Published : 10/02/2022 00:12 IST

కురులకు కెరొటిన్‌ చికిత్స

వెంట్రుకలు రాలుతున్నాయా? దీనికితోడు నిర్జీవంగా కనిపిస్తున్నాయా! అయితే కెరొటిన్‌ చికిత్సను తీసుకుంటే సరి. కంగారు పడకండి. దీన్ని ఇంట్లోనే ప్రయత్నించొచ్చు ఇలా..

* కప్పు ఉడికించి చల్లార్చిన అన్నాన్ని మిక్సీలో మెత్తగా చేసుకోవాలి. దానికి రెండు చెంచాల పెరుగు, చెంచా ఆముదం వేసి బాగా కలపాలి. తల స్నానం చేసి, ఆరిన జుట్టుకు ఈ మిశ్రమాన్ని మాడుతో సహా పట్టించాలి. అరగంట ఆగి గోరువెచ్చని నీటితో శుభ్రం చేస్తే సరి. దీనిలోని అమినో యాసిడ్స్‌, బీ, ఈ విటమిన్లు, ఖనిజలవణాలు, యాంటీ ఆక్సిడెంట్స్‌, యాంటీ బ్యాక్టీరియల్‌ గుణాలు చుండ్రును దూరం చేయడంతోపాటు శిరోజాలనూ మృదువుగా మారుస్తాయి. ఆముదం సహజ ఔషధంలా పనిచేసి మాడుకు రక్తప్రసరణ బాగా జరిగేలా చేస్తుంది. దీంతో కేశాలూ రాలవు.

* రెండు కోడిగుడ్ల సొనకు చెంచా వెజిటబుల్‌ ఆయిల్‌, వెనిగర్‌ చేర్చి బాగా గిలకొట్టాలి. ఆపై చెంచా మయోనీజ్‌, అవకాడో పండు గుజ్జు వేసి బాగా కలపాలి. ఈ మిశ్రమాన్ని జుట్టుకు పట్టించి గంటసేపు ఆరనిచ్చి శుభ్రం చేయాలి. వీటిల్లో యాంటీ ఆక్సిడెంట్స్‌, ఫ్యాటీయాసిడ్స్‌, ఖనిజ లవణాలు, బయోటిన్‌తోపాటు ఏ, బీ-5, ఈ విటమిన్లు ఉంటాయి. ఇవి కురులను మృదువుగా మెరిసేలా చేసి ఆరోగ్యంగా ఉంచుతాయి. వారానికోసారి ప్రయత్నిస్తే చాలు.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని