Infinix Smart 8: భారత్‌లో ఇన్ఫీనిక్స్‌ స్మార్ట్‌ 8 ఫోన్‌ విడుదల.. ధర, ఫీచర్లివే!

Infinix Smart 8 | ఇంటర్నెట్‌ డెస్క్‌: ఇన్ఫీనిక్స్‌ నుంచి స్మార్ట్‌ 8 (Infinix Smart 8) అనే కొత్త ఫోన్‌ భారత్‌లో విడుదలైంది. గత ఏడాది నవంబర్‌లో నైజీరియా మార్కెట్‌లోకి ప్రవేశించిన ఈ ఫోన్‌ తాజాగా భారత యూజర్లకు అందుబాటులోకి వచ్చింది. దీంట్లో మీడియా టెక్‌ హీలియో జీ36 ప్రాసెసర్‌ను ఇస్తున్నారు. 5000mAh బ్యాటరీని పొందుపర్చారు.

ఇన్ఫీనిక్స్‌ స్మార్ట్‌ 8 (Infinix Smart 8) భారత్‌లో 4జీబీ ర్యామ్‌ + 64 జీబీ స్టోరేజ్‌తో అందుబాటులో ఉంది. దీని ధర రూ.7,499. ఫ్లిప్‌కార్ట్‌లో జనవరి 15 నుంచి విక్రయాలు ప్రారంభమయ్యాయి. లాంఛ్‌ ఆఫర్‌ కింద దీన్ని రూ.6,749కే అందిస్తున్నారు. గెలాక్సీ వైట్‌, రెయిన్‌బో బ్లూ, షైనీ గోల్డ్‌, టింబర్‌ బ్లాక్‌ రంగుల్లో ఈ ఫోన్‌ లభిస్తుంది.

90Hz రిఫ్రెష్‌ రేట్‌ ఉన్న 6.6 అంగుళాల హెచ్‌డీ+ తెరను ఇన్ఫీనిక్స్‌ స్మార్ట్‌ 8 (Infinix Smart 8) ఫోన్‌లో అమర్చారు. 12ఎన్‌ఎం ఆక్టాకోర్‌ మీడియా టెక్‌ హీలియో జీ36 ప్రాసెసర్‌ను ఇస్తున్నారు. 4జీబీ ర్యామ్‌ను వర్చువల్‌గా 8జీబీ వరకు విస్తరించుకోవచ్చు. స్టోరేజ్‌ను మైక్రోఎస్‌డీ కార్డ్‌తో 2 టీబీ వరకు పెంచుకోవచ్చు. ఆండ్రాయిడ్‌ 13 గో ఎడిషన్‌ ఆధారిత ఎక్స్‌ఓఎస్‌13 ఓఎస్‌ను ఇచ్చారు.

ఇన్ఫీనిక్స్‌ స్మార్ట్‌ 8 (Infinix Smart 8)లో 50 మెగాపిక్సెల్‌ ప్రధాన కెమెరాను పొందుపర్చారు. సెల్ఫీల కోసం ముందు భాగంలో 8 మెగాపిక్సెల్‌ కెమెరా ఇచ్చారు. 4జీ ఎల్‌టీఈ, వైఫై, బ్లూటూత్‌ 5.0, జీపీఎస్‌, GLONASS, యూఎస్‌బీ టైప్‌-సి వంటి ఫీచర్లు ఉన్నాయి. పక్క భాగంలో ఫింగర్‌ ప్రింట్‌ సెన్సర్‌ ఉంది.