Credit Card: గడువులోపు క్రెడిట్ కార్డ్ బిల్లు చెల్లిస్తున్నారా?
గడువులోపు క్రెడిట్ కార్డు బిల్లు చెల్లించడం వల్ల అనేక ప్రయోజనాలున్నాయి, అవేంటో ఇక్కడ చూద్దాం.
దిల్లీ: బ్యాంకులు క్రెడిట్ కార్డులను విరివిగా అందిస్తున్నాయి. చాలా వరకు బ్యాంకులు వినియోగదారులకు వేరే బ్యాంకులో ఖాతా ఉన్నా సరే.. వారికి తమ బ్యాంకు క్రెడిట్ కార్డులను జారీ చేస్తున్నాయి. సాధారణ షాపింగ్ నుంచి యుటిలిటీ బిల్లులు చెల్లించడం వరకు.. ఇంకా అత్యవసర పరిస్థితుల్లో నగదు ఉపసంహరించుకోవడానికి కూడా క్రెడిట్ కార్డును ఉపయోగించొచ్చు. గడువులోపు నిర్దేశిత మొత్తం చెల్లించాల్సి ఉంటుంది. అలా చేయడం వల్ల కలిగే ప్రయోజనాలను ఇక్కడ చూద్దాం..
బాధ్యతాయుత ప్రవర్తన
మీరు గడువు తేదీకి ముందే మీ క్రెడిట్ కార్డు బిల్లులను చెల్లించినప్పుడు బాధ్యతాయుతమైన ఆర్థిక ప్రవర్తన, బలమైన చెల్లింపు చరిత్రను ప్రదర్శించొచ్చు. మెరుగైన క్రెడిట్ స్కోరుతో పాటు మీ ఆర్థిక ఆరోగ్యంపై అనేక సానుకూల ప్రభావాలుంటాయి. అలాగే, ఈ ఆర్థిక క్రమశిక్షణ భవిష్యత్ ఆర్థిక శ్రేయస్సును సానుకూలంగా ప్రభావితం చేస్తుంది. మీరు లోన్/మరొక క్రెడిట్ కార్డు కోసం దరఖాస్తు చేసినప్పుడు బ్యాంకు మీ బాధ్యతాయుతమైన ప్రవర్తను పరిగణనలోకి తీసుకుంటుంది. మీ లోన్ను వేగంగా మంజూరు చేస్తుంది. లేదా ఎక్కువ మొత్తాన్ని ఆమోదించొచ్చు.
సీయూఆర్
క్రెడిట్ వినియోగం అనేది క్రెడిట్ కార్డ్ బ్యాలెన్స్ల నిష్పత్తిని, క్రెడిట్ పరిమితులను సూచిస్తుంది. కన్స్యూమర్ ఫైనాన్షియల్ ప్రొటెక్షక్ బ్యూరో (CFPB) ప్రకారం.. నిపుణులు క్రెడిట్ వినియోగాన్ని మీకు అందుబాటులో ఉన్న క్రెడిట్లో 30% కంటే తక్కువగా ఉంచాలని సిఫార్సు చేస్తున్నారు. కాబట్టి మీ నెలవారీ క్రెడిట్ కార్డు బిల్లు ఈ నిష్పత్తిని దాటుతున్నట్లైతే.. మీ క్రెడిట్ కార్డు బిల్లులను ముందుగానే చెల్లించి మీ బాకీ ఉన్న బ్యాలెన్స్ తగ్గించుకోవచ్చు. అప్పుడు క్రెడిట్ వినియోగం తక్కువగా నమోదవుతుంది. తక్కువ క్రెడిట్ వినియోగ నిష్పత్తి మీ క్రెడిట్ స్కోరుకు అనుకూలంగా ఉంటుంది. మీరు క్రెడిట్పై ఎక్కువగా ఆధారపడడం లేదని, ఆర్థిక నిర్వహణ సమర్థంగా అమలు చేస్తున్నారని సూచిస్తుంది.
