Breaking | Feedback | ePratibha | E-PAPER | Pratibha

బరువులెత్తగలరా..?

అమ్మాయిలు సుకుమారులనీ, బరువులెత్తలేరనే అపవాదుని... నేటితరం ఆడపిల్లలు పోగొడుతున్నారు. అసలు వాటివల్ల లాభమేంటో తెలుసుకుందామా?

Published : 05 Jul 2021 00:41 IST

* బరువులెత్తి చేసే వ్యాయామాలని స్ట్రెంత్‌ట్రైనింగ్‌ కసరత్తులని కూడా అంటారు. తక్కిన వాటితో పోలిస్తే... ఇది మహిళలకు ఎక్కువ మేలు చేస్తుందని అంటున్నాయి అధ్యయనాలు. వీటిని కనీసం పదివారాలు క్రమం తప్పకుండా చేస్తే శరీరంలో ఫీల్‌గుడ్‌ ఎండార్ఫిన్లు పుష్కలంగా విడుదలవుతాయట. ఫలితంగా ఒత్తిడికి దూరంగా ఉండగలరు.

* వారంలో మూడు రోజుల పాటూ ఈ స్ట్రెంతనింగ్‌ వ్యాయామాలకి తోడుగా... పరుగూ, నడక వంటి కార్డియో వ్యాయామాలూ చేయగలిగితే గుండె ఆరోగ్యంగా ఉంటుంది. రక్తప్రసరణ సక్రమంగా జరుగుతుంది. నిద్రలేమి ఉండదు.

* ఈ వ్యాయామాలు ఎముక సాంద్రతని పెంచి, ఆస్టియోపొరోసిస్‌ వంటి సమస్యలు రాకుండా అడ్డుకుంటాయట. ముఖ్యంగా ఏంటీయర్‌ కార్టికల్‌ లిగమెంట్‌ పాడవుతుంది. దీనినే ఏసీఎల్‌ టియర్స్‌ అని కూడా అంటారు. ఈ సమస్య స్త్రీలలోనే ఎక్కువ. దాంతో నడుము దిగువ భాగం దగ్గరా, మోకాళ్ల దగ్గర తీవ్రమైన నొప్పులు ఉంటాయి. ఈ సమస్యను అదుపులో ఉంచడానికి స్ట్రెంతనింగ్‌ కసరత్తులు బాగా ఉపయోగపడతాయి. ఇవి కనీసం మూడునెలలు క్రమం తప్పకుండా చేయగలిగితే... చిన్నపాటి శ్రమకే అలసిపోవడం తగ్గుతుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.