Published : 18/04/2021 01:19 IST

బలమైన బంధం మీదే!

రెండు భిన్నమైన మనస్తత్వాలు వివాహబంధంతో ఒక్కటిగా ముడిపడతాయి. పెళ్లయిన కొత్తలో చిన్నపాటి గొడవలు, చిరు కోపాలు, అలకలు సహజమే. అయితే ఇరువురు ఒకరినొకరు అర్థం చేసుకుని, పరస్పరం గౌరవాన్ని ఇచ్చిపుచ్చుకున్నప్పుడే భార్యాభర్తల మధ్య బంధం బలపడుతుంది. దంపతులిద్దరూ సంతోషంగా ఉంటేనే ఆ ఇల్లు స్వర్గంలా మారుతుంది. అలా మారాలంటే...

భార్యాభర్తలన్నాక తగువులు, చిన్నపాటి గొడవలు సాధారణం. అయితే అంత మాత్రన భాగస్వామి గురించి మీ కుటుంబ సభ్యులు, బంధువుల దగ్గర తక్కువ చేసి మాట్లాడొద్దు. తనతో మీకేదైనా సమస్య ఉంటే నేరుగా చెప్పాలే తప్ప ఇతరుల దగ్గర వారి గురించి తప్పుగా మాట్లాడొద్దు.
* ఆఫీసు, ఇతర సమస్యల వల్ల ఎదుటివారు తీరిక లేకుండా ఉన్నప్పుడు, అలాగే పని ఒత్తిడికి గురైనప్పుడు మీరే తనకు ప్రోత్సాహాన్ని ఇవ్వాలి. అలాంటి సమయంలోనే ‘నేనున్నానంటూ’ భరోసా ఇస్తే వారి నిస్తేజం దూరంగా పారిపోతుంది.
* మీ ప్రేమను మాటలతోపాటు చేతల్లోనూ వ్యక్తం చేయండి. అలసిపోయి వచ్చిన తనకు మీ ప్రేమ రంగరించి వేడి వేడి కాఫీ అందించండి. ఆఫీసు/వ్యాపార విషయాల్లో తనకు మీ సాయమేమైనా కావాలంటే అందించడానికి సిద్ధంగా ఉండండి.
* మీరు తననుంచి ఏం ఆశిస్తున్నారో నేరుగా చెప్పండి. దాన్ని ఆచరణలో పెట్టడానికి కాస్తంత సమయం ఇవ్వండి. అంతే తప్ప అదేపనిగా మాటల పోటీకి దిగొద్దు. అప్పుడే తనకు మీపై గౌరవం పెరుగుతుంది.
* ఇతరులతో మీ భాగస్వామిని పోల్చొద్దు. దానివల్ల మీరు తనతో సంతోషంగా ఉండటం లేదని పొరపాటు పడే అవకాశం ఉంది. అందులోనుండే తనకు మీరు గౌరవం ఇవ్వట్లేదనే అభద్రత కూడా మొదలయ్యే ప్రమాదం ఉంది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి