Breaking | Feedback | ePratibha | E-PAPER | Pratibha

మనసు మళ్లాలంటే...

కొన్ని పదార్థాలు ఒంటికి పడవు. అధిక బరువు, అనారోగ్యాలకు మూలమవుతాయనీ తెలుసు. అయినా మనసు మాత్రం లాగేస్తుంటుంది. ఆగలేక తినేస్తుంటారు. మీదీ అదే తీరా? దాన్ని తప్పించుకోవాలంటే...

Published : 10 Jul 2021 01:12 IST

* తీపి తినాలనిపిస్తే... చాక్లెట్లు, తీపి పదార్థాలు తినాలనిపిస్తే ఓ బెల్లం ముక్క తినండి. లేదంటే కిస్‌మిస్‌, ఖర్జూరా, అంజీరా వంటివీ ఎంచుకోవచ్చు. వీటిలో మినరళ్లూ, ప్రొటీన్లూ, విటమిన్లూ, పీచు అధికం. జీడిపప్పు, బాదం, వేరుసెనగ వంటి వాటికి బెల్లం కలిపీ తినొచ్చు.

* కూల్‌డ్రింక్స్‌ తాగాలనిపిస్తే... నిమ్మరసం మేలు. ఓట్స్‌ని జావలా కాచి పండ్ల ముక్కలూ, డ్రైఫ్రూట్స్‌ పలుకుల్ని వేసుకునీ తాగొచ్చు. నాలుక రుచి తప్పినట్టు అనిపిస్తే... యాపిల్‌, బొప్పాయి, నారింజ రసాలకి ప్రాధాన్యం ఇవ్వొచ్చు.

* చిరుతిళ్లకు బదులుగా... చల్లటి వాతావరణంలో రోడ్డు పక్కన దొరికే చాట్‌, కట్లెట్‌, పానీపూరీ, సమోసా, బజ్జీలు వంటివి తినాలనిపిస్తుంది. కానీ ప్రస్తుత పరిస్థితుల్లో వాటి జోలికి పోకపోవడమే మంచిది. వీలైతే మొలకలతో చాట్‌ చేసుకోండి. వేడివేడిగా ఉడికించిన సెనగలు, ఉలవలు, సోయా వంటి వాటితో కూడా ప్రయత్నించొచ్చు. వీటికి కాస్త పచ్చిమిర్చి, కొత్తిమీర, ఉప్పు, నిమ్మరసం చేరిస్తే వదిలిపెట్టరు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.