Breaking | Feedback | ePratibha | E-PAPER | Pratibha

అదిరే అధరాలు..

ముఖంలో కళ్ల తర్వాత ఆకర్షణీయంగా కనిపించేది పెదాలే. అవి పగలకుండా, పొడిబారకుండా ఆహా అనిపించాలంటే కొన్ని చిట్కాలు పాటించాల్సిందే మరి.

Published : 11 Jul 2021 00:44 IST

* మంచి పోషకాహారం, తగినంత నిద్ర తక్కిన శరీర భాగాల్లాగే పెదాలకూ అవసరం.

* ఎండలో తిరిగేటప్పుడు మెలనిన్‌ తగ్గే అవకాశముంది. కనుక లిప్‌ బామ్‌ తప్పకుండా రాయండి.

* పెదాలు పగిలితే గిల్లి చర్మాన్ని తొలగించడం వల్ల సమస్య జటిలమవుతుంది. వెన్న, నిమ్మరసం, దోస లేదా టొమేటో గుజ్జు పెదాల పగుళ్లను తగ్గిస్తాయి. తరచుగా పెదాలు పగులుతుంటే టూత్‌పేస్టు లేదా తింటున్న పదార్థాల వల్ల ఎలర్జీ అయ్యుంటుందేమో చెక్‌ చేసుకోండి.

* నూరిన గులాబి రేకల్లో తేనె, పాలు కలిపి పెదాలకు దట్టించి పావుగంట తర్వాత కడిగితే మృదువుగా ఉంటాయి. రాత్రి పడుకునే ముందు నేతితో పెదాలను మర్దనా చేయడం వల్ల కూడా సత్ఫలితం ఉంటుంది.

* శరీరం డీ హైడ్రేషన్‌కు లోనయితే ఆ ప్రభావం పెదాల మీద ప్రస్ఫుటంగా కనిపిస్తుంది. మీరెక్కడికెళ్లినా వాటర్‌ బాటిల్‌ మర్చిపోకండి. రోజుకు రెండు లీటర్ల నీళ్లు తాగితే పెదాలు ఆరోగ్యంగా ఉంటాయి. మీ మేనిఛాయకు అనువైన రంగులను ఎంచుకోండి. బ్రాండెడ్‌ లిప్‌స్టిక్‌లు మాత్రమే వాడాలి. లేదంటే వాటిల్లోని చవకరకపు రసాయనాలు హాని చేయొచ్చు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.