Breaking | Feedback | ePratibha | E-PAPER | Pratibha

స్నేహానికి కేరాఫ్‌ అడ్రెస్‌

అమ్మా నాన్నా, జీవిత భాగస్వామి, తోడబుట్టిన వాళ్లు, స్నేహితులు.. ఇలా మన జీవితంలో ఎందరెందరో ఉంటారు. కానీ అందరితో అన్ని విషయాలూ చెప్పుకోలేం. మనసు లోతుల్లోని బాధను దాపరికం లేకుండా పంచుకోవాలన్నా, సినిమాలూ షికార్ల గురించి హాయిగా జోకులేసుకోవాలన్నా అందుకు అనువైన వాళ్లు కచ్చితంగా కజిన్సే. ఎందుకంటే...

Published : 26 Oct 2021 01:35 IST

మరీ రక్తసంబంధీకులు లేదా పూర్తి బయటివాళ్లతో కొన్ని కొన్ని సంగతులు ముచ్చటించడానికి జంకుతాం. అదే పెద్దమ్మ, చిన్నమ్మ, మావయ్యల పిల్లలతో ఏదైనా బాహాటంగా చెప్పగలం, నిర్మొహమాటంగా చర్చించగలం.

* చిన్నతనం నుంచీ కలుస్తూ ఉంటారు కనుక అనుబంధం బలపడుతుంది. వీళ్లతో పంచుకుంటే ఆనందాలు రెట్టింపవుతాయి, ఆందోళనలు మటు మాయమవుతాయి. కజిన్లు స్నేహానికి కేరాఫ్‌ అడ్రెస్‌ అంటే అతిశయం కాదు.

* ఇంటిసభ్యుల్లో ఉన్న లోపాలు లేదా వాళ్లతో ఉన్న విభేదాల గురించి మనసు విప్పి మాట్లాడగలం. కుటుంబ తగాదాలు, ఆస్తి పంపకాలు లాంటి సమస్యలు ఎదురైనప్పుడు కజిన్లు మధ్యవర్తిత్వం నెరపగలరు.

* ఇద్దరికీ ఇరు కుటుంబాల గురించీ తెలుసు కనుక మీలో ఏమైనా వ్యత్యాసాలున్నా, వాళ్లలో ఏమైనా అవలక్షణాలున్నా అర్థం చేసుకోగలుగుతారు.

* ఫ్యామిలీ ఫంక్షన్లలో అందరి కంటే మిన్నగా మిమ్మల్ని ఆదరించేది కజిన్సే. కుటుంబ అనుబంధాలు కనుక పెళ్లిళ్లయినా ప్రేమగా రాకపోకలు సాగిస్తారు.

* కలిసినప్పుడల్లా ప్రాణం లేచొచ్చినట్టుంటుంది. ఆ ఆనందంతో అలసటలు దూరమై రీచార్జ్‌ అవుతారు. కాదంటారా?

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.