Breaking | Feedback | ePratibha | E-PAPER | Pratibha

బ్లాక్‌హెడ్స్‌ పోతాయిలా...

రోజూ ముఖాన్ని రెండుసార్లు శుభ్రం చేసుకోవాలి. ఇలా చేయడం వల్ల చర్మంతోపాటు నుదురు, ముక్కు (టీ-జోన్‌) భాగాలు శుభ్రపడతాయి.

Updated : 21 Dec 2022 04:53 IST

* రోజూ ముఖాన్ని రెండుసార్లు శుభ్రం చేసుకోవాలి. ఇలా చేయడం వల్ల చర్మంతోపాటు నుదురు, ముక్కు (టీ-జోన్‌) భాగాలు శుభ్రపడతాయి. కసరత్తుల వల్ల చెమట పడుతుంది. దీనిపై దుమ్ము, ధూళి చేరడంతో చర్మరంధ్రాలు మూసుకుపోతాయి. వ్యాయామం తరువాత ముఖాన్ని తప్పక కడగాలి.

* మార్కెట్‌లో ‘పోర్‌ స్ట్రైప్స్‌’ దొరుకుతాయి. వీటితో బ్లాక్‌హెడ్స్‌ను తొలగించుకోవడం సులువు. ఆవిరి పట్టడం వల్లా ఈ సమస్యను అధిగమించవచ్చు.

* వారంలో కనీసం రెండుసార్లు అయినా మృతకణాలను తొలగించుకునేందుకు స్క్రబ్‌ చేయాలి. పావుకప్పు పెసరపిండి, కొద్దిగా పంచదార, చెంచా బొప్పాయి గుజ్జు, కాస్త నువ్వుల నూనె కలిపి ముఖానికి రాసి రుద్దాలి.

* గుడ్డు తెల్లసొనలో కాస్తంత తేనె కలిపి ఈ మిశ్రమాన్ని బ్లాక్‌హెడ్స్‌ ఉన్న చోట రాసి మృదువుగా మర్దన చేయాలి. అరగంటాగి గోరువెచ్చటి నీటితో కడిగేయాలి. వారానికోసారి ఈ పూత వేసుకోవాలి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.