మా పెళ్లైపోయింది.. హనీమూన్కెళ్లాం..!
ఈ కరోనా ఏమో గానీ అందరినీ పిలిచి ఆడంబరంగా చేసుకోవాల్సిన వివాహాలు కాస్తా నిరాడంబరంగా జరిగిపోతున్నాయి. పెళ్లికి సంబంధించిన ఫొటోలు, వీడియోలు ఇన్స్టాలో పంచుకుంటే తప్ప ఫలానా వాళ్ల పెళ్లైపోయిందన్న విషయం తెలియట్లేదు. బబ్లీ బ్యూటీ విద్యుల్లేఖా రామన్ పెళ్లి విషయం కూడా అందరికీ ఇలాగే తెలిసింది.
ఈ కరోనా ఏమో గానీ అందరినీ పిలిచి ఆడంబరంగా చేసుకోవాల్సిన వివాహాలు కాస్తా నిరాడంబరంగా జరిగిపోతున్నాయి. పెళ్లికి సంబంధించిన ఫొటోలు, వీడియోలు ఇన్స్టాలో పంచుకుంటే తప్ప ఫలానా వాళ్ల పెళ్లైపోయిందన్న విషయం తెలియట్లేదు. బబ్లీ బ్యూటీ విద్యుల్లేఖా రామన్ పెళ్లి విషయం కూడా అందరికీ ఇలాగే తెలిసింది. సెప్టెంబర్ 9న సంజయ్తో తన వివాహం జరిగినట్లు తాజాగా తన పెళ్లి ఫొటోను ఇన్స్టాలో పోస్ట్ చేసిందీ ముద్దుగుమ్మ. దీంతో ఇప్పుడు వీళ్ల పెళ్లి హాట్ టాపిక్గా మారింది. ప్రస్తుతం ఈ ముద్దుల జంట హనీమూన్లో భాగంగా మాల్దీవుల్లో ఎంజాయ్ చేస్తోంది. ఈ నేపథ్యంలో వీళ్ల పెళ్లి ముచ్చట్లు, ప్రేమ కబుర్లేంటో మనమూ తెలుసుకుందాం రండి..
విద్యుల్లేఖా రామన్.. నటిగా, లేడీ కమెడియన్గా తెరపై నవ్వుల పువ్వులు పూయిస్తుంటుందీ చెన్నై చిన్నది. అంతేకాదు.. తన వ్యక్తిగత విషయాలను సైతం సోషల్ మీడియా ద్వారా ఎప్పటికప్పుడు తన ఫ్యాన్స్తో పంచుకుంటుంటుంది. ఇక సంజయ్.. కీటో డైట్ ఎక్స్పర్ట్గా వ్యవహరిస్తున్నారు. ఈ క్రమంలోనే ‘కీటో చెన్నై’ పేరుతో కీటో డైట్ వ్యాపారం నిర్వహిస్తున్నారు. అయితే గతేడాది ఆగస్టులోనే నిశ్చితార్థం చేసుకున్న ఈ జంట.. తాజాగా వైవాహిక బంధంలోకి అడుగుపెట్టింది.
ఇరు సంప్రదాయాల ప్రకారం!
ఎంగేజ్మెంట్ తర్వాత వీళ్లిద్దరూ ఎప్పుడెప్పుడు పెళ్లి చేసుకుంటారా అని ఫ్యాన్స్ ఆసక్తిగా ఎదురుచూశారు. ఆ ఎదురుచూపులకు తాజాగా తెరపడింది. సెప్టెంబర్ 9న తమ వివాహం జరిగినట్లు ఓ పెళ్లి ఫొటోను ఇన్స్టాలో పంచుకుంటూ చెప్పుకొచ్చిందీ లేడీ కమెడియన్. తమిళ, సింధీ సంప్రదాయాల ప్రకారం జరిగిన వీరి వివాహానికి చెన్నై వేదికగా నిలిచింది. తమిళ పెళ్లిలో పట్టు చీర-పట్టు పంచెలో మెరిసిపోయిన వధూవరులు.. సింధీ వెడ్డింగ్ కోసం కాస్త ట్రెడిషనల్ కమ్ ట్రెండీ అవుట్ఫిట్స్ను ఎంచుకున్నారు. ఈ క్రమంలో విద్యుల్లేఖ ప్రముఖ డిజైనర్ తరుణ్ తహ్లియానీ రూపొందించిన ఎరుపు రంగు భారీ ఎంబ్రాయిడరీ లెహెంగాలో ముస్తాబవగా.. సంజయ్ క్రీమ్ కలర్ షేర్వాణీకి జతగా ఎరుపు రంగు దుపట్టా ధరించాడు. ఇద్దరూ ఎదురెదురుగా నిలబడి ఒకరి కళ్లలోకి మరొకరు చూస్తున్న ఫొటోను తాజాగా ఇన్స్టాలో పోస్ట్ చేసింది విద్యుల్లేఖ. అలాగే వీళ్ల పెళ్లి, ఇతర పెళ్లి వేడుకలకు సంబంధించిన మరికొన్ని ఫొటోలు ఇన్స్టా స్టోరీస్లో పంచుకుంటూ మురిసిపోయారీ లవ్లీ కపుల్. కేవలం అత్యంత సన్నిహితులు, కుటుంబ సభ్యుల మధ్య ఈ జంట ఒక్కటైంది.
