బరువు తగ్గించే బూడిద గుమ్మడి!
బూడిద గుమ్మడికాయ.. ఏ దిష్టి తగలకూడదని చాలామంది తమ ఇళ్ల గుమ్మాలకు వీటిని వేలాడదీస్తుంటారు. మరికొందరు దీంతో వివిధ రకాల వంటకాలు చేసుకుంటుంటారు. అయితే దీన్ని తరచుగా తినే వారు మాత్రం చాలా తక్కువ మందే ఉంటారని చెప్పచ్చు. కానీ ఇలా అప్పుడప్పుడూ కాకుండా.. రోజూ బూడిద గుమ్మడిని ఆహారంలో చేర్చుకోమంటున్నారు నిపుణులు. తద్వారా ఇందులోని బోలెడన్ని ఔషధ గుణాలు ఆరోగ్యానికి మేలు చేస్తాయని చెబుతున్నారు.
బూడిద గుమ్మడికాయ.. ఏ దిష్టి తగలకూడదని చాలామంది తమ ఇళ్ల గుమ్మాలకు వీటిని వేలాడదీస్తుంటారు. మరికొందరు దీంతో వివిధ రకాల వంటకాలు చేసుకుంటుంటారు. అయితే దీన్ని తరచుగా తినే వారు మాత్రం చాలా తక్కువ మందే ఉంటారని చెప్పచ్చు. కానీ ఇలా అప్పుడప్పుడూ కాకుండా.. రోజూ బూడిద గుమ్మడిని ఆహారంలో చేర్చుకోమంటున్నారు నిపుణులు. తద్వారా ఇందులోని బోలెడన్ని ఔషధ గుణాలు ఆరోగ్యానికి మేలు చేస్తాయని చెబుతున్నారు. నీటి శాతం అధికంగా ఉండే దీన్ని తీసుకోవడం వల్ల అధిక బరువుతో పాటు జీర్ణ సంబంధిత సమస్యలకు సైతం చెక్ పెట్టచ్చట!
ఆయుర్వేద మందుల్లోనూ!
‘వింటర్ మిలన్’, ‘చైనీస్ వాటర్ మిలన్’, ‘వ్యాక్స్ గార్డ్’, ‘సఫేద్ కద్దూ’.. ఇలా వివిధ పేర్లతో పిలిచే బూడిద గుమ్మడికాయలో ఔషధ గుణాలతో పాటు ఎన్నో పోషకాలు నిండి ఉన్నాయి. అందుకే దీన్ని గత కొన్ని శతాబ్దాలుగా చైనీయులు తమ సంప్రదాయ వైద్యం, ఆయుర్వేదిక్ మందుల్లో విరివిగా వాడుతున్నారట. మరి ఈ కాయలో ఉండే ఆ ఔషధ గుణాలు, పోషకాలేంటో మనమూ తెలుసుకుందాం రండి.
ఇమ్యూనిటీ పెంచుతుంది!
* బూడిద గుమ్మడికాయలో క్యాలరీలు అతి తక్కువగా ఉంటాయి. 100 గ్రాముల కాయ నుంచి శరీరానికి అందేవి కేవలం 13 క్యాలరీలే.
* పుచ్చకాయ లాగే ఇందులో కూడా నీటిస్థాయులు అధికంగా ఉంటాయి. సుమారు 96 శాతం నీటితో నిండి ఉండే గుమ్మడి డీహైడ్రేషన్ సమస్యల నుంచి తక్షణ ఉపశమనం కలిగిస్తుంది. శరీరంలో శక్తి స్థాయుల్ని సైతం పెంచుతుంది.
* ఫైబర్ పుష్కలంగా ఉండడం వల్ల కడుపులో మంట, ఉబ్బరం, మలబద్ధకం లాంటి జీర్ణ సంబంధిత సమస్యలు దూరమవుతాయి.
* శరీరంలోని విషతుల్యాలను బయటకు పంపించే డీటాక్సిఫై ఏజెంట్గా ఇది పనిచేస్తుంది.
* బూడిద గుమ్మడిలోని విటమిన్-సి, నియాసిన్, థయామిన్, రైబోఫ్లేవిన్.. లాంటి విటమిన్లు.. ఐరన్, పొటాషియం, జింక్, క్యాల్షియం, మెగ్నీషియం వంటి ఖనిజాలు రోగనిరోధక శక్తిని పెంచుతాయి. కంటి చూపును మెరుగుపరుస్తాయి.
* కొవ్వులు, కార్బోహైడ్రేట్లు కూడా దీనిలో చాలా తక్కువ పరిమాణంలో ఉంటాయి. కాబట్టి బరువు తగ్గాలనుకునే వారికి ఇది మంచి ఆహారం.
* ఇది గుండె జబ్బుల నుంచి రక్షణ కల్పిస్తుంది.
* మెదడు పనితీరును మెరుగుపరచుకోవాలంటే దీనిని తరచుగా డైట్లో చేర్చుకోవాలని నిపుణులు చెబుతున్నారు.
