Breaking | Feedback | ePratibha | E-PAPER | Pratibha

ఆరోగ్యాన్నిచ్చే సగ్గుబియ్యం

మంచి ముత్యాల్లాంటి సగ్గుబియ్యమంటే ఆడవాళ్లకి మహా ఇష్టం కదూ! సులువుగా పాయసం చేసేయొచ్చు. ఉడికించి చీరలు, చుడీదార్లకు గంజి పెట్టేసుకోవచ్చు. దానివల్ల ఇంకా ఏమేం లాభాలున్నాయో చూద్దాం...

Published : 09 Jul 2021 00:35 IST

సగ్గుబియ్యంలో కార్బోహైడ్రేట్లు అధికం. ఇది మంచి ఎనర్జీ బూస్టర్‌.

* సహజంగా ఏ రుచీ ఉండదు కనుక స్వీట్లు, సూపు మొదలైన వాటిల్లో వాడతారు.

* ఉప్మా, కిచిడీ చేయొచ్చు. సులువూ, రుచీ కూడా.

* నూనెలో వేయించి ఉప్పూ కారం జల్లితే పిల్లలు ఇష్టంగా తింటారు.

* కడుపునొప్పి, డయేరియా, జ్వరం, నిస్సత్తువ, బరువు తగ్గిపోవడం లాంటి సందర్భాల్లో సగ్గు జావ ఔషధంలా పనిచేస్తుంది.

* ఇందులోని పీచుపదార్థం జీర్ణవ్యవస్థకు మేలు చేస్తుంది.

* రక్తపోటును నియంత్రించే పొటాషియం ఉంది. కొలెస్ట్రాల్‌ స్థాయుల్ని పెరగనివ్వదు.

* కాల్షియం, అమినో ఆసిడ్స్‌ ఉన్నందున ఎముకలకు, జుట్టుకు మంచిది.

* బరువు పెరగాలనుకునే వాళ్లు సగ్గు బియ్యం జావ తాగితే ఫలితం ఉంటుంది.

* గర్భిణులకు ఐరన్‌, క్యాల్షియం లాంటి పోషకాలను అందిస్తుంది.

* ఆరోగ్యానికే కాదు, అందానికీ పనికొస్తుంది. నానబెట్టిన సగ్గుబియ్యంలో పాలు, తేనె కలిపి ముఖానికి రాసి అరగంట తర్వాత గోరువెచ్చటి నీటితో కడిగితే చర్మానికి కాంతి వస్తుంది, ముడతలు రావు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.