Updated : 16/11/2021 05:43 IST

అమ్మపాలలో యాంటీబాడీల అద్భుతం!  

అమ్మపాలు అమృతంతో సమానం అంటారు. మరి అటువంటి పాలకు కొవిడ్‌కి కారణమయ్యే వైరస్‌ని ఎదిరించే శక్తి ఉందా? ఈ విషయంపై అమెరికాలోని రోచెస్టర్‌ మెడికల్‌ సెంటర్‌ అధ్యయనవేత్తలు పరిశోధనలు చేశారు. ఇన్‌ఫెక్షన్‌ బారిన పడి కోలుకున్న, వాక్సినేషన్‌ చేయించుకున్న బాలింతలని ఈ పరిశోధనల కోసం ఎంచుకున్నారు. వీళ్ల నుంచీ  సేకరించిన పాలల్లో కొవిడ్‌ని ఎదిరించే యాంటీ బాడీలు పుష్కలంగా ఉన్నట్టు ఈ పరిశోధనలు తేల్చాయి. వ్యాధి నుంచి కోలుకున్న బాలింతల పాలల్లో చాలా శక్తిమంతమైన యాంటీబాడీలున్నట్టుగా పరిశోధకులు చెబుతున్నారు. అయితే వ్యాక్సినేషన్‌ అవసరం లేకుండా ఈ పాల రక్షణ మాత్రమే పిల్లలకు సరిపోతుందా అనే  విషయాన్ని ఈ పరిశోధనలు తేల్చలేదు.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని