పిల్లల ముందు ఇలా చేస్తున్నారా.. అయితే జాగ్రత్త!
ఈ రోజుల్లో ఎంతోమంది తల్లిదండ్రులు ‘మా పాప ఫోన్ పట్టిందంటే వదలదు, దానివల్ల సరిగ్గా చదవడం లేదు’, ‘మా బాబు పొద్దున్నే లేవమంటే అస్సలు లేవడు’, ‘మా పిల్లలను వ్యాయామం చేయమంటే బద్ధకిస్తుంటారు..’ అంటూ కౌన్సెలింగ్ నిపుణులతో తమ బాధలు చెప్పుకుంటున్నారు.
ఈ రోజుల్లో ఎంతోమంది తల్లిదండ్రులు ‘మా పాప ఫోన్ పట్టిందంటే వదలదు, దానివల్ల సరిగ్గా చదవడం లేదు’, ‘మా బాబు పొద్దున్నే లేవమంటే అస్సలు లేవడు’, ‘మా పిల్లలను వ్యాయామం చేయమంటే బద్ధకిస్తుంటారు..’ అంటూ కౌన్సెలింగ్ నిపుణులతో తమ బాధలు చెప్పుకుంటున్నారు. అయితే ఇలాంటివి జరగడానికి ఎక్కువశాతం తల్లిదండ్రుల ప్రవర్తనే కారణమంటున్నారు నిపుణులు. వారు పిల్లల ముందే చేసే కొన్ని పనుల వల్ల ఇలాంటి సమస్యలు వస్తున్నాయని చెబుతున్నారు. ఈ క్రమంలో తల్లిదండ్రులు పిల్లల ముందు ఎలాంటి పనులు చేయకూడదో తెలుసుకుందాం రండి...
ఫోన్ వాడకం...
ఈ రోజుల్లో చిన్నా, పెద్దా తేడా లేకుండా అందరూ ఫోన్లను విపరీతంగా ఉపయోగిస్తున్నారు. అయితే చాలామంది తల్లిదండ్రులు.. ‘మా పిల్లలు నిత్యం మొబైల్ వాడుతున్నారు. దానివల్ల సరిగా తినడం లేదు, చదువుకోవడంలేద’ని, తగిన పరిష్కారం చూపమని నిపుణులను ఆశ్రయిస్తున్నారు. అయితే యథా రాజా తథా ప్రజా అన్నట్టు.. మీరు అదేపనిగా మొబైల్ ఉపయోగిస్తే మీ పిల్లలు కూడా అలాగే చేస్తారు. కాబట్టి పిల్లల ముందు సెల్ఫోన్ని ఎక్కువగా ఉపయోగించకపోవడమే మంచిది. తల్లిదండ్రులు మొబైల్ ఫోన్లను ఎక్కువగా ఉపయోగించడం వల్ల పిల్లలపై పెట్టే శ్రద్ధ కూడా తగ్గిపోతుందని పలు సర్వేలు వెల్లడిస్తున్నాయి. కాబట్టి పిల్లల సమక్షంలో సాధ్యమైనంత వరకు మొబైల్ని పక్కన పెట్టండి. ఇలా మీరు పాటిస్తూనే.. వాళ్ల చేత కూడా ఈ ‘నో స్క్రీన్’ అలవాటును పాటింపజేయండి. ఒకవేళ ఆన్లైన్ క్లాసులు, స్కూల్ ప్రాజెక్టుల కోసం ఉపయోగించాల్సి వస్తే దాని కోసం నిర్దిష్ట సమయాన్ని కేటాయించండి.
ఆ ఆహారం వద్దు..
చిన్న వయసులోనే చాలామంది పిల్లలు ఊబకాయం సమస్యతో ఇబ్బంది పడుతున్నారు. దీనికి ప్రధాన కారణాలు.. జంక్ ఫుడ్ తినడం, వ్యాయామం చేయకపోవడం. పిల్లలకు ఆకలైందంటే కొంతమంది తల్లులు రెండు నిమిషాల్లో అయిపోతుందిగా అని నూడుల్స్ చేసి పెడుతుంటారు. మరికొంతమంది పిల్లలు వ్యాయామం చేయడానికి బద్ధకిస్తుంటారు. అయితే పిల్లలను వ్యాయామం చేయమని మీరు లేటుగా నిద్ర లేస్తే ఎలాంటి లాభం ఉండదు. కాబట్టి ఆహారం, వ్యాయామం విషయాల్లో పిల్లలకు చెప్పే మంచి అలవాట్లు ముందు మీరు ఆచరించి చూపించండి. ఇలా చేయడం వల్ల మిమ్మల్ని చూసి వారే నెమ్మదిగా మారతారు.