పెనాల్టీ
గడువు తేదీకి ముందే క్రెడిట్ కార్డు బిల్లులను చెల్లించడం వల్ల ఆలస్య చెల్లింపు జరిమానాలు, రుసుములను నివారించొచ్చు. గడువు తేదీ దాటిన చెల్లింపులపై కనీస పెనాల్టీ కింద రూ.500+జీఎస్టీ ఉంటుంది. చెల్లింపులు ఆలస్యమయ్యే కొలదీ కాలవ్యవధిని బట్టి జరిమానా పెరిగిపోతుంది. మీ కార్డు పేమెంట్లను పదేపదే మిస్ చేయడం వల్ల పెద్ద మొత్తంలో బకాయిలు పెరగడమే కాకుండా.. వడ్డీ కూడా చాలా ఎక్కువగా ఉంటుంది. దీంతో క్రెడిట్ కార్డు ఖాతాను మూసివేయాల్సి రావచ్చు. అలా చేయడం వల్ల కూడా సిబిల్ స్కోరు తగ్గుతుంది. చెల్లింపుల తేదీని మర్చిపోకుండా ఉండడానికి అవసరమైతే మీ క్రెడిట్ కార్డు చెల్లింపులను ముందుగానే షెడ్యూల్ చేసుకోవాలి. ఆటోమేటిక్ చెల్లింపులు సెటప్ చేయవచ్చు. లేదా మీ ఫోన్లో రిమైండర్ను సెట్ చేసుకోవచ్చు.
క్రెడిట్ స్కోరు
గడువుతేదీలోపు చెల్లింపులు మీ క్రెడిట్ స్కోరును ప్రభావితం చేసే అత్యంత ముఖ్యమైన కారకాల్లో ఒకటి. కాబట్టి ముందుగానే కార్డు బిల్లులు చెల్లించడం వల్ల వేగంగా క్రెడిట్ స్కోరు మెరుగుపడుతుంది. కాలక్రమేణా మీ సానుకూల చెల్లింపు ప్రవర్తన మీ క్రెడిట్ స్కోరుపై ఎక్కువ ప్రభావం చూపుతుంది. మీ క్రెడిట్ స్కోరు దీర్ఘకాలిక క్రెడిట్ ప్రవర్తనను ప్రతిబింబిస్తుంది. రుణాలు, యుటిలిటీ బిల్లులతో సహా అన్ని బిల్లులు సకాలంలో చెల్లిస్తే..మీ క్రెడిట్ స్కోరు త్వరగా మెరుగుపడుతుంది. బ్యాంకులు, రుణ సంస్థలు మిమ్మల్ని నమ్మకమైన రుణగ్రహీతగా చూసే అవకాశం ఉంది. తద్వారా మీరు రుణాలపై తక్కువ వడ్డీ రేట్లకు అర్హత సాధిస్తారు.
క్రెడిట్ పరిమితి
స్థిరమైన ముందస్తు చెల్లింపుల కారణంగా మీ క్రెడిట్ స్కోరు మెరుగుపడినప్పుడు.. కార్డు జారీ సంస్థ మీ క్రెడిట్ పరిమితిని పెంచొచ్చు. ఇది మీకు ఎక్కువ ఆర్థిక సౌలభ్యాన్ని అందిస్తుంది. కార్డును గతం కంటే ఎక్కువగా ఉపయోగించుకోవచ్చు. క్యాష్ లిమిట్ కూడా పెరుగుతుంది. ప్రీ-అప్రూవ్ రుణాలు వేగంగా లభిస్తాయి.
చివరిగా: క్రెడిట్ కార్డు రెండు వైపులా పదునున్న కత్తి లాంటిది. కాబట్టి, క్రెడిట్ కార్డు ఉపయోగించేవారు గడువులోపు బకాయిలు చెల్లించి ఆర్థిక క్రమశిక్షణకు కట్టుబడి ఉండాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
అప్పట్లో.. 4 సెకన్లు ఆలస్యంగా చంద్రయాన్ 3.. ఎందుకంటే!
-
ఏపీ సీఎం జగన్ సతీమణి భారతికి ఎన్నికల ప్రచారంలో చేదు అనుభవం
-
సొంతగడ్డపై చెలరేగిన కోల్కతా.. దిల్లీపై ఘన విజయం
-
ఆ సినిమా చూశాక వ్యాక్సింగ్ మానేశా: తమన్నా
-
నదిలో ఈతకు వెళ్లి ఐదుగురు బీటెక్ విద్యార్థులు మృతి
-
పెళ్లి పత్రికలో ‘మోదీ’ ప్రస్తావన.. చిక్కుల్లో నవ వరుడు!