close
Updated : 01/10/2021 03:27 IST

అర్థం చేసుకోండి ప్లీజ్‌!

‘మీరీ మధ్య నన్నసలు పట్టించుకోవడం లేదు’.. అని భార్య అంటే... ‘నువ్వు నాకు ఎప్పటికీ అర్థం కావు’ అని భర్త. అదే దంపతులు ఒకరినొకరు అర్థం చేసుకోవడానికి ప్రయత్నిస్తే ఇలాంటి అసంతృప్తులకు తెరపడి కొత్తజీవితాన్ని ఆస్వాదించగలుగుతారు. అదెలాగో చూడండి.. 

* అవతలివారిలో లోపాలను ఎత్తి చూపి మాట్లాడటం వల్ల ఇద్దరి మధ్య వాదనలు మరింత బలపడతాయి. అలాకాకుండా నీకు కాస్త కోపం ఎక్కువ. అది తగ్గించుకోగలిగితే ఇప్పటికంటే మరింత అందంగా కనిపిస్తావ్‌. అంటూ ఇచ్చే సందేశం లోపాలతో పాటు వారి బలాలనూ ప్రస్తావించినట్టు అవుతుంది. ఎందుకంటే అయిన వారికి మార్పులు చెప్పే చనువూ ఉండాలి కదా మరి.

* మీరన్నది నిజమే కావొచ్చు. మీ అభిప్రాయాలు కోరికలు, ఆలోచనలు మనసులోనే ఉంటే తెలిసేదెలా? ఎక్కువ మంది చేసే పొరబాటే ఇది. మనసు మూలల్లో దాచుకున్న విషయాలను అర్థం చేసుకునే శక్తి అందరికీ ఉండకపోవచ్చు కూడా. నాకేదో చేయలేదు అనే బదులు...నాకిది కావాలి అని అడిగి చూడండి. త్వరగానే అవతలి వారు మీ ఇష్టాల్ని గ్రహించగలుగుతారు.

* ఒకరికొకరుగా ఉండాల్సిన బంధంలో... నన్ను పట్టించుకోవట్లేదు, నాకోసం ఏదీ చేయట్లేదు అని ఇద్దరిలో ఒకరు బాధపడుతుంటే! ముందు ఆ అభద్రతకు కారణమేంటో తెలుసుకోండి. సమయం కేటాయించలేకపోవడం, ఇతరులతో పోల్చి చూసుకోవడం వంటివెన్నో ఉండొచ్చు. దాన్ని అధిగమిస్తే మీ సమస్యకు పరిష్కారం లభిస్తుంది.


Advertisement

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి