close
Published : 18/01/2022 00:57 IST

ఈ అలవాట్లకుస్వస్తి పలికితేనే...

ఉదయం నుంచి రాత్రి నిద్రపోయే వరకు దైనందిన జీవితంలో తెలిసీతెలియకుండా చేసే చిన్నచిన్న పొరపాట్లు, అలవాట్లు లక్ష్యానికి దూరం చేస్తాయి అంటున్నారు నిపుణులు. వీటికి స్వస్తి పలికితేనే ఉన్నత శిఖరాలను అధిరోహించొచ్చు అని చెబుతున్నారు.

ఫిర్యాదులొద్దు... మీ సమస్యలపై మీరు ఫిర్యాదు చేసుకోవద్దు. అలా సమయాన్ని వృథా చేయొద్దు. ఫలానా సమస్య ఇంతగా బాధిస్తోందంటూ గంటల తరబడి ఆలోచించడం లేదా ఇతరులకు దాని గురించి ఏకరవు పెట్టడం వల్ల ప్రయోజనం ఉండదు. అదే సమయాన్ని ఆ సమస్య పరిష్కారం కోసం వినియోగిస్తే చాలు. త్వరగా బయటపడొచ్చు.
మరోసారి అనొద్దు... ఏదైనా పనిచేయాల్సి వచ్చినప్పుడు మరోసారి చూద్దాం అని వాయిదా వేయకూడదు. చిన్నదైనా, పెద్దదైనా తక్షణం ఆ పని గురించి ఆలోచించి త్వరగా పూర్తి చేయడానికి ప్రయత్నించాలి. చేయలేని పక్షంలో కనీసం దాని గురించి అవగాహన పొందగలిగితే చేయాలనే ఆసక్తి దానికదే వస్తుంది. అలా ఎప్పటి పని అప్పుడే పూర్తి చేస్తే భారం తగ్గుతుంది. ఒత్తిడి ఉండదు.
అన్నింటికీ ‘ఎస్‌’ చెప్పొద్దు... ఎదుటి వారు చెప్పే ప్రతి దానికీ ఎస్‌ అంటూ ఒప్పుకోకూడదు. అది మీరు చేయగలిగితేనే అలా చెప్పండి. లేదంటే సున్నితంగా మీ వల్ల కాదని ముందే చెబితే మంచిది. మీకంటూ కొన్ని పరిధిలుంటాయి. వాటిని పాటించాలి. అన్నింటికీ ఎదుటివారితో కలిసి నడవడానికి ప్రయత్నిస్తే మీ వ్యక్తిత్వాన్ని కోల్పోయే ప్రమాదం ఉంది.
భయపడొద్దు... వైఫల్యాలెదురైతే భయపడి అక్కడితో ఆగిపోవద్దు. ముందుకు ప్రయాణిస్తేనే విజయం. అప్పుడే దానివల్ల దక్కే మానసిక తృప్తిని రుచి చూసే అవకాశం దొరుకుతుంది. లేదంటే విజయం ద్వారా దొరికే సంతోషాన్ని కోల్పోయినవారవుతారు. అలాగే మీ చుట్టూ ఉన్న వాతావరణాన్ని నియంత్రించాలనుకోవద్దు. అలా చేస్తే చివరికి ఒంటరివారవుతారు. ఎదుటి వారికి స్వేచ్ఛనిస్తే అందరూ మీ చుట్టూనే ఉంటారు.
ప్రతికూలత వద్దు... ఈ ఆలోచనలకు చోటివ్వద్దు. ఎంతటి సమస్యనైనా సానుకూలతగా తీసుకోవడం నేర్చుకోవాలి. ఆ దిశగా లభ్యమయ్యే విజయాలను గుర్తుకు తెచ్చుకుంటే చాలు. ప్రతికూలత దరికి చేరదు. అలాగే ఎదుటి వారివల్ల చిన్న సహాయం పొందినా కృతజ్ఞత చెప్పడం మరవకూడదు. అందులో ఎంతో సంతోషం దాగి ఉంటుంది.
లక్ష్యం...
మీ ఎదుట నిత్యం ఏదో ఒక లక్ష్యం ఉండాల్సిందే. అది చిన్నదైనా, పెద్దదైనా ఫరవాలేదు. పట్టికలా రాసుకుని వాటిని తరచూ చూస్తూ ఉండాలి. వాటిని ఛేదించడానికి నిత్యం చేసే ప్రయత్నం శారీరక, మానసిక ఉల్లాసాన్ని, ఉత్సాహాన్ని కలిగిస్తుంది. ఎటువంటి లక్ష్యం లేకుండా వేసే అడుగులు ఎక్కువ దూరం ప్రయాణించ లేవు. దాంతో మనసంతా నిరాసక్తత ఆవరిస్తుంది.


Advertisement

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి