Published : 05/10/2021 01:02 IST

భాగస్వామిని ఎంచుకోండిలా

కష్టాల సాగరంలో తీరం చేర్చే చుక్కానిలా.. బాధల్లో ఓదార్చే తోబుట్టువులా... సంతోష సమయంలో స్నేహితుడిగా... అన్ని వేళల్లో నీడలా తోడుండే భాగస్వామి కావాలా... అయితే  ఆ వ్యక్తికి ఈ లక్షణాలు ఉన్నాయో లేదో చూసేయండి మరి...

* అభిరుచులు కలిసేలా... ఆహారం, అలవాట్లు, పద్ధతులు... ఇలా చాలా వాటిలో ఒకేలా ఆలోచించే వ్యక్తులు భార్యభర్తలుగా జీవితం ప్రారంభిస్తే కాపురం కలతలు లేకుండా చక్కగా సాగిపోతుంది. కాబట్టి మీలాంటి అభిరుచులున్న వ్యక్తిని ఎంచుకోండి.

* మర్యాద... మీ కలలు, లక్ష్యాలను పట్టించుకోని వ్యక్తితో జీవితాన్ని గడప లేరు. అలాంటి వ్యక్తి అయితే ఇద్దరికీ సంతోషం ఉండదు.

* నమ్మకం..  ఒకరి పట్ల మరొకరికి పూర్తి నమ్మకం ఉండాలి. అప్పుడే ఆ వివాహ బంధం చక్కగా కొనసాగుతుంది. నమ్మకం లేకపోతే కొన్నాళ్లకే ఆ బంధం విచ్ఛిన్నమవ్వొచ్చు.

* అర్థం చేసుకునే వ్యక్తి.. వందేళ్ల ప్రయాణంలో తోడుగా ఉండాల్సిన వ్యక్తి మిమ్మల్ని అర్థం చేసుకున్నప్పుడే మీ ప్రయాణం సాఫీగా సాగుతుంది. కాబట్టి ఓసారి అతడితో కాసేపు కూర్చోని మీ అభిరుచులు, ఇష్టాఇష్టాలు, లక్ష్యాలు, బాధ్యతలు చెప్పి చూడండి. అతడి ప్రతిస్పందన ఎలా ఉందో గమనించండి. సానుకూలంగా స్పందిస్తే ఏడడుగులు వేయడానికి సిద్ధమవ్వండి.

* హాస్యస్ఫూర్తి... సెన్సాఫ్‌ హ్యూమర్‌ ఉన్న వ్యక్తిని పెళ్లాడితే ఎన్ని అడ్డంకులు వచ్చినా తనతో ఆనందంగా సాగగలుగుతారు. కాబట్టి ఈ విషయంలో అతడెలాంటి వాడో ఆరా తీయండి.


Advertisement

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని