Published : 24/12/2021 00:57 IST

ఈ క్రిస్మస్‌కి.. సహజంగా అలంకరిద్దామా!

లైట్లు, డెకరేటివ్‌ ఐటమ్స్‌తో క్రిస్మస్‌రోజు ఇంటినంతా అలంకరించేస్తాం కదా! ఈసారి వాటిలో మొక్కలను చేర్చండి. ఇంటికి జీవం రావడంతోపాటు ఆరోగ్యమూ లభిస్తుంది.

* రోజ్‌మెరీ, క్రిస్మస్‌ల అనుబంధం ఈనాటిది కాదు. బాల ఏసు ఊయల్లో ఉన్నవాటిల్లో దీన్నీ ఒకదానిగా చెబుతారు. పొడవైన రోజ్‌మెరీ కొమ్మలకు ఎర్రని రిబ్బన్లు కట్టి ఇంట్లో అక్కడక్కడా వేలాడదీయండి. చూడచక్కగా ఉంటాయి.

* ఎర్ర గులాబీల గుత్తుల్ని డైనింగ్‌ టేబుల్‌, టీపాయ్‌ వంటి చోట్ల అక్కడక్కడా ఉంచండి. అందంతోపాటు వాటి సువాసనలు ఉల్లాసాన్ని కలిగిస్తాయి. కాస్త విచ్చిన మొగ్గలు తెచ్చుకుంటే రెండు రోజులపాటు అలాగే ఉంటాయి.

* ఆంథూరియమ్‌ మొక్కల్ని ఇంట్లో అక్కడక్కడా ఉంచండి. ఫ్లెమింగ్‌ ఫ్లవర్‌, పిగ్‌ టెయిల్‌ ప్లాంట్‌, హవాలియన్‌ హార్ట్‌గా పిలిచే.. హృదయాకారంలో ఉండే దీని ఎర్రని పూలు వేడుకకు చక్కని జత. చుట్టూ క్యాండిల్స్‌ వెలిగిస్తే చాలు.

* క్రిస్మస్‌ పామ్‌ అందుబాటులో లేనివాళ్లు అరెకా పామ్‌ను ప్రయత్నించొచ్చు. దీన్ని పెంచడం సులువు, గాలినీ స్వచ్ఛంగా చేస్తుందిది. గదిలో ఓ మూలన ఉంచి, రిబ్బన్‌లు, బాల్స్‌, చిన్న లైట్లతో అలంకరిస్తే సరి! క్రిస్మస్‌ ట్రీ సిద్ధం.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని