Published : 02/05/2021 00:52 IST

వారిపై ఓ కన్నేయండి..

కరోనా వల్ల ఇప్పుడు చిన్నా పెద్దా తేడాలేకుండా అందరికీ ఆటవిడుపు అంతర్జాలమే. ఆ సమయంలో చిన్నారులపై ఓ కన్నేసి ఉంచాలంటున్నారు మానసిక నిపుణులు.
కొంతమంది తమ పిల్లలు వేగంగా అంతర్జాలాన్ని వినియోగించడం చూసి మురిసిపోతుంటారు. వాళ్లు ఏ విషయాలపై అవగాహన పెంచుకుంటున్నారు? ఏం చూస్తున్నారు? అన్నవి గమనించకపోతే మాత్రం ఇబ్బందే. అంతర్జాలంలో విజ్ఞానం, వినోదంతో పాటు అశ్లీలత, నేర సంబంధిత విషయాలు ఎన్నో ఉన్నాయి. వాటి వైపు మనసు మళ్లితే చిన్నారుల భవిష్యత్తు ప్రమాదంలో పడినట్లే.
* పనికి అడ్డం పడుతున్నారనో, పేచీలు పెడుతున్నారనో ట్యాబ్‌లు, ఫోన్లు చేతికి ఇచ్చి వారిని ఒంటరిగా వదలొద్దు. కొన్ని సైట్లపై స్వీయ నియంత్రణ విధించడం తప్పనిసరి. అశ్లీలత, అసభ్యత ఎక్కువగా ఉన్న వాటిని మీ కంప్యూటర్‌లో/ మొబైల్‌ తెరుచుకోకుండా సెట్టింగ్స్‌ ఏర్పాటు చేయండి. చదువుకుంటాం, తెలుసుకుంటాం అంటే మీరూ సాయం చేస్తానని వారికి అవసరమైనవి అందించండి. దీనివల్ల పరిస్థితిలో కొంత మార్పు రావొచ్చు.
* ప్రీటీనేజీ, టీనేజీ పిల్లలు వర్చువల్‌ ఇమేజ్‌కోసం సామాజిక మాధ్యమాల మీద అతిగా ఆధార పడుతుంటారు. ఇది పరిధులు దాటి తెలియని వ్యక్తులతో పరిచయాలు, కుటుంబ విషయాలు పంచుకోవడం, వ్యక్తిగత చిత్రాలు పంపించడం వంటి వాటి వల్ల సమస్యలు కొని తెచ్చుకుంటారు. వీలైనంత వరకూ ఈ సమయాన్ని తగ్గించడానికి వారికి కొన్ని అభిరుచుల్ని పరిచయం చేయండి. ఇంటి పనుల్లో సాయానికి పిలవడం, పుస్తకాలు చదవడం, ఇండోర్‌ గేమ్స్‌ వంటివి అలవాటు చేయండి. క్రమంగా వారు అంతర్జాలంపై ఆధారపడే సమయాన్ని తగ్గించాలి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి