Breaking | Feedback | ePratibha | E-PAPER | Pratibha

సున్నితంగా చెబితేనే సంతోషం...

ఆలుమగల అనుబంధానికి ప్రత్యేక సూత్రాలేమీ ఉండవు. సందర్భం, పరిస్థితులను బట్టి సర్దుకుపోవాలి. ఇష్టాయిష్టాలను పంచుకోవాలి.అప్పుడే సంతోషంగా సాగిపోతుంది ఆ కాపురం.

Published : 23 Jul 2021 01:07 IST

ఒక్కోసారి చిన్న విషయాలూ ఆలుమగల మధ్య పెద్ద దుమారం లేపుతుంటాయి. మీరు చిన్నది అనుకున్న విషయం అవతలి వారికి పెద్దదిగా కనిపించొచ్చు... వీలైనంత వరకూ అన్నింటా పారదర్శకంగా ఉండండి. ఏదైనా తప్పక దాచాల్సి వచ్చినా... వీలైనంత త్వరగా ఆ సమస్యను పరిష్కరించుకోండి. అప్పుడే అపోహలూ, అపార్థాలూ ఉండవు.

* కోపంతో సాధించలేని ఎన్నో పనులు ప్రేమతో చేయొచ్చు. ఎదుటివారిలో మార్పు కోరుకున్నప్పుడు మీరు చెప్పాలనుకునే విషయం కోపంతోనో, ఆవేశంతోనో కాకుండా సున్నితంగా చెప్పిచూడండి. ఉద్వేగాలతో ఎదుటి వారి కాళ్లకు బంధనాలు వేయడం వల్ల... ఇద్దరి మధ్యా అగాథం పెరిగే ప్రమాదం ఉంది. ప్రేమను వ్యక్తం చేయడంలో అందరి తీరూ ఒకేలా ఉండక పోవచ్చు. అర్థం చేసుకుని అడుగులేస్తే ఆనందమే.

* ఎందరిలో ఉన్నా... ఎంత దూరంలో ఉన్నా మీ బంధానికి ప్రాధాన్యం ఇవ్వడం మరిచిపోవద్దు. ఒకరికొకరు గౌరవం ఇచ్చిపుచ్చుకుంటేనే.. నలుగురిలోనూ మీ మర్యాదా నిలబడుతుందని గమనించండి. అలాకాకుండా చులకన చేయడం, కొట్టి పారేయడం...వద్దు. ఏ విషయమైనా గుట్టుగా మాట్లాడుకుని ఒక తాటిపై నిలబడితేనే సంసారం సంతోషంగా సాగిపోతుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.