డేటింగ్ యాప్లో కలిశాం!
ప్రేమించుకొని, పెద్దల అనుమతితో ఒక్కటైన ఈ అందాల జంట.. తమ ప్రేమ కబుర్లను ఇటీవలే ఓ డేటింగ్ యాప్ నిర్వహించిన ‘Q&A’ సెషన్లో భాగంగా వెల్లడించారు. దీనికి సంబంధించిన వీడియోను కూడా ఇన్స్టాలో పోస్ట్ చేసింది బుజ్జీమా.
* మీరిద్దరూ ఎలా కలిశారు?
విద్యుల్లేఖ : నా పనిలో నేనెప్పుడూ బిజీగా ఉంటాను. కాబట్టి కొత్త వాళ్లను కలిసేంత సమయం దొరకడమే గగనం. ఈ క్రమంలోనే 2019లో సంజయ్ని డేటింగ్ యాప్లో కలిశాను. మా ఇద్దరి మధ్య ప్రేమ చిగురించి.. కట్ చేస్తే రెండేళ్ల తర్వాత పెళ్లితో ఒక్కటయ్యాం.
* మీ ఫస్ట్ డేట్ గురించి చెప్పండి!
సంజయ్ : తనెంతో చలాకీ అమ్మాయి. ఓరోజు సరదాగా అలా బయటికి వెళ్దామని అడిగా.. తను ఓకే అంది. అయితే ఆ సమయంలో నేను కాస్త నెర్వస్గా ఫీలయ్యా. కానీ కాసేపటి తర్వాత ఆ ఫీలింగ్ దూరమై.. ఇద్దరం ఎన్నో రోజుల నుంచి తెలుసన్న భావన కలిగింది.
* ప్రేమలో పడ్డామని ఎప్పుడు గ్రహించారు?
విద్యుల్లేఖ : నా ప్రతి షోకు సంజయ్ వచ్చేవాడు. ప్రేక్షకుల్లో ఒకడిగా నన్ను ఛీర్ చేసేవాడు.. ప్రోత్సహించేవాడు.. అప్పుడర్థమైంది అతడు నా మనసులో నిండిపోయాడని!
సంజయ్ : రోజంతా తనతోనే సమయం గడపాలనిపించేది.. ప్రేమంటే ఇదేనని అప్పుడు అర్థం చేసుకున్నా.
* కరోనా సమయంలో ఎలా కలుసుకున్నారు?
సంజయ్ : విద్యు తన పని మీద వివిధ ప్రాంతాలకు వెళ్లాల్సి వచ్చేది.. అందుకే వీడియో కాల్స్ ద్వారానే ఎక్కువగా మాట్లాడుకునేవాళ్లం. కరోనా సమయంలో ఇద్దరం ఒకే సిటీలో ఉన్నా నేరుగా కలుసుకునే అవకాశం లేకుండా పోయినందుకు బాధపడ్డా.
విద్యుల్లేఖ : నిజానికి కరోనాకు ముందే పెళ్లి చేసుకోవాలనుకున్నాం. కానీ కుదరలేదు. ఈ ఎదురుచూపులే బాధ్యతగా, ఓపికగా ఎలా ఉండాలో నాకు నేర్పాయి.
తనో స్వీట్ పర్సన్!
ఇక గతేడాది ఆగస్టులో విద్యుల్లేఖ-సంజయ్ల నిశ్చితార్థ వేడుక నిర్వహించారు. ఈ సమయంలోనే తన భర్త గురించి పలు ఆసక్తికర విశేషాలు పంచుకుందీ ముద్దుగుమ్మ. ‘మా ఇద్దరి ఆలోచనలు, అభిరుచులు ఒక్కటే! తను నన్ను అన్ని విషయాల్లోనూ ప్రోత్సహిస్తుంటారు. నేను బరువు తగ్గే క్రమంలోనూ ఓ డైటీషియన్గా నాకు కీటోజెనిక్ ఆహార నియమాలు సూచించారు. ఈ జర్నీలో అవి ఎంతగానో వర్కవుటయ్యాయి. ఇక మా అత్తింటి వాళ్లు కూడా నన్ను, నా వృత్తిని ఎంతో గౌరవిస్తారు.. ప్రోత్సహిస్తారు..’ అంటూ చెప్పుకొచ్చిందీ చెన్నై చిన్నది. ఇటీవలే పెళ్లి కార్యక్రమాలన్నీ ముగించుకొని హనీమూన్కి చెక్కేశారీ క్యూట్ కపుల్. ఈ క్రమంలోనే ప్రస్తుతం మాల్దీవుల్లో మధురయాత్రను ఎంజాయ్ చేస్తూ.. తమ ఆనందాన్ని ఫొటోలు, వీడియోల రూపంలో పంచుకుంటున్నారీ కొత్త జంట.
హ్యాపీ మ్యారీడ్ లైఫ్ న్యూ కపుల్!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
ఆరోగ్యమస్తు
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
- ఎలా తింటున్నారు
- పగలు నిద్రపోతున్నారా?
- వీటితో.. కడుపు చల్లగా.. ఆరోగ్యంగా..!
అనుబంధం
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
యూత్ కార్నర్
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!