Published : 22/04/2021 00:28 IST

మేకప్‌లో మ్యాజిక్‌ కోసం...

మేకప్‌ చేసుకునేటప్పుడు బ్లెండర్‌ స్పాంజెస్‌ ఉపయోగం అంతా ఇంతా కాదు. చర్మం పై రాసిన క్రీం, పౌడర్‌ను మృదువుగా సమంగా పరుచుకునేలా చేస్తాయివి. వీటిని మేకప్‌ తొలగించుకోవడానికీ వాడొచ్చు. కానీ వాడిన వెంటనే శుభ్రపరిచి కొంతసేపు గాలికి ఆరనివ్వాలి. లేదంటే సూక్ష్మజీవులు చేరి, తిరిగి వాడినప్పుడు చర్మానికి హాని కలిగిస్తాయి. ఈ స్పాంజెస్‌లో రకాలు వాటి ఉపయోగాలు ఇవీ...
కోడిగుడ్డు ఆకారంలో... ఇది సహజసిద్ధమైన బ్లెండర్‌ స్పాంజి. చెక్కిళ్లపైన, కంటి కింద, కంటి మూలల్లో వినియోగించడానికి సౌకర్యంగా ఉంటుంది.

ఫ్లాట్‌... ముఖం కింద, మెడపై భాగంలో దవడ అంచుల వద్ద ఈ స్పాంజిని వాడొచ్చు. అనువుగా ఉండని ప్రాంతాల్లో దీంతో తేలికగా ఫౌండేషన్‌ను సమం చేయొచ్చు.

టియర్‌ డ్రాప్‌... ముఖమంతా 360 డిగ్రీలు తిప్పడానికి సౌకర్యంగా ఉంటుంది. ముఖం నలుమూలలా క్రీంని ఒకేలా చేరుస్తుంది.
చీలినట్లుగా... ఇది చీలినట్లుగా ఉండి, ముఖంపై మేకప్‌ను తక్కువగా పీల్చుకుని ప్రభావవంతంగా పనిచేస్తుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి