!
'స్వీట్' హోం
- ఆ తల్లి సలహాతో.. ఇకపై బ్లింకిట్లో కూరగాయలు కొంటే.. కొత్తిమీర ఫ్రీ!
- ౩౫ ఏళ్లకే ఐదుగురు పిల్లలు.. ఒక మనవరాలు!
- అందుకే మేల్కొంటాం..!
- రామ చక్కని సీతకి...
- అబద్ధాలు చెబుతున్నారా?
వర్క్ & లైఫ్
- ‘థాంక్యూ గాడ్’
- మా మేనేజర్.. కోరిక తీర్చమని వేధిస్తున్నాడు..!
- భర్త నచ్చకపోతే విడాకులు.. గ్రాండ్గా ‘పార్టీ’..!
- పోటీలో నెగ్గాలంటే...
- అమ్మాయిలూ... ఓటేస్తున్నారా?