ఈ అలవాట్లకు దూరంగా...
పిల్లలకు గ్రాహ్య శక్తి ఎక్కువ. కాబట్టి మీరు మంచి చేసినా, చెడు చేసినా.. వాటిని ఇట్టే ఒంటబట్టించుకుంటారు. ఇది దృష్టిలో పెట్టుకొని..
⚛ పిల్లల ముందు ఇతరులను కించపరచడం, తక్కువ చేసి మాట్లాడడం, తిట్టడం.. వంటివి చేయకూడదు.
⚛ కొంతమంది తల్లిదండ్రులు పిల్లల ముందే మద్యపానం, ధూమపానం.. వంటివి చేస్తుంటారు. దీనివల్ల పిల్లలు కూడా ఆ అలవాట్లకు ప్రేరేపితమయ్యే ప్రమాదం ఉంది.
⚛ కొంతమంది తల్లిదండ్రులు పిల్లల ముందే తమ భాగస్వామిని, ఇతర కుటుంబ సభ్యులను తక్కువ చేసి మాట్లాడుతుంటారు.. ప్రవర్తిస్తుంటారు. ఇలా మీ ప్రవర్తన చూసి కొన్నాళ్లకు వాళ్లు కూడా మీలాగే తయారైనా ఆశ్చర్యపోనవసరం లేదు.
⚛ ఈ వయసులో వారికి ఏం తెలియదులే అనే భావనతో కొంతమంది తల్లిదండ్రులు వారి ముందే రొమాన్స్ చేస్తుంటారు. దీనివల్ల వాళ్ల మెదడుపై ప్రతికూల ప్రభావం పడుతుంది. అనవసర విషయాలకు ప్రేరేపితమై తప్పటడుగులు వేసినా నష్టపోయేది అటు వాళ్లు, ఇటు మీరు అని గుర్తుపెట్టుకోండి!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Met Gala 2024: గ్రీన్ కార్పెట్పై తారల సొగసులు!
- మండే ఎండల్లో... ఫ్రెష్గా ఉండాలంటే..!
- ఉంగరం... ఆడంబరం!
- మేకప్ మరకలా?
- ఈ వేసవి సమస్యలకు.. ఇలా చెక్ పెట్టేయండి!
ఆరోగ్యమస్తు
- నలభై దాటాక.. ఇమ్యూనిటీ పెరగాలంటే..!
- వేడికి... సహజ మంత్రం!
- No Diet Day: నచ్చింది తిందాం.. మనల్ని మనం ప్రేమించుకుందాం!
- ఆడుతూ పాడుతూ... ఆరోగ్యంగా!
- ఏకాగ్రతను పెంచే బంతాట
అనుబంధం
- అందుకే.. కాస్త రొమాన్స్ కూడా జోడించాల్సిందే..!
- ఆపొద్దు.. ఎగరనిద్దాం!
- వద్దంటే.. ఆ విషయం మా ఇంట్లో చెప్తానని బెదిరిస్తున్నాడు..!
- టిక్ టాక్ టో ఆడిద్దామా!
- పిల్లలు ఇంట్లో ఒంటరిగా ఉంటున్నారా?
యూత్ కార్నర్
- ఆ గౌను కోసం... పదివేల గంటలు!
- ఆ లెహెంగా తయారీకి 1400 గంటలు!
- వీగన్ ఉత్పత్తులతో... రూ.830 కోట్ల వ్యాపారం!
- ఈ అమ్మాయిలు... యునిసెఫ్ అంబాసిడర్లు!
- నవ్వుల మారాణులు!
'స్వీట్' హోం
- వాషింగ్ మెషీన్ వాడేద్దామిలా!
- పనిభారం ఉండదిక..!
- అప్పులు తెమ్మంటున్నాడు... విడాకులు తీసుకోనా?
- టైల్స్ మధ్య మురికి.. పోవాలంటే!
- మొక్కలు... సురక్షితమిలా!
వర్క్ & లైఫ్
- భర్త నచ్చకపోతే విడాకులు.. గ్రాండ్గా ‘పార్టీ’ కూడా చేసుకుంటారు!
- పెదవి కొరుకుతున్నారా..!
- ఓటు కోసం... వేల మైళ్లు
- Elections 2024: ఎన్నికల బరిలో అందాల తారలు!
- నవ్వు... నాయకత్వం!