* వీటి గింజల్లో కూడా బోలెడన్ని ఔషధ గుణాలు ఉంటాయి. అందుకే వీటిని వివిధ మందులు, చర్మ సంరక్షణ నూనెల తయారీలోనూ ఎక్కువగా ఉపయోగిస్తుంటారు.
కూరలు, సూప్లు, సలాడ్లు, జ్యూస్లు, స్మూతీలు.. ఇలా ఏ విధంగానైనా బూడిద గుమ్మడిని ఆహారంలో చేర్చుకోవచ్చు. ఈ సందర్భంగా తమిళులకు బాగా ఇష్టమైన గుమ్మడికాయ కూటు వంటకాన్ని ఎలా తయారుచేయాలో తెలుసుకుందాం రండి.
గుమ్మడికాయ కూటు
కావాల్సిన పదార్థాలు
* బూడిద గుమ్మడి కాయలు - 750 గ్రాములు
* పసుపు- పావు టీస్పూన్
* ఉప్పు- రుచికి సరిపడినంత
మసాలా పేస్ట్ కోసం కావాల్సినవి
* తురిమిన కొబ్బరి - అర కప్పు
* జీలకర్ర – టేబుల్ స్పూన్
* పచ్చి మిర్చి- 4
* నల్ల మిరియాలు - ఒక టీస్పూన్
* బియ్యం - ఒకటిన్నర టీస్పూన్
తాలింపు కోసం కావాల్సినవి
* ఆవాలు- ఒక టీస్పూన్
* ఎండు మిరపకాయలు- 2
* మినపగుండ్లు - ఒక టీస్పూన్
* కరివేపాకు- 10 నుంచి 12 రెబ్బలు
* ఇంగువ- పావు టీస్పూన్
* నువ్వుల నూనె- 2 టేబుల్ స్పూన్లు
తయారీ విధానం
గింజలు తీసిన బూడిద గుమ్మడిని చిన్న చిన్న ముక్కలుగా కట్ చేసుకోవాలి. మసాలా పేస్ట్ కోసం సిద్ధం చేసిన పదార్థాలన్నింటినీ మిక్సీలో వేసి మెత్తని పేస్ట్లా తయారుచేసుకోవాలి. ఇప్పుడు రెండు కప్పుల నీళ్లలో గుమ్మడికాయ ముక్కలను బాగా ఉడికించాలి. అనంతరం అందులో ఉప్పు, పసుపు వేయాలి. కొద్ది సేపయ్యాక మసాలా పేస్ట్ను కూడా జతచేసి బాగా కలపాలి. ఇప్పుడు వేరొక ప్యాన్లో నూనె పోసి పైన చెప్పిన పదార్థాలతో తాలింపు వేస్తే రుచికరమైన గుమ్మడికాయ కూటు రడీ!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- మొటిమల మచ్చలు తగ్గాలంటే..!
- షాంపూ చేసే ముందు... సహజ చికిత్స
- ఈ అలవాట్లు చర్మ సౌందర్యాన్ని తగ్గిస్తాయ్..!
- Summer Tips: జిడ్డు సమస్యా?
- పడుచుకి... పచ్చటి గుత్తుల హారం!
ఆరోగ్యమస్తు
- కొబ్బరినీళ్లు... ముఖానికి రాస్తే!
- ఫిట్నెస్ డైస్ వేసేద్దాం!
- Couple Exercises: కలిసి చేస్తూ.. బరువు తగ్గేయచ్చు!
- మల్బరీ పండ్లు తింటున్నారా?
- నిద్రలో చెమట పడుతోందా.. అశ్రద్ధ వద్దు!
అనుబంధం
- సంతోషాన్నిచ్చే సబ్బు బుడగలు!
- ఇద్దరి పని వేళలు వేరైనా.. బంధం దృఢమవ్వాలంటే..!
- పెళ్లి చేస్తే బాధ్యత తీరిపోతుందా?
- యుక్తవయసులో ఆర్థికప్రణాళిక..!
- కప్ప గంతులు వేయించండి!
యూత్ కార్నర్
- అమ్మకి సివిల్స్ బహుమతి!
- అక్కడ గడ్డకట్టుకుపోయా!
- రక్షణ దళంలో... డాక్టరమ్మలు!
- ఆ కోరికలకు కళ్లెం వేయాల్సిందే..!
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
'స్వీట్' హోం
- సంపంగి సొగసు చూడతరమా!
- ల్యాప్టాప్ని ఎలా క్లీన్ చేస్తున్నారు?
- శ్రమను తగ్గిస్తాయివి
- ఈ మామిడి పండ్ల ఖరీదెంతో తెలుసా?
- ఆయన మొండితనాన్ని భరించలేకపోతున్నా...
వర్క్ & లైఫ్
- అందుకే మనం చలిని తట్టుకోలేమట!
- అక్కడ మహిళా ఓటర్లదే హవా!
- Sonam Kapoor: అప్పుడు 32 కిలోలు పెరిగా.. అయినా ఫీలవలేదు!
- విశ్వ సుందరి పోటీలో అరవయ్యేళ్ల అందం..!
- అక్కడ బిడ్డను కంటే రూ. 60 లక్షల బహుమతి!